Evangeliumo kathar o Lukach
capítulo 15
Parabola pa xasajlo bakro
verso 1
Le financa haj le bezexasle savorazhene kothe geline leste, te ashunen les.
verso 2
Ba le farizana haj le iskiritora xolyajvenas: „Kado le bezexaslenca vorbil haj lenca xal.”
verso 3
Atunchi kadi parabola phendas lenge:
verso 4
„Kana mashkar tumende jekhes shel bakre te siles, haj jekhes xasarel mashkarlende, chi mukel apol kothe le ijjavardesh thaj ijjan ande pusta, haj chi zhal dore pala xasardo, zhikaj chi rakhel les?
verso 5
Kana rakhel les, ande lossh pe pesko phiko lel les, khere zhal,
verso 6
kethane akharel peske vortakon haj peske vechinan, haj kodo phenel lenge: »Losshan manca kethanes, ke arakhlom mure xasajline bakres!«
verso 7
Phenav tumenge: zhikade majbari lossh avla ando rajo andakh karing o Del boldadyilino bezexaslo, sar anda ijjavardesh thaj ija chache, savenge aba chi trubuj karing o Del te boldenpe.
Paraboa pa xasardi drachma
verso 8
Bake kana jekha romnya desh drachma sila, haj xasarel jekh drachma, dore chi phabarel melcho, chi shilavel avri pesko kher, haj chi rodella zhikaj chi rakhella?
verso 9
Kana pale arakhella, kethane akharel peske vortakinyan haj peske vechinan, te phenel lenge: »Losshan manca kethane, ke arakhlem muri drachma savi xasajlas!«
verso 10
Phenav tumenge: kasavi lossh avla vi angla Devleske andyela jekhe bezexasles, kon bunula peske bezexa.”
Parabola pa dadeske duj shave
verso 11
Pala kodo kade das duma: „Jekhe manushes sas duj shave.
verso 12
O majterno kodo phendas peske dadeske: »Dade! De mange avri anda tyo barvalipe so mange perelpe!« Pe kado uladas mashkar lende pesko barvalipe.
verso 13
Na butesa pala kado o majterno kethane kidas sakofalo so lesko sas, gelastar andekh durutno them, haj kothe matyarne trajimatasa sa mardas pesko barvalimo.
verso 14
Pala soste sakofalo xasardas, bari bokh kerdyilas pe kodal thana, haj kade vi voj bokhajas.
verso 15
Pe kado gelastar haj andre tordyilas te kerel butyi kaj jekh kothe beshlo raj, kon avribishaldas les pe peski zolba, te lel sama pe leske bale.
verso 16
Fajlino les te chajol le balenge xamaskosa, ba chi anda kodo chi dine les.
verso 17
Atunchi las te gindilpe ande peste haj kado phendas: »Mure dadeske sode butyara xan manro, me pale kathe merav bokhatar.
verso 18
Oprelav man, haj zhavtar kaj muro dad, haj kodo phenav leske: Dade! Bezexardom le chereske haj vi tuke!
verso 19
Aba chi som dosta pe kodo, tye shaveske te phenes man, feri mashkar tye butyara le man opre!«
verso 20
Vi oprelaspe, haj gelastar kaj pesko dad.
Lesko dad aba dural dikhlas les haj sunusardas les. Angla leste sidyardas, ande leski kor das angalyi haj chumidas les.
verso 21
O shavo kade das leste duma: »Dade! Bezexardom le chereske haj vi tuke: aba chi som dosta pe kodo, tye shaveske te phenes man.«
verso 22
Ba o dad kado phendas peske slugange: »Anen sigo e maj kuch gada haj denle pe leste, cirden angrustya pe leske naja haj sandala pe leske punre!
verso 23
Pala kodo anen angle la oprethulyarda vicava, shinenla tele, xas thaj vojisaras amen,
verso 24
ke kado shavo mulas, haj opre trajisardyilas.« Pala kodo linepe te vojinpen.
verso 25
O majphuro shavo pe mal sas, haj sar avlas khere, ashundas e gilyi haj e khelimata.
verso 26
Kothe akhardas mashkar le slugi jekhes, haj pushlas, ke so pecisardyilas.
verso 27
Kodo kado phendas leske palpale: »Khere avilas tyo phral, tyo dad tele shindas la oprethulyarda vicava, ke sastes las les palpale.«
verso 28
Pe kado voj xolyajlas, haj chi kamlas andre te zhal. Anda kado lesko dad avriavilas, haj mangelas les.
verso 29
Ba voj kado phendas peske dadeske: »Dikh, sode bersh slugisarav aba tuke, tye vladimata sagda kerdom, haj chi kade chi dan man chikana chi jekh busnyi, te shaj vojiv man mure vortakonca.
verso 30
Ba kana avilas tyo shavo kado, kon tyo barvalimo pe shudine zhulya xalas, tele shinadan leske e opre thulyarda vicava.«
verso 31
Ba voj kado phendas leske: »Muro shavo! Tu sagda manca san, haj so si man, sakofalo tyiroj.
verso 32
Ba trubusardas te losshas haj te vojisaras amen, ke tyo phral mulas, haj opretrajisardyilas, xasajlas, haj arakhlyardyilas.«”
Libros
