Lil le Tituseske

Chapters:

1 2 3

verse #1

O Pal, le Devleski sluga, haj le Jezush Kristosko akhardo aposhtolo, ke le Devleske alosarden po patyape haj chacho devlikanopatyivisaripe te ingrel,

verse #2

ande sagutne trajosko sperantipe, so angla sagutne vrami anglal vorba das o Del, kon chi xoxavel,

verse #3

haj kon vi ande chachi vrama avri sikadas peski vorba perdal pa alav viacaripe, so amaro Muntori Del pe mande muklas:

verse #4

le Tituseske, le kamade shaveske kasa jekh si amaro patyape. Gracija haj pachipe kathar o Dadunodel haj kathar o Kristo Jezush, kathar amaro Muntori!

verse #5

Anda kodo muklom tut pe Kretako niso, ke so palal ashilas, lasharles, haj pa jekh gav po kaver phirindes prezhbiteron te kides kethane, sar kodo vladisardom tuke:

verse #6

patyivales, jekhar ansurisardines, kaske shave patyamne si, haj na ratyakej bake bi muklej.

verse #7

Ke le biskoposke, sar le Devleske lashareske, bi doshaleske trubuj te avel, haj na phutyardo, na xolyarnyiko, na matyarno, na marimasko, na xanzhvalo,

verse #8

barem manush kamlo, lashe kamipesko, trazo, chacho, sunto, palpaleinkerdinesko,

verse #9

kon zhanel te lasharel o lasho sityaripe, ke kathar o sasto sityaripe te trubul te zhanel vi te feril, haj kodalen, kon na phenen, te zhanel po lasho te anel.

verse #10

Ke si but bi mukle, but shushe vorbardine, xoxamne manusha, majfeder mashkar krujalshindine.

verse #11

Kadalen tele trubuj te lazhavaren, ke oprebolden intregone kheren, anda zhungalo xanzhvalipe kasavo sityaren, so chi trubulas.

verse #12

Mashkar lende o jekh, lengi profeta kodo phendas: „Le kretaicka sagutne xoxamnej, nasulaj, haj khanchikerde bokhshindej.”

verse #13

Kado chachardyipe chacho si. Zhi anda kado phen len tele zurales, ke saste te aven ando patyape,

verse #14

tena ashunen pe bibolde paramichi, haj pe kasave manushenge vladimata, kon dumo bolden le chachipeske.

verse #15

Le uzheske sakofalo uzhoj: ba le biuzheske haj bipatyamnenge khanchi naj uzho, ke vi lengi godyi haj vi lengo duhosko hatyaripe melalo si.

verse #16

Kodo phenen, ke pinzharen le Devles, ba penge kerdyimatanca asvikaren les, ke rucij, bi chachej, haj po sakono lasho kerdyipe bi muklej.

Chapters:

1 2 3