Evangeliumo kathar o Lukach
15. fejezet
Parabola pa xasajlo bakro
1. vers
Le financa haj le bezexasle savorazhene kothe geline leste, te ashunen les.
2. vers
Ba le farizana haj le iskiritora xolyajvenas: „Kado le bezexaslenca vorbil haj lenca xal.”
3. vers
Atunchi kadi parabola phendas lenge:
4. vers
„Kana mashkar tumende jekhes shel bakre te siles, haj jekhes xasarel mashkarlende, chi mukel apol kothe le ijjavardesh thaj ijjan ande pusta, haj chi zhal dore pala xasardo, zhikaj chi rakhel les?
5. vers
Kana rakhel les, ande lossh pe pesko phiko lel les, khere zhal,
6. vers
kethane akharel peske vortakon haj peske vechinan, haj kodo phenel lenge: »Losshan manca kethanes, ke arakhlom mure xasajline bakres!«
7. vers
Phenav tumenge: zhikade majbari lossh avla ando rajo andakh karing o Del boldadyilino bezexaslo, sar anda ijjavardesh thaj ija chache, savenge aba chi trubuj karing o Del te boldenpe.
Paraboa pa xasardi drachma
8. vers
Bake kana jekha romnya desh drachma sila, haj xasarel jekh drachma, dore chi phabarel melcho, chi shilavel avri pesko kher, haj chi rodella zhikaj chi rakhella?
9. vers
Kana pale arakhella, kethane akharel peske vortakinyan haj peske vechinan, te phenel lenge: »Losshan manca kethane, ke arakhlem muri drachma savi xasajlas!«
10. vers
Phenav tumenge: kasavi lossh avla vi angla Devleske andyela jekhe bezexasles, kon bunula peske bezexa.”
Parabola pa dadeske duj shave
11. vers
Pala kodo kade das duma: „Jekhe manushes sas duj shave.
12. vers
O majterno kodo phendas peske dadeske: »Dade! De mange avri anda tyo barvalipe so mange perelpe!« Pe kado uladas mashkar lende pesko barvalipe.
13. vers
Na butesa pala kado o majterno kethane kidas sakofalo so lesko sas, gelastar andekh durutno them, haj kothe matyarne trajimatasa sa mardas pesko barvalimo.
14. vers
Pala soste sakofalo xasardas, bari bokh kerdyilas pe kodal thana, haj kade vi voj bokhajas.
15. vers
Pe kado gelastar haj andre tordyilas te kerel butyi kaj jekh kothe beshlo raj, kon avribishaldas les pe peski zolba, te lel sama pe leske bale.
16. vers
Fajlino les te chajol le balenge xamaskosa, ba chi anda kodo chi dine les.
17. vers
Atunchi las te gindilpe ande peste haj kado phendas: »Mure dadeske sode butyara xan manro, me pale kathe merav bokhatar.
18. vers
Oprelav man, haj zhavtar kaj muro dad, haj kodo phenav leske: Dade! Bezexardom le chereske haj vi tuke!
19. vers
Aba chi som dosta pe kodo, tye shaveske te phenes man, feri mashkar tye butyara le man opre!«
20. vers
Vi oprelaspe, haj gelastar kaj pesko dad.
Lesko dad aba dural dikhlas les haj sunusardas les. Angla leste sidyardas, ande leski kor das angalyi haj chumidas les.
21. vers
O shavo kade das leste duma: »Dade! Bezexardom le chereske haj vi tuke: aba chi som dosta pe kodo, tye shaveske te phenes man.«
22. vers
Ba o dad kado phendas peske slugange: »Anen sigo e maj kuch gada haj denle pe leste, cirden angrustya pe leske naja haj sandala pe leske punre!
23. vers
Pala kodo anen angle la oprethulyarda vicava, shinenla tele, xas thaj vojisaras amen,
24. vers
ke kado shavo mulas, haj opre trajisardyilas.« Pala kodo linepe te vojinpen.
25. vers
O majphuro shavo pe mal sas, haj sar avlas khere, ashundas e gilyi haj e khelimata.
26. vers
Kothe akhardas mashkar le slugi jekhes, haj pushlas, ke so pecisardyilas.
27. vers
Kodo kado phendas leske palpale: »Khere avilas tyo phral, tyo dad tele shindas la oprethulyarda vicava, ke sastes las les palpale.«
28. vers
Pe kado voj xolyajlas, haj chi kamlas andre te zhal. Anda kado lesko dad avriavilas, haj mangelas les.
29. vers
Ba voj kado phendas peske dadeske: »Dikh, sode bersh slugisarav aba tuke, tye vladimata sagda kerdom, haj chi kade chi dan man chikana chi jekh busnyi, te shaj vojiv man mure vortakonca.
30. vers
Ba kana avilas tyo shavo kado, kon tyo barvalimo pe shudine zhulya xalas, tele shinadan leske e opre thulyarda vicava.«
31. vers
Ba voj kado phendas leske: »Muro shavo! Tu sagda manca san, haj so si man, sakofalo tyiroj.
32. vers
Ba trubusardas te losshas haj te vojisaras amen, ke tyo phral mulas, haj opretrajisardyilas, xasajlas, haj arakhlyardyilas.«”
Könyvek
