Evangeliumo kathar o Lukach
22. fejezet
Le angsvatosko krisaripe
1. vers
Pashardyolas le bi kamire manreske bare dyesa, saves paskaske anavarenas.
2. vers
Le angrashaja haj le iskiritora kodo zhukarenas, ke sar shaj mudarenas les, ba daranas kathar le manusha.
Le Judashesko purripe
3. vers
Atunchi o beng huralylas le Judashes, kas ishkariotickoneske anavarenas, haj kon jekh sas mashkar le deshuduj.
4. vers
Gelastar haj vorbisardas le angrashajenca, ke sar dela les ande lengo vast.
5. vers
Kodal losshajline, haj foro kerdine, ke love dena les.
6. vers
Voj zhukarelas e vrama, te shaj del les ande lengo vast, kana ch«avla butimata krujal leste.
La patradyako ratyakoxamosko angle lasharipe
7. vers
Reslas le bi kamire manresko dyes, pe soste opretrubulas te sarkafimosaren la patradyake bakrora.
8. vers
O Jezush bishaldas le Peteres haj le Janoshes: „Zhantar, haj keren amenge la patradyaka bakrora, te shaj xas la!”
9. vers
Kodal pushline: „Kaj kames, te keras la?”
10. vers
Kodo phendas lenge: „Andre te zhana ando foro, rakhadyona jekhe manushesa, kon pajesko khoro ingrel. Zhan pala leste ande kodo kher, kaj andre zhal,
11. vers
haj penen kodo le khereske rajeske: »O Maistro kado phenipe bishalel tuke: Kaj si kodo than, kaj la patradyaka bakrora mure sityardenca shaj xos?«
12. vers
Voj sikavela tumenge jekh opralutno than angle lashardines, kothe keren la.”
13. vers
Gelinetar apol, haj kade arakhline sakofalo, sar phendas lenge, haj kerdine la patradyako ratyako xamo.
La patradyako ratyako xamo
14. vers
Kana avilastar o chaso, kaj e mesalya beshlas le aposhtolenca kethane,
15. vers
haj kodo phendas lenge: „Dorosa dorosardom pe kodo, te xav tumenca kado patradyako ratyako xamo, zhiso anglal dukharos.
16. vers
Ke phenav tumenge: majbut chi xav anda late, zhikaj andre chi pherdyola ande Devlesko them.”
17. vers
Pala kodo xutyildas o taxtaj, najisipe phendas, haj kade das duma: „Xutyilen kado, haj ulavenles mashkar tumende.
18. vers
Ke phenav tumenge: ke kathar kadi vrama chi pav anda drakhengo upajipe, zhikaj ch«aveltar le Devlesko them.”
19. vers
Pala kodo xutyildas o manro, najisipe phendas, phaglas les, haj kothe dasles lenge kadale vorbenca: „Kadoj muro trupo, savo anda tumende davadyol. Kado te keren pe muro serovjipe!”
20. vers
Zhikade pe xamosko agor xutyildas o taxtaj, haj kodo phendas: „Kado taxtaj o nyevo teshtamentoj ande muro rat, savo anda tumende avri shordadyol.
21. vers
Ba aketa, le purritoresko vast muresa jekharsa si pe mesalya.
22. vers
Ke le Manushesko Shavo apolal zhaltar, sar kodo vi iskirime si, ba jaj kodale manusheske, kon purrij les!”
23. vers
Pe kado line jekhavrestar te pushen, ke kon si kodo, kon kerla kado mashkar lende?
Pa rajipe haj pa slugipe
24. vers
Rivalizalipe kerdyilas mashkar lende pa kodo, ke kon si o majbaro mashkar lende.
25. vers
Pe kado kodo phendas lenge: „Le popularenge kraja krajinpe pel manusha, haj kas saktimo si pe lende, lashe kerdarenge phenaven pen.
26. vers
Ba tume na kade te keren, ke kon o majbaro si mashkar tumende, t«avel kasavo sar o majcino, haj kon anglalari si, t«avel kasavo sar jekh sluga.
27. vers
Ke kon si majbaro: kodo kon kaj e mesalya beshel, bake kodo, kon opreslugisarel? Na kodo, kon kaj e mesalya beshel? Ba me vi kade, kade som mashkar tumende, sar kon slugisarel.
28. vers
Tume avriinkerdine manca vi ande mure pharimata,
29. vers
anda kado tumenge dav o them, so mange das muro Dad,
30. vers
ke kaj muri mesalya te xan te pen ande muro them, haj pa krajicko iskamin te krisaren pe Izraeleske deshuduj kunpaniji.
Le Petereske asvikarimasko haj bezexbunuimasko angle profecipe
31. vers
Shimon, Shimon! O beng avri manglas tumen, avri te alosarel tumen sar le dyives,
32. vers
ba me rudyisardom anda tute, tena cerrajvel tyo patyape, haj jekhar karing o Del boldines, te zurares tye phralen”
33. vers
Voj pe kado kodo phendas leske: „Gata som tusa ande robilya bake ande o meripe te zhav!”
34. vers
Ba o Jezush kodo phendas: „Phenav tuke Peter: zhiso anglunes opre te cipilas o bashno, vi trivar tele asvikaresa, ke pinzhares man.”
Le alosaripesko chaso
35. vers
Pala kado kodo phendas lenge: „Kana bi bukhfaresko, bi trastako, haj bi sandalenge bishaldom tumen, dukharenas faltipe ande varisoste?”
36. vers
Von kodo phendine: „Ande khancheste.” Pala kodo kade vorbilas majdur: „Ba akanak apol kas si bukhfaro, te ingrel les pesa, zhikade vi e trasta, kas pale najle, te biknel peske opralutne gada, haj te kinel xanro.
37. vers
Ke phenav tumenge: andre trubuj te pherdyol pe mande, so iskirime si: »Mashkar le nasula manusha gindisardine les«. Ke so pa mande del duma, andre pherdyola.”
38. vers
Pe kado von kade dine duma: „Raja, aketa, kathej le duj xanre.” Voj pale kodo phendas lenge: „Dostaj!”
Le Jezushesko rudyipe pe uloj kashtengo plaj
39. vers
Pala kodo gelastar, haj sar sityilas pe uloj kashtengo plaj gelas: zhanas pala leste vi leske sityarde.
40. vers
Kana kothe reslas, kodo phendas lenge: „Rudyisaren, ande zumavjimata tena peren!”
41. vers
Pala kodo dore sar kana shuden jekh barr, kasavo dur gelas lendar, haj changadines kade rudyilas:
42. vers
„Dade! Te kames, le mandar kado taxtaj, ba na muro kamipe te pherdyol andre, ba tyiro.”
43. vers
Atunchi sikadyilas leske jekh andyelo anda cheri, haj zurardas les. Pala kodo merimaski dar muklyosardyilas pe leste haj inke majfeder rudyilas.
44. vers
Pa lesko chikat le avritatyimaske paja, kasave sas, sar pe phuv peline rateske pitya.
45. vers
Pala kodo opreushtyilas anda rudyisaripe, haj kothe gelas kaj peske sityarde, ba kathar e briga sovjindes arakhlas len.
46. vers
Kodo phendas lenge: „Sostar soven? Ushtyen opre, rudyisaren, ke ande zumavjimata tena peren!”
Le Jezushes xutyilen
47. vers
Inke vorbilas, kana ketani pasharenas: o Judash andas len, jekh mashkar le deshuduj. Kothe gelas kaj o Jezush, te chumidel les.
48. vers
Ba o Jezush kodo phendas leske: „Judash! Chumidesa purris le Manusheske Shaves?”
49. vers
Kodal, kon krujal leste sas, dikhles, ke so avla, kodo phendine: „Raja, mashkar lende te shinas xanresa?”
50. vers
Jekh mashkar lende vi opral shindas pe angra-shajeski sluga, haj tele shindas lesko chacho kan.
51. vers
Ba o Jezush kodo phendas palpale: „Muken les, dostaj!” Pala kodo kaj leske kan reslas, haj sastyardas les.
52. vers
Atunchi o Jezush kodo phendas kodalenge, kon pe leste aviline, le angrashajenge, le khangerange ketanenge haj le phurenge: „Sar pekh chor, kade aviline xanrenca haj rolyanca.
53. vers
Kana sako dyes mashkar tumende somas ande khangeri, chi vazdine pe mande vast, ba kado tumaro chasoj, haj le tunyarnyikone saktimosko.”
Le Peteresko asvikaripe
54. vers
Xutyildine apol les, haj ande le angrashajesko kher ingerdine les.
55. vers
Kana jag kerdine ande avlinako mashkar haj krujal beshlinela, vi o Peter mashkar lende beshlas.
56. vers
Jekh sluga dikhlas les, ke kothe beshel kaj e jag, mishto dikhlas les, haj kado phendas: „Vi kado lesa sas!”
57. vers
Ba voj asvikarelas: „Romnyale, chi pinzharav les!”
58. vers
Na butesa pala kado jekh kaver dikhlas les, haj kade das duma: „Vi tu mashkar lende san.” O Peter kodo phendas palpale: „Manusha! Chi som!”
59. vers
Dore pakh chaso pale zurarlas jekh kaver: „Phenav, vi kado lesa sas, ke galileickoj.”
60. vers
O Peter pe kado kade das duma: „Manusha! Chi zhanav, so vorbis!” Haj atunchi, kana inke vorbilas, oprecipisardas o bashno.
61. vers
Atunchi o Raj palpale boldaspe, haj po Peter dikhlas. O Peter pale palpale serosardas pe Rajeske vorbi, ke kodo phendas leske: „Zhiso anglal adyes opre cipila o bashno, vi trivar asvikaresa man.”
62. vers
Atunchi avri gelas, haj zurales las te rovel.
Le ketani avriprassan le Jezushes
63. vers
Le mursh pale, kon samalenas pe leste, prassanas haj marenas les.
64. vers
Tele sharadine leski mosura, haj kodo pushline lestar: „Profecisar! Kon maladas tut?”
65. vers
Haj vi majkaver falos kushenas les.
O Jezush angla angsvato
66. vers
Kana zorisardyilas, kethane aviline le popularenge phure le angrashaja haj le iskiritora, haj angla pengo angsvato ingerdine les. Kade dine duma: „Tu te san o Kristo, phen avri amange!”
67. vers
Voj kodo phendas lenge: „Vi avri te pheno tumenge, chi patyana:
68. vers
kanapale pushav tumen, chi den palpale vorba.
69. vers
Ba kathar kado abakanak le Manushesko Shavo pe saktimone Devleski chachi rig beshela”.
70. vers
Pe kado savorazhene kado phendine: „Apolal tusan le Devlesko Shavo?” O Jezush kodo phendas lenge palpale: „Tume phenen, ke kodo som.”
71. vers
Pe kado savorazehne kado phendine: „So grizha trubujas t«avel inke amen pe colaxara? Kana vi ame ashundam anda lesko muj.”
Könyvek
