Evangeliumo kathar o Lukach
capítulo 18
Parabola pa bidevlesko krisari haj pa phivlyi romnyi
verso 1
Vi pa kodo phendas lenge jekh parabola, ke sagutnes trubuj te rudyisaren haj naj slobodo andre te khinyon.
verso 2
Kade das duma: „Andekh foro sas jekh krisari, kon kathar o Del chi daralas haj kathar manush chi inkrelas.
verso 3
Sas ande kodo foro vi jekh phivlyi romnyi, kon gelastar leste haj mangelas les: »Shin kris mashkar mande haj mashkar muro dushmano!«
verso 4
Kodo jekh vrama chi kamlas te kerel e traba. Pala kodo kade das duma ande peste: »Chaches ke kathar o Del chi darav, haj kathar manush chi inkrav,
verso 5
ba vi kade, ke pe muro pharipe si kadi phivlyi romnyi, chachipe krisarav lake, ke palunes tena avel kathe haj pa muj te malavel man.«”
verso 6
Pala kodo kade das duma o Raj: „Ashundine so phendas o bi chacho krisari?
verso 7
Haj o Del chi del chachipe peske alosardenge, kon leste cipin vi dyese vi ratyate? Bake zhukaravel len?
verso 8
Phenav tumenge: na pa buteste chachipe dela len. Ba kana avlatar le Manushesko Shavo, dore arakhela patyape pe phuv?”
Parabola pa farizano haj pa financo
verso 9
Haj kavere phutyardenge, kon pa pende kodo gindisarnas, ke chachej, haj kavren tele dikhenas, kadal parabolicka phendas:
verso 10
„Duj manusha opregeline ande khangeri te rudyin, o jekh farizano sas o kaver financo.
verso 11
O farizano tordyilas haj kade rudyilas ande peste: »Devla! Nijisarav tuke, ke chi som kasavo sar le majbut manusha, chor, bi chacho, haj ansuripe oprephagari, sar vi kado financo.
verso 12
Duvar postyisarav andekh kurko, haj so sima kodolesko deshtope sagda tele dav.«
verso 13
O financo pale dur tordyilas, chi tromalas inke chi peske jakha po cheri te vazdel. Pesko kolyin mardines kade das duma: »«Devla! Jertosar mange, bezexasleske!«
verso 14
Phenav tumenge: kado chachisardes gelas khere, kuko pale na. Ke sa kodo, kon pes opreasharel, kodales tele dikhena, haj kon pes tele dikhel, opreasharena.”
Le shavorengo ashtyilisaripe
verso 15
Kothe ingerdine leste vi le cine shavoren, te resel lende. Kana le sityarde dikhline kado, duma dine pe leste.
verso 16
Ba o Jezush peste akhardas len haj kade das duma: „Mukhen, mukh t«aven mande le shavora, haj na astaren len palpale, ke kasavengij le Devlesko them.
verso 17
Amen, phenav tumenge: kon na kade svagarel andre le Devleske themes, sar le shavora, chi resela andre kothe.”
Pa barvalipe haj pala Jezushesko zhape
verso 18
Jekh rajkano manush pushlas lestar: „Lashe Maistrovona! So te kerav, te arakhav o sagutno trajo?”
verso 19
O Jezush kado phendas leske: „Sostar phenes man lasheske? Khonyik naj lasho, feri korkoro o Del.
verso 20
Pinzhares le vladimata: Na phag ansuripe, na mudar, na chor, xoxamnes na colaxar, patyivin tye dades haj tya da”.
verso 21
Kodo kado phendas palpale: „Kadal zhikathar e ternimata andre inkerdom.”
verso 22
Kado ashundes o Jezush kade das duma: „Inke jekh variso faltil tuke: bikin sakofalo so si tut, ulav kodo sa mashkar le chorre, haj avucija avla tut ando rajo: pala kodo av haj inker manca!”
verso 23
Kana kado ashundas brigake daspe, ke zurales barvalo sas.
verso 24
Kana o Jezush dikhlas, ke brigajlas, kade das duma: „Soske phares resen ande Devlesko them kodal, kon barvalej!
verso 25
Ke majushoroj le dromedareske perdal te zhal pa suvako kan, sar le barvale manusheske andre te resel ande Devlesko them.”
verso 26
Kon ashundine, pushline lestar: „Haj atunchi, kon shaj muntusardyol?”
verso 27
Kado phendas lenge: „So le manushenge bishajipe si, kodo le Devleske shajipej”.
verso 28
Atunchi o Peter das duma: „Aketa, ame sakofalo mukhlamtar, haj tusa inkerdam.”
verso 29
Voj kado phendas lenge: „Amen, phenav tumenge: Khonyik chi mukeltar, pesko kher bake romnya, bake peske phralen bake shavoren anda Devlesko them
verso 30
bi kodolesko, ke tena lelas ande kadi luma majbut, ande avluni luma pale e saguti trajimata.”
Trito profecia pa dukhardyipe haj pa opretrajisaripe
verso 31
Pala kado o Jezush pashapeste las le deshudujen, haj kodo phendas lenge: „Aketa, akanak oprezhas ando Jeruzhalemo, haj andre pherdyola sa kodal, so le profeti pa Manushesko Shavo tele iskirisardine.
verso 32
Ande le murtikanonge vast dena les, avri prassana les, marhisarena les, haj tele shungardena les:
verso 33
pala kodo chunyasa marna les, mudaren les, ba po trito dyes opretrajisardyola.”
verso 34
Ba von khanchi chi hatyardine anda kado. Garades ashilas angla lende kadal phenimata, haj chi hatyarenas e vorbimata.
Le jerikovickone korresko sastyaripe
verso 35
Pelaspe apol, kana karing o Jeriko pashardyolas, jekh korro beshelas pel dromeski dolma haj mangakerlas.
verso 36
Kana ashundas, ke manusha nakhentar angla leste, pushlas, ke soj kodo.
verso 37
Phendine leske, ke o Nazareticko Jezush zhal intye.
verso 38
Pe kado oprecipisardas: „Jezush, Davidesko Shavo! Zhutisar pe mande!”
verso 39
Kon anglal zhanas pe leste vladisardine te asholtar. Ba voj inke maj feder cipilas: „Jezush, Davidesko Shavo! Zhutisar pe mande!”
verso 40
Pe kado o Jezush tordyilas, haj vladisardas te anen les angla leste. Kana kothe reslas, pushlas lestar:
verso 41
„So kames, so te kerav tusa?” Kodo kado phendas: „Raja! Te dikhav!”
verso 42
O Jezush kodo phendas leske: „Dikh! Tyo patyape sastyardas tut.”
verso 43
Ande kodo minuto vi dikhelas, haj lesa inkrelas, le Devles luvudyisardines. Pe kado e intrego butimata, save dikhline e pecimata, luvudyinas le Devles.
Libros
