Lil kaj le filippivura

chapter 2


Chapters:

1 2 3 4


verse #1

Apol te mol variso ando Kristo zurardyipe, anda kamipe phendo feripe, o duhikano kethanipe, o jekh hatyaripe haj o jertipe,


verse #2

keren intregoske muri lossh kodolasa, ke jekh hatyarde sanle, haj zhikodo kamipe si ande tumende, haj jekh hatyarindes zhikodo kamen.


verse #3

Na keren khanchi anda rivalizalipe, haj chi anda phutyaripe, ba sakon blindones te inkrel le kaveres maj opralutneske pestar.


verse #4

Chi jekh mashkar tumende na peski butyi te shol anglal, ba le kaveresko.


Le Kristoski parabola


verse #5

Zhikodo hatyaripe grizhon ande tumende, so vi ando Kristo Jezush sas,


verse #6

kon ande pesko devlikanipe chi inkrelas le Devlesa jekhipe kasava butyake, sar kaj varisoski sikar trubulas te cirdelpe,


verse #7

ba avr shushardas pes, slugikano trupo las opre, haj kasavo kerdyilas sar le majbut manusha, avralutnes kade sikadyilas, sar jekh manush.


verse #8

Tele lazharadas pes, muklikano kerdyilas zhikaj pesko meripe, apol kaj o trushulikano meripe.


verse #9

Anda kado o Del opreashardas les, haj kasavo anav das leske, savo opralutno si zhi pe sako anav,


verse #10

ke po Jezushesko anav te bandyol sako chang ando cheri, pe phuv haj telalutni luma,


verse #11

haj sako shib te phenel, ke „o Jezush Kristo si o Raj!” pe Dadunedevlesko luvudyipe.


Le aposhtoleski dar anda kethanipesko muntosardyipe


verse #12

Kade apol mure skunpura, sar vi sagda muklikane sanasle, butyaren tumaro muntosardyipe darasa haj izdravjimatasa, na feri kade, sar kana mashkar tumende somas, ba inke majfeder akanak, kana dur som.


verse #13

Ke o Del si kodo, kon ande tumende o kamipe haj o kerdyipe jekharsa kerel kathar peski voja.


verse #14

Keren sakofalo bi xolyako haj sigo,


verse #15

ke bi doshale haj uzhe te aven, haj le Devleske bi doshale shave te aven mashkar nasul haj rumusarde generaciovura, mashkar kaste ablyon, sar le cherhaja ando sagutnipe.


verse #16

Cirden tumen kaj le trajosko alav, ke te ashol muro luvudyipe pe Kristosko dyes, ke chi nashlom haj chi khinyardyilom anda khanchi.


verse #17

Haj inke pe tumaro patyapesko sarkafimo haj slugipe opralutnes inke vi muro rat avri muken te avel pimoske sarkafimo, losshav haj kethanes vojivman tumenca.


verse #18

Zhikade vi tume losshan, haj manca kethanes vojin tumen.


Le aposhtoleske gindimata


verse #19

Sperantisarav ando Raj Jezush, ke le Timoteushes na pa buteste tumende shaj bishalav, ke vi me te pachardyuvav, ke te zhano pa tumare trabi.


verse #20

Ke khonyik naj man, kon ando duho kade cirdelas pe mande haj kasave uzhes pe pesko ilo phiravelas tumari butyi.


verse #21

Ke sakon peska butyasa grizholpe, haj na le Jezush Kristoskiresa.


verse #22

Lesko patyivalipe pinzharen, ke sar o shavoro peske dadeske kade kerelas manca o slugipe anda evangeliumo.


verse #23

Sperantisarv apol, ke shaj bishalav les, kana dikhav, ke sar boldadyon mure trabi.


verse #24

Haj vi kodo patyav ando Raj, ke vi me na pa buteste zhanav te zhav tumende.


verse #25

Kade gindisardom, ke le Epafroditos phrales, mure amales ande butyi, kon sar tumaro bishaldo, ande muro trubujipe po slugipe sas, tumende te bishalav,


verse #26

ke dorolaspe pala savorazhenende, haj brigajlas anda kodo, ke viaca ashundine pa lesko nasvalipe.


verse #27

Chaches, zurales nasvalo sas, ba o Del jertisardyilas pe leste, ba na feri pe leste, vi pe mande, tena resel man pe briga inke briga.


verse #28

Zhianda kado sigo bishaldom apol les, ke pale te losshan, kana pale dikhen les, haj tena avav brigako chi me.


verse #29

Patyivin les ando Raj intregone losshasa, haj patyivisaren le kasave manushen!


verse #30

Ke voj anda Kristoski butyi reslas pashe kaj o meripe, haj opreshutas pesko trajo, te kerel kodo slugipe karing mande, so tume chi kerdine.

Chapters:


Books