Evangeliumo kathar o Lukach
capítulo 23
O Jezush angla o Pilatush
verso 1
Atunchi savorazhene oprelinepe, haj ingerdine les kaj o Pilatush.
verso 2
Kothe kade line te dosharen les: „Kodo lam sama, ke kado xoxavel amare popularen, nashtil, taksha te potyinas le chasaroske, haj kodo phenel pa peste, ke voj si o Messhiashicko kraj.”
verso 3
O Pilatush pushlas lestar: „Tu san le biboldengo kraj?” Voj kodo phendas: „Tu phenes.”
verso 4
O Pilatush atunchi kado phendas le angrashajenge haj le butimatange: „Khanchi bezex chi arakhav ande kado manush.”
verso 5
Ba kodal zurarnaspe, haj kodo phendine: „Opre xolyarel le manushen peske sityaripesa ande intrego Judea, zhikathar e Galilea zhikaj kadal riga.”
O Herodesh kraj avriprassal le Jezushes
verso 6
Kadal ashundines o Pilatush pushlas, ke kado manush dore na Galileickoj.
verso 7
Kana avrizhanglas, ke tala le Herodeshesko krajipe inkerdyol, bishaldas les kaj o Herodesh, kon vi voj ando Jeruzhalemo sas ande kodal dyesa.
verso 8
Kana o Herodesh dikhlas le Jezushes, zurales losshajlas. Aba dulmut fajlino les te dikhel les, ke ashundas pa leste, haj sperantilas, ke varisoski chudimata kerla angla leste.
verso 9
Butaig pushelas les, ba voj khanchi chi phenelas.
verso 10
Le angrashaja haj le iskiritora pale kothe tordyonas, haj inke majfeder dosharenas les.
verso 11
O Herodesh peske krujal line manushenca kethanes tele lazhavardas les, avriprassadas les, pala kodo ande parne gada uradas les, haj palpale bishaldas les kaj o Pilatush.
verso 12
Pe kodo dyes o Herodesh haj o Pilatush lashe vortakura kerdyiline, ke angla kodo ande xolyate sas jekhavresa.
Le Pilatushesko krisaripe
verso 13
O Pilatush pale kethane akhardas le angrashajen, le popularenge anglalaren haj le manushen,
verso 14
haj kodo phendas lenge: „Kathe andine mande kadale manushes, sar le manushenge rebellishes. Avriashundom les angla tumende, ba khanchi bezex chi arakhlom ande kado manush sa mashkar kodola, sosa dosharen les.
verso 15
Haj inke chi o Herodesh, ke palpale bishaldas les amende. Shaj dikhen apol, ke khanchi merimaski traba chi kerdas.
verso 16
Krisarav les anda kado, haj slobodo mukhav les.”
verso 18
Pe kado savorazhene oprecipisardine: „Xasar kadales, haj mukh amenge le Barabashes!
verso 19
Les anda varisoske rabellimata haj mudaripe phandadine ande robilya, so ando foro pecisardyilas.
verso 20
O Pilatush pale duma das lende, ke slobodo kamlas te mukhel le Jezushes.
verso 21
Ba kodal cipinas: „Po trushul, po trushul lesa!”
verso 22
Ba voj vi po trito duma das lende: „Ba apol so nasul kerdas? Khanchi merimaski traba chi arakhlom ande leste. Krisarav les apol haj bishalav les”
verso 23
Ba kodal chi mukhenaspe, ba inke majfeder mangenas, te tannaren les po trushul. Lengo cipipe po jekh zurajvelas.
verso 24
O Pilatush anda kado kade alosardas, t«avel kade, sar so kamen.
verso 25
Sar so mangle les, slobodo mukhlas kodo les, kas anda rebellimata haj anda mudarimata phandade ande robilya, le Jezushes pale avridas lenge sar so kamenas.
Po trushul tannaripe
verso 26
Kana ingerdine les, xutyildine jekhe Shimon anaveske manushes, kon anda Cirene sas, kon pa mal avelas, haj pe leste shutine o trushul, te ingrel les pala o Jezush.
verso 27
But manusha zhanas pala leste, sas mashkarlende vi romnya, kon rovenas haj cipinas anda leste.
verso 28
O Jezush kothe boldaspe karing lende, haj kade das duma: „Jeruzhalemeske shejale, na anda mande roven! Tumen haj tumare shavoren rovjaren!
verso 29
Ke avnatar kasave dyesa, kana kodo phenena: »Anandej kas nashtig avel shavoro, le dejange utera, save chi andine shavores pe luma, haj le chucha, save chi pijadine!«
verso 30
Atunchi kodo lena te phenen le plajenge: »Shindyon p«amende!« Haj le dunenge: »Sharaventar amen!«
verso 31
Ke kana le zelenisarde kashtesa kado keren, atunchi so avla le shukeskiresa?”
verso 32
Lesa jekharsa ingerdine vi duje bezexaslen, te mudaren len.
verso 33
Kana kaj e Koputa thaneske anavardino than resline, po trushul tannardine les kothe, haj lesa kethanes vi le duje bezexaslen, le jekhes pa chachi rig le kaveres pa stungo rig.
verso 34
O Jezush atunchi kade das duma: „Dade! Jertisar lenge, ke chi zhanen, ke so keren.”
Leske gada uladine, haj avrikheldinele.
verso 35
Le manusha numa dikhindes tordyonas kothe, le angmanusha pale kade prassanas les: „Kaveren muntusardas, te muntul akanak pes, voj te si o Kristo, le Devlesko alosardo!”
verso 36
Vi le ketani prassanas les. Kothe zhanas, haj shut denas les,
verso 37
haj kodo phenenas: „Tu te san le biboldengo kraj, slobodisar avri tut!”
verso 38
Vi opreiskiripe sas pe lesko trushul: „Kadoj le biboldengo kraj.”
verso 39
Mashkar le bezexasle jekh kushelas les: „Na o Kristo san tu? Slobodisar avri apol tut, haj vi amen!”
verso 40
Ba o kaver tele lazhavardas les kadale vorbenca: „Chi daras kathar o Del? Haj ke vi tu zhikodo krisaripe dukhares!
verso 41
Amenge perelpe, ke anda amare trabi chachimasko krisaripe dukharas, ba kado kathe khanchi nasul chi kerdas.”
verso 42
Pala kodo kade das duma: „Jezush, serosartu pa mande, kana avesatar ande tyo them.”
verso 43
Voj kodo phendas leske palpale: „Amen, phenav tuke: inke adyes manca avesa ando paradajzo!”
Le Jezushesko meripe
verso 44
Karing le shov chasura tunyarikipe kerdyilas pe intrego luma, zhikaj ijja chasura.
verso 45
O kham kajilastar, la khangerako firhango mashkaral shindyilastar.
verso 46
O Jezush atunchi glasunes oprecipisardas: „Dade! Ande tyo vast shav muro duho!” Kadale vorbenca avri phurdas pesko dyi.
verso 47
Kana o shelari dikhlas, so pecisajlas, luvudyisarlas le Devles, haj kade das duma: „Kado manush chachikanes chacho sas.”
verso 48
Sa e intrego butimata, save kethane aviline, e pecimata dikhlines penge kolyina mardines khere geline.
verso 49
Le Jezusheske sakone pinzharde, haj le romnya, kon anda Galilea aviline pala leste, majdur, rigate tordyindes dikhenas sa kado..
Le Jezushesko praxope
verso 50
Sas jekh Jozhef anavesko, patyivalo haj chacho manush, anda angsvato,
verso 51
kon chi hatyarlas jekh lenge krisimatasa haj lenge kerdyimatanca. Anda Arimateako foro sas kaj but bibolde beshenas, haj vi voj azhukarlas le Devleske themes.
verso 52
Gelastar kaj o Pilatush, haj manglas le Jezushesko trupo.
verso 53
Pala kodo tele las les, ando poxtan patyardas les, haj andekh plaj shindo murmunto shutas les, ande soste inke khonyik chi pashjilas.
verso 54
Le angle lasharimatako dyes sas, haj pashardyolas o savato.
verso 55
Le romnya, kon anda Galilea aviline lesa, pala leste geline, haj dikhline o murmunto, ke sar shutine tele lesko trupo.
verso 56
Pala kodo khere geline, lashe sungangire palya haj makhlyimata kerdine, ba le savatones, sar so si vladime, ande pacha hodinisardine.
Libros
