Lil kaj le filippivura

Chapters:

1 2 3 4

verse #1

Apolal mure phral, vojin tumen ando Raj. Mange naj pharo, ke zhikodo te iskirisarav tumenge, ba tumen zurarel.

verse #2

Len sama pe zhukela, pe nasul butyara, len sama pe bange!

verse #3

Ke le krujalshinde ame sam, kon kathar le Devlesko Duho slugisaras, haj ando Kristo Jezush asharas amen, haj na ando trupo patyas.

verse #4

Man shaj avlas patyape vi ando trupo. Kana kaver varikon kade gindil, ke shaj patyal vi ando trupo, me inke majfeder:

verse #5

po oxtoto dyes krujalshindine man, anda Izraelesko popularo, anda Benjaminesko falo som, hebericko mashkar le hebera, ande krisako andreinkripe farizano,

verse #6

anda patyape la eklezhiako nashari, kathar e kris inkerdini chachipeski butyi bi doshako.

verse #7

Ba so mange davadyilas, kodo pharimaske hatyaros anda Kristo.

verse #8

Haj sakofalos najipeske inkrav, bi le Kristo Jezushesko, mure Rajesko sagutno sipe. Andaleste sakofalo muklom te xasajvel, haj khancheske dikhenas man, feri le Kristos te resav,

verse #9

haj me ande leste te avav, na anda muro chachardyipe, so anda kris si, ba anda kodo chachardyipe perdal, so anda Kristosko patyape si, apol so kathar o Del si anda patyape.

verse #10

Le Kristos kamav te pinzharav, haj leske opre trajisarimaski zor, haj ande leske dukha rig te hatyarav haj leste te pashardyuvav ando meripe,

verse #11

ke te shaj resav anda meripe po opretrajisaripe.

verse #12

Na sar aba ande mure vast te inkrosarosles, bake aba feder te avos, ba kodo kamav, ke mande te lavles, ke vi o Kristo peste las man.

verse #13

Phralale, chi gindisarav pa mande, ke aba mande lomles, ba jekh ova: bistrav, so pala mande si, haj leske zhav, so angla mande si.

verse #14

Kade nashav karing o dajno, anda kodala butyako potyinipe, so o Del opralutnes das ando Kristo Jezush.

verse #15

Kon apol federa sam, te gindisaras amen kade savorazhene: kana pale ande varisoste kaverfalos gindin tumen, o Del vi kodo sikavela tumenge.

verse #16

Ba so aba reslam, trajisaras kade.

verse #17

Aven palamande phralale, haj dikhen pe kodala, kon kade trajin, sar sikadam tumenge.

verse #18

Ke but zhene trajin kade – butivar phendom tumenge, haj vi akanak rovjindes phenav –, sar le Kristoske dushmana.

verse #19

Lengo agoripe o meripej, lengo Del lengo per si, lengo asharipe kodoj so lengo lazhavo si, haj lengo hatyaripe pe phuvjikane butya ashunel.

verse #20

Ba amaro them ando rajo si, kathar sar muntusares zhukaras le Raj Jezush Kristos.

verse #21

Voj perdal boldel amaro nasul trupo, haj kasaveske kerelles sar lesko luvudyisardo trupo si, kodala zorasa, sosa talapesko saktimosa shaj lel sakofalo.

Chapters:

1 2 3 4