Evangeliumo kathar o Lukach

Fejezetek:

1 2 3 4 5 6 …   ⇤ ← 1 → ⇥

1. vers

Ke aba but zhene zumadepe, te phenen sa kodal trabi, save mashkar amende pecisardyiline,

2. vers

sar vi phende amenge kodola, kon kathar anglipe dikhara haj slugara sas le alaveske,

3. vers

la-sheske dikhlom vi me, zhi pala soste pe sakofaloste pala leste phirdom kathar o anglipe zhikaj o agor, tukhe, patyivale Teofil, tele te iskirisarav sogodi,

4. vers

te pinzhares kodale trabengo chachipe, pe save tut sityardine.

5. vers

Sas le Herodesheske, ande Judeaeke krajeski vrama jekh Zakariash anavesko rashaj, anda Abicka rashajengo grupo. Leski romnyi mashkar Aroneske sheja sas, haj Elizabetake akharenas la.

6. vers

Solduj zhene chache sas angla o Del, haj patyivales trajinas kade sar o Raj vladisardas, haj mukhlas lenge.

7. vers

Ba nasle shavoro, ke e Elizabet bi sumburaki sas, haj aba solduj zhene kaj e phurani vrama phirenas.

8. vers

Pelaspe apol, kana ando grupo peski rashajicko butyi kerlas angla o Del,

9. vers

haj sar kaj e rashaja sityilas t«avel, e avri ginavjimata leske das perdal e dhunimaski patyiv, andre gelas ande Rajeski khangeri,

10. vers

zhikana sa le intregone manusha avral rudyinas ande lashasungako andre sikadyimatako chaso.

11. vers

Atunchi sikadyilas leske le Rajesko andyelo, haj pe dhunimaske oltareski chachi rig tordyilas.

12. vers

Kado dikhlines o Zakariash bari dikhlas, haj bari dar muklyosardyilas pe leste.

13. vers

O Andyelo kado phendas leske: „Na dara Zakariash, ke ashundyisardyilas tyo rudyipe: tyi romnyi, e Elizabet, shavo anela pe luma tuke, haj lesko anav Jano-sheske phenesa.

14. vers

Tyi lossh haj tyi voja avla voj tuke, haj but zhene loshshana pe lesko arakhadyipe.

15. vers

Ke baro avla angla o Raj: mol haj matyarimaske pimata chi pela, haj aba ande peska dako per pherdyola Suntone Duhosa.

16. vers

Mashkar le Izraeleske shave, but zhenen boldela karing pengo Raj, karing o Del.

17. vers

Le Illesheska manoblesa haj zorasa phirla angla leste, ke le dadenge ile karing le shave te boldel, le bipatyamnen pale pe chachengo godyaveripe, haj kade le manushen angle te lasharel le Rajeske.”

18. vers

Atunchi o Zakariash pushlas les: „Anda soste shaj zhanav sa kadal? Ke me phuro som aba, haj vi muri romnyi anglegelyi si aba ande peske dyesa.”

19. vers

O andyelo kodo phendas leske: „Me o Gabriel som, kon angla o Del tordyuvav, haj anda kodo bishalde man, te dav duma tute, haj kadal losshane vorbi te anav tuke.

20. vers

Ba aketa, mucisajves, haj chi zhanes te vorbis zhikaj kodo dyes, zhikaj kadal chi pecisardyon andre, ke chi patyajlan mure vorbenge, save ande pengi vrama andre pherdyona.”

21. vers

Talakadi vrama le manusha zhukarenas le Zakariashes, haj chudinaspe, ke sosko butaig si andre ande khangeri.

22. vers

Kana pale avriavilas, chi zhanelas te vorbil lende, haj hatyardine, ke sikadyipe dikhlas ande khangeri: voj pale sikadas lenge haj muto ashilas.

23. vers

Kana pale nachiletar leske butyake vrami, palpale gelas ando kher.

24. vers

Pala kadal dyesa e Elizabet, leski romnyi phari kerdyilas, haj garadyilas panzh shon, kodo phendes:

25. vers

„Kado kerdas manca o Raj ande kadal dyesa, kana pe mande dikhlas, te lel muro lazhavjipe angla e manusha.”

26. vers

O Del pale ando shovto shon bishaldas le Gabriel andyelos ande Galileako foro, saveske Nazaret si lesko anav,

27. vers

kaj jekh sunto, savi jekhe mursheski piramnyi sas. Lesko anav Jozhef sas, anda Davidesko kher, la suntonako anav pale Marija.

28. vers

Andre gelas late o andyelo, haj kade das duma: „Av drobome, gracijasa pherdo, o Raj si tusa.”

29. vers

Daradas la kadal phenimata, haj las te gindilpe, ke sosko dyes dinipe si kado.

30. vers

O andyelo pale majdur vorbilas: „Na dara, Marija! Gracija arakhlan kaj o Del.

31. vers

Aketa, phari peresa haj shaves anesa pe luma, haj Jezusheske anavaresa les.

32. vers

Baro avla voj, le Uchimaske Shaveske anavarna les: o Raj Del leske del leske dadesko, le Davidesko krajicko iskamin,

33. vers

haj krajarla pe Jakobesko kher sagda, haj leske krajisaripeske chikana avla agor”.

34. vers

E Marija pe kado kade das duma kaj o andyelo: „Sar shaj avlas kado, ke me murshes chi pinzharav?”

35. vers

Pe kado o andyelo kado phendas lake: „O Sunto Duho hural pe tute, haj le Uchimaski zor ushajinarela tut, haj anda kado le Suntones, kon tutar arakhadyol, le Devleske shaveske anavarena.

36. vers

Aketa, e Elizabet, tyiri lala, phari pelas pe peski phurimata haj shavo avlala, kon aba ando shovto shon si, voj, kas bi sumburake phenenas,

37. vers

ke le Devleske khanchi naj bi shajipe”.

38. vers

E Marija pe kado kodo phendas: „Aketa, le Rajeski slugoni shej, t«avel mange sar tye alava phenen.” Thaj nachilastar latar o andyelo.

39. vers

E Marija pale las te dromarel ande kodal dyesa, haj sidyardines gelastar mashkar le plaja, ande Judeako foro.

40. vers

Andre gelas ande Zakariashesko kher, haj dyes das la Elizabeta.

41. vers

Haj kade pecisardyilas, ke kana e Elizabet ashundas la Marijako glaso, oprelosshajlas ande lako per o cino shavoro haj e Elizabet pherdyilas Suntone Duhosa.

42. vers

Glasunes oprecipisardas: „Ashtyilime san tu mashkar le romnya, haj ashtyilime si tye truposko frukto!

43. vers

Ba sar shaj pecisardyilas manca kado, ke mure Rajeski dej avel mande?

44. vers

Ke aketa, kana ande mure kan opreashundyilas tyo dyes dinipe, oprelosshajlas ande muri utera o shavoro.

45. vers

Haj anandoj, kon patyalas, ke andre pherdyola, so o Del phendas leske.”

46. vers

E Marija pe kado kade das duma:
„Asharel muro duho le Rajes,

47. vers

haj muro ilo losshal ande muro muntusari Del,

48. vers

ke pe peski muklyona sluginya dikhlas.
Aketa, kathar kadi vrama
baxtajake phenla man sakone populara,

49. vers

ke bari butyi kerdas manca o Baro,
haj Suntoj lesko Anav.

50. vers

Lesko lashipe pe jekh po kaver popularo
hural, kon les daran.

51. vers

Bare butya kerel peske kujeska zorasa,
rispisardas ande gindimata phudyarden.

52. vers

Krajen tele shudas pa krajicko iskamin,
haj le cinen oprevazdas.

53. vers

Le bokhalen andre pherdyardas sakone lashipenca,
haj shushes bishaldas le barvalen.

54. vers

Oprezhutisardas peske slugas, le Izraeles,
chi serojindes pa lashipe,

55. vers

sar so phendas amare dadenge,
le Abrahameske haj leske falonge sagda vramate”.

56. vers

Haj e Marija late ashilas trin shon, pala kodo khere gelas.

57. vers

Avilastar apol e vrama, e Elizabet t«anel pe luma le shavores, vi shavo kerdyilas.

58. vers

Ashunde kado lake vechina haj lake nyamura, ke o Raj sosko baro lashipe kerdas lasa, haj kethanes losshanas lasa.

59. vers

Pecisardyilas apol, ke po oxtoto dyes aviline krujal te shinen le shavores, haj pa lesko dad Zakariasheske kamline te anavaren les.

60. vers

Ba leski dej kade das duma: „Chi sar, ke Janosh avla lesko anav.”

61. vers

Pe kado kodo phendine: „Ba khonyik naj mashkar tye nyamura, kas kade anavaren.”

62. vers

Pushline kade leske dades, ke sar kamel les te anavarel.

63. vers

Voj pale iskirimasko skundo manglas, haj kadala vorbi iskirisardas opre: „Janosh si lesko anav.” Savorazhene bari dikhline.

64. vers

Pe kado puterdyilas lesko muj haj leski shib, duma das, haj asharelas le Devles.

65. vers

Bari dar das pe intregone vechina, haj kadala trabaki viaca avrizhanglyilas ande intrego Judeaeake plaja.

66. vers

Sakon kon ashundine, ande pengo ilo garade kado, haj pushenas: „So avla anda kado shavoro” Ke le Devlesko vast sas lesa.

67. vers

Lesko dad pale, o Zakariash, andre pherdyilas Suntone Duhosa haj kade profecisarlas:

68. vers

„Ashtyilimej o Raj, le Izraelesko Del,
ke avilas haj muntusardas peske popularen.

69. vers

Le muntusaripekso somno kerdas amenge,
le Davideske, ande leske slugasko kher,

70. vers

sar so phendas peske Suntonge peske vushtenca,
kathar anglunipe le profetanca.

71. vers

Muntusardas amen kathar amare dushmana,
haj sa anda kodalenge vast, kon xolyajven pamende:

72. vers

ke lashimata te kerel amare dadenge,
haj te serosajvel pa sunto konvencija,

73. vers

pa colax, savasa amare Abraham dadeske colaxardas,
ke dela amenge,

74. vers

ke skepisajvas anda amare dushmanonge vast,
kade bi darimatasa shaj slugisaras leske,

75. vers

ando Suntope haj chachipe angla leste
ande amare trajosko sako dyes.

76. vers

Tut pale, shavore, le Uchimataske profetaske anavarena:
ke angla o Raj phiresa, angle te lashares lesko drom,

77. vers

haj leske popularon pe muntuipesko
pinzharipe te sityares, pe lenge bezexjertimata,

78. vers

anda amare Devlesko milno lashipo,
savesa avilas te dikhel amen voj ando uchipe opre ushtyindo,

79. vers

ke fimlalipe te anel kodalenge,
kon ando tunyariko haj ande merimasko ushajin beshen,
haj amareushtyavjimata pe pachako drom te lasharel”.

80. vers

O shavoro pale barardyolas haj zurardyolas ando duho, haj ande pusta sas zhikaj kodo dyes, zhikaj chi sikadaspe ando Izrael.

Fejezetek:

1 2 3 4 5 6 7 8 9 10 11 12 13 14 15 16 17 18 19 20 21 22 23 24