Lil le Tituseske

chapter 2


Chapters:

1 2 3


Trajimaske trubujimata


verse #1

Ba tu kodo viacar, so trazo sityaripe si.


verse #2

Le phurenge kodo, ke te aven trazi, patyivale, godyavera ando patyape, ando kamipe haj toleranshipe.


verse #3

Le phure romnya zhikade, sar sunci te trajin, na bange colaxenge, na le bute molyange phangle, ba te sityaren po lasho,


verse #4

te sityaren le terne romnyan pe kodo, ke te kamen penge romen haj shavoren.


verse #5

Ba inke te aven vi godyavera, uzhe, harnyika, lashe, penge romenge muklane, ke tena kushen anda lende le Devleske alaves.


verse #6

Le ternen zhikade zurar, ke te aven trazi.


verse #7

Ba majanglal tu sikav patyivipe ande sakofaloste: av ando sityaripe bi doshako haj na assamno.


verse #8

Tyi vorba te avel trazo, bi avri boldini, ke o dushmano tele te lazhavardyol, ke khanchi nasul chi zhanel te phenel pamende.


verse #9

Le robuneslugenge phen, ke te mukenpe penge rajenge, te roden ande sakofaloste lengi voja, tena xanpe,


verse #10

tena aven bi chache, ba te sikaven ande sakofaloste chacho muklipe, ke ande sakofaloste po shukaripe te aven amare Muntosare Devleske sityarimaske.


Gracija haj o kristianicko trajo


verse #11

Ke sikadyilas amare Muntori Devleski gracija sakone manusheske,


verse #12

haj pe kodo sityarel amen, ke te asvikaras o bidevlipe haj la lumake doromata. Te trajisaras trazo, haj chaches, devleskedarasa pe kadi luma,


verse #13

haj te zhukaras o anando sperantipe, le bare Devlesko haj amare Muntosaresko le Jezush Kristosko luvudyimasko avlipe.


verse #14

Voj pes das anda amende, ke te muntosarel amen kathar sakono nasulipe, haj te uzharel amen lashe kerdyimaske, pestarutne populareske


verse #15

Kado viacar, kado zurar, haj kade de duma intregone zorasa. Khonyik tena dikhel tele tut!

Chapters:


Books