Evangeliumo kathar o Janosh
1. fejezet
Anglardi vorba
1. vers
Majanglal sas o alav, haj o alav kaj o Del sas, haj o Del sas o alav.
2. vers
Voj sas majanglal kaj o Del.
3. vers
Sakofalo lestar kerdyilas, haj bi lesko khanchi chi kerdyilas, so kerdyilas.
4. vers
Ande leste trajo sas, haj o trajo sas le manushengo fimlalipe.
5. vers
O fimlalipe ando tunyarikipe fimlal, ba o tunyarikipe kodo chi xutyildas opre.
6. vers
Sas jekh manush, kas o Del bishaldas, Janosh sas lesko anav.
7. vers
Anda chacharimata avilas, te kerel chacharipe pa fimlalipe, haj sakon te patyal perdal pa leste.
8. vers
Na voj sas o fimlalipe, numa chacharipe trubusardas te kerel pa fimlalipe.
9. vers
O Chacho fimlalipe, savo sakone manushes fimlalisarel, ande luma avilas.
10. vers
Ande luma sas, e luma lestar kerdyilas, ba e luma chi pinzhardas opre les.
11. vers
Ande pesko avilas, ba leskire chi svagardine les andre.
12. vers
Ba sa kodalenge, kon andre svagardine les, saktimo das, ke le Devleske shavora te aven: kodalenge, kon patyan ande lesko anav,
13. vers
kon na anda rat, haj chi anda truposko hatyaripe, haj chi anda murshengo kamipe, ba anda Del arakhadyiline.
14. vers
O alav truposke kerdyilas, haj mashkar amende beshelas, haj ame dikhlam lesko luvudyipe, sar le Dadesko jekh arakhadyilinesko luvudyipes kon pherdo sas gracijasa haj chachimasa.
15. vers
O Janosh chacharipe kerel pa leste, haj viacarel: „Voj si kodo pa kaste kado phendom: Kon pala mande avel, anglalarel man, ke maj anglal sas, sar me.”
16. vers
Ame savora zhene anda lesko intregonipe lam gracija pe gracija butardes.
17. vers
Ke e kris perdal pa Mozesh lam, e gracija haj o chachipe pale perdal pa Jezush Kristo kerdyilas amaro.
18. vers
Le Devles, chikana, khonyik chi dikhlas: o jekh arakhadyilo Del, kon pe Dadesko kolyin si, voj phendas avri.
Le Bolare Janoshesko vorbisaripe
19. vers
Kado le Janoshesko chacharipe si, kana le bibolde rashajen haj levitan bishaldine leste anda Jeruzhalemo, te pushen les: „Kon san tu?”
20. vers
Voj avr phendas, chiasvikardas, haj avriphendas: „Na me som o Kristo.”
21. vers
Pe kado pushline lestar: „So san apol? O Illesh san?” Voj kodo phendas: „Chi som.” „Profeta san?” Kodo phendas pe kado: „Na:”
22. vers
Atunchi kodo phendine leske: „Atunchi kon san? Ke vorba trubuj te ingras kodalenge, kon bishaldine amen! So phenes pa tute?”
23. vers
Voj kodo phendas:
„Ande pusta cipisardeski vorba som:
»Lasharen vortaske le Rajesko drom«, sar o Izajash profeta phendas.”
24. vers
Le bishalde mashkar le farizana sasle.
25. vers
Anda kado majdur pushenas les: „Sostar boles apol, kana na tu san o Kristo, haj chi o Illesh, haj chi e profeta?”
26. vers
O Janosh kado phendas lenge: „Me pajesa bolav, ba mashkar tumende tordyol kodo, kas tume chi pinzharen.
27. vers
Voj si kodo, kon pala mande avel, haj kaske chi som dosta chi leske sandalengo brichinari avri te putrav.”
28. vers
Kadal ande Betania pecisardyiline, perdal pa Jordano, kaj o Janosh bolelas.
Le Bolare Janoshesko chacharipe
29. vers
Kaver dyes dikhlas, ke o Jezush avel karing leste. Pe kado kade das duma: „Aketa, le Devlesko Bakro, kon lel la lumake bezexa!
30. vers
Voj si kodo, pa kaste phendom: Palamande avel jekh mursh, kon anglalarel man, ke majanglal sas sar me.
31. vers
Me chi pinzharos les: ba anda kodo avilom pajesa te bolav, ke les te pinzharavav le Izraelesa.”
32. vers
O Janosh chacharipe kerdas haj kado phendas: „Dikhlom, ke o Duho, sar gulunbo tele hural anda cheri haj pe leste ashilas.
33. vers
Chi pinzharos les, ba kon anda kodo bishaldas man, ke pajesa te bolav, kodo phendas mange: »Pe kaste dikhes le Duhos tele te hural haj pe leste te ashol, voj si kodo, kon Suntone Duhosa bolel.«
34. vers
Me dikhlom, haj chacharipe kerdom pa leste, ke voj si le Devlesko Shavo!”
Le anglune sityarde
35. vers
Kaver dyes pale kothe tordyolas o Janosh peske duje sityardenca kethanes.
36. vers
Kana dikhlas le Jezushes, ke intye zhalas, kodo phendas: „Aketa, le Devlesko Bakro.”
37. vers
Le duj sityarde ashundine leske vorbi, haj geline pala o Jezush.
38. vers
O Jezush pale boldaspe, haj kana dikhlas, ke zhan pala leste, pushlas lendar: „So roden?” Kodo phendine leske: „Rabbi – so kodo phenel, ke Maistro –, kaj beshes?”
39. vers
Voj kodo phendas lenge: „Aven, haj dikhenales.” Gelinetar apol, haj dikhline, ke kaj beshel. Kodo dyes leste ashiline. Karing le desh chasura sas.
40. vers
Mashkar le duj, kon kado ashundine kathar o Janosh, haj geline pala leste, o jekh o Andrash sas, le Shimon Peteresko phral.
41. vers
Voj anglunes peske phralesa, le Shimonesa arakhadyilas, haj kodo phendas leske: „Rakhlam le Messhiashos, le Opremakhles!”
42. vers
Haj ingerdas les kaj o Jezush. O Jezush pe leste dikhlas, haj kade das duma: „Tu o Shimon san le Janoshesko shavo. Kefash avla tyo anav.” Kado kodo phenel, ke Peter (so plaj anavarel).
43. vers
Kaver dyes kana o Jezush ande Galilea kamlas te zhal, maladyilas le Filiposa. Kodo phendas leske: „Av pala mande!”
44. vers
O Filip anda Betsaida sas, anda le Andrashesko haj Peteresko foro.
45. vers
O Filip maladyilas le Natanaelesa, haj phenadasles leske: „Rakhlam kodales, pa kaste o Mozesh iskirisardas ande kris haj le profeti: le Jezushes, le Jozhefeske shaves anda Nazaret.”
46. vers
O Natanael pe kado kodo phendas: „Shaj avel variso lasho anda Nazaret?” O Filip kodo phendas leske pe kado: „Av haj dikhles!”
47. vers
Kana o Jezush dikhlas le Natanaeles sar avelas, kodo phendas pa leste: „Aketa, jekh chacho Izraelicko, ande kaste naj xoxamnipe.
48. vers
„O Natanael pushlas les: „Kathar pinzhares man?” O Jezush kodo phendas: „Zhiso majanglal o Filip akhardasas tut, dikhlom tut, kana tala gular kasht sanas.”
49. vers
O Natanael kado phendas palpale: „Rabbi, tu san le Devlesko shavo, tu san le Izraelesko kraj!”
50. vers
O Jezush pe kado kade das duma: „Ke kodo phendom tuke: dikhlom tut tala gular kasht, patyas? Majbare butya dikhesa inke kathar kadal.”
51. vers
Haj kado phendas pashe: „Amen, Amen, phenav tumenge: dikhena o avriputerdyilino cheri, haj ke le Devleske andyela opre tele hurana opral pa Manushesko Shavo.”
Könyvek
