Lil kaj le filippivura

Chapters:

1 2 3 4

verse #1

O Pal haj o Timoteush, le Kristo Jezusheske slugi, kaj le Kristo Jezusheske intregone suntura, kon ande Filippi si le anglalarenca haj diakonenca kethanes.

verse #2

Gracija tumenge haj pachipe kathar o Del, kathar amaro Dad haj kathar o Raj Jezush Kristo!

verse #3

Zhisodivar serosajvav pa tumende, najisipe phenav mure Devleske,

verse #4

haj sagda, ande mure intrega rudyimata losshasa rudyisarav anda savorazhenende,

verse #5

ke avri len tumari rig ande evangeliumosko slugipe zhikathar o angluno dyes zhikaj kado.

verse #6

Vi patyav ande kodo, ke kon anglalardas kadi lashi butyi ande tumende, intregoneske kerel kodales zhikaj le Kristo Jezushesko dyes.

verse #7

Vi perelpe kade te gindisarav man pa tumende, ke ande muro ilo phandadom tumen, kon vi ande mure sastra, haj vi ande evangeliumosko feripe rigasle sanle kodala gracijake, so mange davadyilas.

verse #8

Ke o Del zhanel, sar dorojman pala savorazhenende, ande Kristo Jezushesko kamipe.

verse #9

Anda kodo rudyisarav, ke tumaro kamipe inke majfeder te barvajvel ando pinzharipe haj intrego hatyaripe,

verse #10

ke te zhanen te alosaren, ke so si o lasho, ke uzhe haj bi doshale te aven pe Kristosko dyes,

verse #11

pherdyardes le chachipeske perdal pa Jezush Kristo kerdyiline fruktosa pe Devlesko luvudyipe haj pe lesko asharipe.

verse #12

Fajas man te zhanen, phralale, ke kadal trabi so akanak pecisajline barem po mishtyipe si le evangeliumoske,

verse #13

ke ande intrego chasaricko kethanipe haj vi kavere thaneste pinzhardo kerdyilas, ke mure sastra anda Kristo phiravav,

verse #14

haj ando Raj patyamne phralengo butipe, kathar mure sastra zor linisardes, maj tromanes, bi darako tromal te viacarel o alav.

verse #15

Unyizhene anda xanzhvalipe haj rivalizalipe, ba kavera anda lashipe viacaren le Kristos.

verse #16

Kadal anda kamipe, ke zhanen, ke anda evangeliumosko feripe som kathe:

verse #17

kodal pale anda rivalizalipe, na uzhe duhosa viacaren le Kristos, haj kodo gindisaren, ke duhikane dukha, keren mange ande mure sastra.

verse #18

Ba so mol kadi? Feri le Kristos te viacaren zhisar, zhi paluna gindimatasa, ba uzhe duhosa. Me losshav lake. Haj inke vi pala kado lossho lake,

verse #19

ke zhanav, ke kado pe muro muntosaripe avla perdal pa tumare rudyimata haj pa Jezush Kristoske duhosko zhutipe.

verse #20

Kadoj muro zhukaripe haj sperantipe, ke ande khancheste chi lazhardyuvavtar, boldines, intregoj muro patyape, ke sar sagda, kade vi akanak luvudyisajveltar o Kristo ande muro trupo, zhikathar o trajo zhikathar o meripe.

verse #21

Ke pe muri rig o trajo o Kristo si, o meripe pale majbutipej.

verse #22

Ba majdur trubuj te trajiv ando trupo, atunchi kado mange lashi butyi somnosarel, haj chi zhanav, so te alosarav.

verse #23

Mashkar duj shudosajvav: fajas man te zhavtar haj le Kristosa te avav, ke kado sakofalostar majlasho avlas,

verse #24

ba anda tumende majfeder trubuj, ke ando trupo te ashuvav.

verse #25

Ke patyav ande kado, zhanav, ke ashuvav, haj kethanes ashuvav savorazhenenca tume te shaj zurajven, haj pe tumari lossh so anda patyape si,

verse #26

ke inke majfeder te shaj asharen tumen manca ando Kristo Jezush, kana pale zhavtar tumende.

verse #27

Andakado apol vi trajin patyivales, sar perelpe kaj le Kristosko evangeliumo, ke vi te zhavtar tumende haj dikhav tumen, vi dur te som, kodo te ashunav pa tumende, ke ande jekh duho sanle, ande jekh hatyardipe butyaren anda evangeliumosko patyape,

verse #28

haj chi sar chi darajven kathar le dushmana. Kado lenge le merimasko tumenge pale le muntoimasko somno si, kathar o Del.

verse #29

Ke anda Kristo tume na feri kodi gracija line, ke te patyan ande leste, ba vi te dukhardyon anda leste,

verse #30

ke vi tume kodo maripe keren, so mande dikhline, haj so akanak pa mande ashunen.

Chapters:

1 2 3 4