Evangeliumo kathar o Janosh
6. fejezet
Manresko butaripe kaj le Tiberi- ashesko paji
1. vers
Sa pala kadal o Jezush perdal gelas pa Galilea, perdal pa Tiberiasheski mara.
2. vers
Baro butipe zhalas pala leste, ke dikhenas leske chudicka somnura, so pe nasvale kerelas.
3. vers
O Jezush opre gelas po plaj, haj tele beshlas kothe peske sityardenca.
4. vers
Pashe sas e Patradyi, le biboldengo barodyes.
5. vers
Kana o Jezush opre vazdas peske jakha, haj dikhlas, ke baro butipe avel karing leste, pushlas le Filipos: „Kathar las manro, te shaj xan?”
6. vers
Kado pale anda kodo phendas, avri te zumavel les, ke voj pestar, zhanelas, ke so kamel te kerel.
7. vers
O Filip kodo phendas leske: „Chi dujshela denarengo manro naj dosta lenge, ke savora zhenenge variso cerra te perel.”
8. vers
Mashkar le sityarde jekh, o Andrash, le Shimon Peteresko phral kade das duma:
9. vers
„Si kathe jekh shavo, kas si panzh manre haj duj mashe. Ba soj kado kattyenge?”
10. vers
O Jezush pe kado kodo phendas: „Beshaven tele le manushen!” But char sas pe kodo than. Tele beshline apol: Le mursh karing le panzh miji sasle.
11. vers
O Jezush pale xutyildas le manren, najisipe phendas, haj uladasle le tele beshlengirenge. Zhikade vi anda mashe das, sode feri trubusardas len.
12. vers
Pala soste chajiline, kodo phendas peske sityardenge: „Kiden kethane so ashilas, tena xasajveltar khanchi!”
13. vers
Kethane kidinele apol, haj anda panzh manre so ashiline pala manusha, deshuduj koshnyici pherdyardine pherdo.
14. vers
Le manusha pale, ke dikhline o chudicko somno, so kerdas, kodo phendine: „Dore kado kodo profeta si, kon aveltar pe luma!”
15. vers
Kana o Jezush sama las, ke kodo kamen te keren, te xutyilen les, haj krajeske te shon les, pale palpale gelas po plaj, numa voj korkori.
O Jezush po paji phirel
16. vers
Kana andre ratyilas, leske sityarde tele geline kaj e mara.
17. vers
Andre beshline ando bero, haj line te zhantar ando Kafarnaumo. Aba andre ratyilas, ba o Jezush inke chi akanak chi gelas kothe lende.
18. vers
Ke bari balval kerdyilas, e mara turbato kerdyilas.
19. vers
Kana karing le bishtaj panzh bake karing le tranda shtadiumo beronas, dikhline, ke o Jezush pe mara phirindes karing o bero pasharel, haj zurales darajline.
20. vers
Voj pale kade das lende duma: „Me som, na daran!”
21. vers
Oprekamline te len les ando bero, ba o bero sigo kaj e dolma reslas, karing kamline te zhan.
Sityaripe pa rajuno manro
22. vers
Kaver dyes e butimata, save pe maraki kaver rig tordyolas, sama las, ke numa jekh bero sas kothe, haj ke o Jezush chi hulyilas andre ando bero peske sityardenca kethanes, leske sityarde korkorunes gelinetar.
23. vers
Ba aviline anda Tiberish kaver berura kaj kodo than pashe kaj le manres xaline, pala soste o Raj najisipe phendas.
24. vers
Kana apol e butimata dikhlas, ke naj kothe chi o Jezush, haj chi leske sityarde, andre hulyiline ande berura, haj le Jezushes rodindes ando Kafarnaumo gelinetar.
25. vers
Kana rakhline les perdal pa mara, kodo phendine leske: „Rabbi, kana avilan kathe?”
26. vers
O Jezush kodo phendas: „Amen, amen phenav tumenge: „Roden man, ba na anda kodo, ke chudicka somnura dikhen, ba anda kodo, ke xaline anda manre, haj chajiline.
27. vers
Na anda kodo xamo khinyaren tumen, so xasalyvel, ba anda kodo xamo, savo ashol po sagutno trajo, saves maj le Manushesko Shavo dela tumen. Ke les o Daduno Del somnosardas.”
28. vers
Pe kado kodo pushline lestar: „So te keras, ke le Devleske trabi te keras?”
29. vers
O Jezush kodo phendas: „Le Devlesko kerdyipe kodo si, ke te patyan ande kodo, kas voj bishaldas.”
30. vers
Pe kado pushline lestar: „Sosko somno sikaves, ke te dikhas haj te patyas tuke? So keres?
31. vers
Amare dada Manna xaline ande pusta, sar iskirime si: »Anda rajo das len manro te xan«.
32. vers
O Jezush kado phendas palpale: „Amen, amen phenav tumenge: Na o Mozesh das tumen anda rajo manro, ba muro Dad del tumenge anda chacho rajo o manro.
33. vers
Ke le Devlesko manro kodoj, so anda rajo huralylas tele, haj trajo del la lumake.”
34. vers
Atunchi kodo phendine leske: „Raja, sagutnes de amenge kado manro!”
35. vers
O Jezush kado phendas lenge: „Me som le trajosko manro. Kon mande avel chi bokhajvela, haj kon ande mande patyal, chikana trushajvelatar.
36. vers
Ba phendom tumenge, ke dikhline man, haj chi kade chi patyan.
37. vers
Sakones, kas mange del o Dad, mande avel, haj kon mande avel, chi bishalav les,
38. vers
ke na anda kodo huralylom tele anda rajo, ke muro kamipe te kerav, ba kodalesko kamipe, kon man bishaldas.
39. vers
Kodaleske, kon man bishaldas, kodo si lesko kamipe, ke tena xasarav khanchi anda kodo so mange das, ba opre te trajaravles po palutno dyes.
40. vers
Ke mure Dadesko kamipe kodoj, ke sakoneske kon dikhel le Shaves, haj patyal ande leste saguno trajo te avel les: haj me opretrajarav len po palutno dyes.”
41. vers
Atunchi le bibolde xolyajline pe leste, ke kodo phendas: „Me som o manro, kon anda rajo huralylom tele”,
42. vers
haj kodo phendine: „Na o Jezush si kado, le Jozhefesko shavo, kaske pinzharas vi leske dades haj deja? Apol sar phenel akanak kado: »Anda rajo huralylom tele«?”
43. vers
O Jezush kado phendas lenge palpale: „Na xantume mashkar jekhavreste!
44. vers
Khonyik nashtig avel mande, kana feri o Dad, kon man bishaldas, chi pasharel les: haj me opretrajarav les po palutno dyes.
45. vers
Iskirime si kaj le profeta: »Savora zhene le Devleske sityarde avna«. Sa kodo kon le Dades ashundas haj patyalas lesko sityaripe, mande avel.
46. vers
Na sar le Dades te dikhlino varikon: numa kodo dikhlas le Dades, kon kathar o Del si.
47. vers
Amen, amen phenav tumenge: Kon patyal, sagutno trajo siles.
49. vers
Tumare dada manna xanas ande pusta haj muline.
50. vers
Kado anda rajo tele huralylo manro si, ke kon anda kado xal, tena merel.
51. vers
Me som o zhuvindo manro, so anda rajo huralylas tele. Kana varikon anda kado manro xal, sagutnes trajil. O manro pale, so me do, muro trupoj anda lumako trajo.
52. vers
Linepe te xanpe mashkar pende le bibolde anda kado, haj kado pushline: „Sar shaj del pesko trupo, kako amenge, te xasles?”
53. vers
O Jezush kado phendas lenge: Amen, amen phenav tumenge: tena xana le Manusheske Shavesko trupo, haj chi pena lesko rat, ch«avla trajo ande tumende.
54. vers
Kon xal muro trupo, haj pel muro rat, kodales sagutno trajo siles, haj me opretrajaravles po paluno dyes.
55. vers
Ke muro trupo chachikano xamo si, haj muro rat chachikano pimoj.
56. vers
Kon xal muro trupo, haj pel muro rat, kodo ande mande ashol, haj me ande leste.
57. vers
Sar man bishaldas o zhuvindo Dad, haj sar me lestar trajisarav, kade kon man xal, vi kodo mandar trajil.
58. vers
Kado kodo manro si, so anda rajo huralylas tele. Na kasavoj, sar so le dada xaline haj muline: kon kado manro xala, sagutnes trajila.
59. vers
Kadal phendas ando Kafarnaumo, kana ande zhinagoga sityardas.
Le sityardengo labilipe
60. vers
Kana kado ashundine, mashkar leske sityarde but zhene kado phendine: „Capeno vorba si kado! Kon shaj ashunel kado?”
61. vers
O Jezush zhanelas ande peste, ke leske sityarde anda kado xolyajven, anda kado kodo phendas lenge: „Xolyarel tumen kado?
62. vers
Haj kana dikhena le Manusheske Shaves, te zhal opre kothe, kaj anglakodo sas?
63. vers
O Duho si kodo so tarajarel, o trupo chi mol khanchi. Le alava, so me phendom tumenge, o Duho haj trajo si.
64. vers
Ba si mashkar tumende unyizhene, kon chi patyan.” Ke o Jezush kathar anglalutnipe zhanelas, ke kon si kodala, kon chi patyan, haj ke kon purrija les.
65. vers
Haj pashe phendas inke: „Anda kado phendom tumenge: Khonyik nashtig avel mande, kana feri o Dad chi delles leske.”
66. vers
Kathar kado mashkar leske sityarde but zhene palpale cirdinepe, haj chi phirenas lesa.
67. vers
O Jezush anda kado kade das duma kaj le deshuduj: „Dore vi tume kamen te zhantar?”
68. vers
O Shimon Peter kado phendas: „Raja, kaste zhasas? Le sagutne trajeske alava tyirej.
69. vers
Ame patyasas, haj pinzhardam, ke tu san le Devlesko Sunto.”
70. vers
O Jezush kado phendas lenge palpale: „Na deshudujen alosardom avri mashkar tumende? Ba jekh mashkar tumende vi kade beng si.”
71. vers
Kado pale, po Judash, po ishkarioticko Shimonesko shavo phendas, ke kado lesko purritori kerdyilas, jekh mashkar le deshuduj.
Könyvek
