Evangeliumo kathar o Lukach
23. fejezet
O Jezush angla o Pilatush
1. vers
Atunchi savorazhene oprelinepe, haj ingerdine les kaj o Pilatush.
2. vers
Kothe kade line te dosharen les: „Kodo lam sama, ke kado xoxavel amare popularen, nashtil, taksha te potyinas le chasaroske, haj kodo phenel pa peste, ke voj si o Messhiashicko kraj.”
3. vers
O Pilatush pushlas lestar: „Tu san le biboldengo kraj?” Voj kodo phendas: „Tu phenes.”
4. vers
O Pilatush atunchi kado phendas le angrashajenge haj le butimatange: „Khanchi bezex chi arakhav ande kado manush.”
5. vers
Ba kodal zurarnaspe, haj kodo phendine: „Opre xolyarel le manushen peske sityaripesa ande intrego Judea, zhikathar e Galilea zhikaj kadal riga.”
O Herodesh kraj avriprassal le Jezushes
6. vers
Kadal ashundines o Pilatush pushlas, ke kado manush dore na Galileickoj.
7. vers
Kana avrizhanglas, ke tala le Herodeshesko krajipe inkerdyol, bishaldas les kaj o Herodesh, kon vi voj ando Jeruzhalemo sas ande kodal dyesa.
8. vers
Kana o Herodesh dikhlas le Jezushes, zurales losshajlas. Aba dulmut fajlino les te dikhel les, ke ashundas pa leste, haj sperantilas, ke varisoski chudimata kerla angla leste.
9. vers
Butaig pushelas les, ba voj khanchi chi phenelas.
10. vers
Le angrashaja haj le iskiritora pale kothe tordyonas, haj inke majfeder dosharenas les.
11. vers
O Herodesh peske krujal line manushenca kethanes tele lazhavardas les, avriprassadas les, pala kodo ande parne gada uradas les, haj palpale bishaldas les kaj o Pilatush.
12. vers
Pe kodo dyes o Herodesh haj o Pilatush lashe vortakura kerdyiline, ke angla kodo ande xolyate sas jekhavresa.
Le Pilatushesko krisaripe
13. vers
O Pilatush pale kethane akhardas le angrashajen, le popularenge anglalaren haj le manushen,
14. vers
haj kodo phendas lenge: „Kathe andine mande kadale manushes, sar le manushenge rebellishes. Avriashundom les angla tumende, ba khanchi bezex chi arakhlom ande kado manush sa mashkar kodola, sosa dosharen les.
15. vers
Haj inke chi o Herodesh, ke palpale bishaldas les amende. Shaj dikhen apol, ke khanchi merimaski traba chi kerdas.
16. vers
Krisarav les anda kado, haj slobodo mukhav les.”
18. vers
Pe kado savorazhene oprecipisardine: „Xasar kadales, haj mukh amenge le Barabashes!
19. vers
Les anda varisoske rabellimata haj mudaripe phandadine ande robilya, so ando foro pecisardyilas.
20. vers
O Pilatush pale duma das lende, ke slobodo kamlas te mukhel le Jezushes.
21. vers
Ba kodal cipinas: „Po trushul, po trushul lesa!”
22. vers
Ba voj vi po trito duma das lende: „Ba apol so nasul kerdas? Khanchi merimaski traba chi arakhlom ande leste. Krisarav les apol haj bishalav les”
23. vers
Ba kodal chi mukhenaspe, ba inke majfeder mangenas, te tannaren les po trushul. Lengo cipipe po jekh zurajvelas.
24. vers
O Pilatush anda kado kade alosardas, t«avel kade, sar so kamen.
25. vers
Sar so mangle les, slobodo mukhlas kodo les, kas anda rebellimata haj anda mudarimata phandade ande robilya, le Jezushes pale avridas lenge sar so kamenas.
Po trushul tannaripe
26. vers
Kana ingerdine les, xutyildine jekhe Shimon anaveske manushes, kon anda Cirene sas, kon pa mal avelas, haj pe leste shutine o trushul, te ingrel les pala o Jezush.
27. vers
But manusha zhanas pala leste, sas mashkarlende vi romnya, kon rovenas haj cipinas anda leste.
28. vers
O Jezush kothe boldaspe karing lende, haj kade das duma: „Jeruzhalemeske shejale, na anda mande roven! Tumen haj tumare shavoren rovjaren!
29. vers
Ke avnatar kasave dyesa, kana kodo phenena: »Anandej kas nashtig avel shavoro, le dejange utera, save chi andine shavores pe luma, haj le chucha, save chi pijadine!«
30. vers
Atunchi kodo lena te phenen le plajenge: »Shindyon p«amende!« Haj le dunenge: »Sharaventar amen!«
31. vers
Ke kana le zelenisarde kashtesa kado keren, atunchi so avla le shukeskiresa?”
32. vers
Lesa jekharsa ingerdine vi duje bezexaslen, te mudaren len.
33. vers
Kana kaj e Koputa thaneske anavardino than resline, po trushul tannardine les kothe, haj lesa kethanes vi le duje bezexaslen, le jekhes pa chachi rig le kaveres pa stungo rig.
34. vers
O Jezush atunchi kade das duma: „Dade! Jertisar lenge, ke chi zhanen, ke so keren.”
Leske gada uladine, haj avrikheldinele.
35. vers
Le manusha numa dikhindes tordyonas kothe, le angmanusha pale kade prassanas les: „Kaveren muntusardas, te muntul akanak pes, voj te si o Kristo, le Devlesko alosardo!”
36. vers
Vi le ketani prassanas les. Kothe zhanas, haj shut denas les,
37. vers
haj kodo phenenas: „Tu te san le biboldengo kraj, slobodisar avri tut!”
38. vers
Vi opreiskiripe sas pe lesko trushul: „Kadoj le biboldengo kraj.”
39. vers
Mashkar le bezexasle jekh kushelas les: „Na o Kristo san tu? Slobodisar avri apol tut, haj vi amen!”
40. vers
Ba o kaver tele lazhavardas les kadale vorbenca: „Chi daras kathar o Del? Haj ke vi tu zhikodo krisaripe dukhares!
41. vers
Amenge perelpe, ke anda amare trabi chachimasko krisaripe dukharas, ba kado kathe khanchi nasul chi kerdas.”
42. vers
Pala kodo kade das duma: „Jezush, serosartu pa mande, kana avesatar ande tyo them.”
43. vers
Voj kodo phendas leske palpale: „Amen, phenav tuke: inke adyes manca avesa ando paradajzo!”
Le Jezushesko meripe
44. vers
Karing le shov chasura tunyarikipe kerdyilas pe intrego luma, zhikaj ijja chasura.
45. vers
O kham kajilastar, la khangerako firhango mashkaral shindyilastar.
46. vers
O Jezush atunchi glasunes oprecipisardas: „Dade! Ande tyo vast shav muro duho!” Kadale vorbenca avri phurdas pesko dyi.
47. vers
Kana o shelari dikhlas, so pecisajlas, luvudyisarlas le Devles, haj kade das duma: „Kado manush chachikanes chacho sas.”
48. vers
Sa e intrego butimata, save kethane aviline, e pecimata dikhlines penge kolyina mardines khere geline.
49. vers
Le Jezusheske sakone pinzharde, haj le romnya, kon anda Galilea aviline pala leste, majdur, rigate tordyindes dikhenas sa kado..
Le Jezushesko praxope
50. vers
Sas jekh Jozhef anavesko, patyivalo haj chacho manush, anda angsvato,
51. vers
kon chi hatyarlas jekh lenge krisimatasa haj lenge kerdyimatanca. Anda Arimateako foro sas kaj but bibolde beshenas, haj vi voj azhukarlas le Devleske themes.
52. vers
Gelastar kaj o Pilatush, haj manglas le Jezushesko trupo.
53. vers
Pala kodo tele las les, ando poxtan patyardas les, haj andekh plaj shindo murmunto shutas les, ande soste inke khonyik chi pashjilas.
54. vers
Le angle lasharimatako dyes sas, haj pashardyolas o savato.
55. vers
Le romnya, kon anda Galilea aviline lesa, pala leste geline, haj dikhline o murmunto, ke sar shutine tele lesko trupo.
56. vers
Pala kodo khere geline, lashe sungangire palya haj makhlyimata kerdine, ba le savatones, sar so si vladime, ande pacha hodinisardine.
Könyvek
