Lil kaj le filippivura

Fejezetek:

1 2 3 4

1. vers

Apolal mure phral, vojin tumen ando Raj. Mange naj pharo, ke zhikodo te iskirisarav tumenge, ba tumen zurarel.

2. vers

Len sama pe zhukela, pe nasul butyara, len sama pe bange!

3. vers

Ke le krujalshinde ame sam, kon kathar le Devlesko Duho slugisaras, haj ando Kristo Jezush asharas amen, haj na ando trupo patyas.

4. vers

Man shaj avlas patyape vi ando trupo. Kana kaver varikon kade gindil, ke shaj patyal vi ando trupo, me inke majfeder:

5. vers

po oxtoto dyes krujalshindine man, anda Izraelesko popularo, anda Benjaminesko falo som, hebericko mashkar le hebera, ande krisako andreinkripe farizano,

6. vers

anda patyape la eklezhiako nashari, kathar e kris inkerdini chachipeski butyi bi doshako.

7. vers

Ba so mange davadyilas, kodo pharimaske hatyaros anda Kristo.

8. vers

Haj sakofalos najipeske inkrav, bi le Kristo Jezushesko, mure Rajesko sagutno sipe. Andaleste sakofalo muklom te xasajvel, haj khancheske dikhenas man, feri le Kristos te resav,

9. vers

haj me ande leste te avav, na anda muro chachardyipe, so anda kris si, ba anda kodo chachardyipe perdal, so anda Kristosko patyape si, apol so kathar o Del si anda patyape.

10. vers

Le Kristos kamav te pinzharav, haj leske opre trajisarimaski zor, haj ande leske dukha rig te hatyarav haj leste te pashardyuvav ando meripe,

11. vers

ke te shaj resav anda meripe po opretrajisaripe.

12. vers

Na sar aba ande mure vast te inkrosarosles, bake aba feder te avos, ba kodo kamav, ke mande te lavles, ke vi o Kristo peste las man.

13. vers

Phralale, chi gindisarav pa mande, ke aba mande lomles, ba jekh ova: bistrav, so pala mande si, haj leske zhav, so angla mande si.

14. vers

Kade nashav karing o dajno, anda kodala butyako potyinipe, so o Del opralutnes das ando Kristo Jezush.

15. vers

Kon apol federa sam, te gindisaras amen kade savorazhene: kana pale ande varisoste kaverfalos gindin tumen, o Del vi kodo sikavela tumenge.

16. vers

Ba so aba reslam, trajisaras kade.

17. vers

Aven palamande phralale, haj dikhen pe kodala, kon kade trajin, sar sikadam tumenge.

18. vers

Ke but zhene trajin kade – butivar phendom tumenge, haj vi akanak rovjindes phenav –, sar le Kristoske dushmana.

19. vers

Lengo agoripe o meripej, lengo Del lengo per si, lengo asharipe kodoj so lengo lazhavo si, haj lengo hatyaripe pe phuvjikane butya ashunel.

20. vers

Ba amaro them ando rajo si, kathar sar muntusares zhukaras le Raj Jezush Kristos.

21. vers

Voj perdal boldel amaro nasul trupo, haj kasaveske kerelles sar lesko luvudyisardo trupo si, kodala zorasa, sosa talapesko saktimosa shaj lel sakofalo.

Fejezetek:

1 2 3 4