Evangeliumo kathar o Janosh
12. fejezet
O betanicko makhlipe
1. vers
Angla Patradyi shove dyesenca o Jezush ande Betania gelas, kaj o Lazar beshelas, kas o Jezush opretrajardas anda meripe.
2. vers
Kothe xamo kerdine leske. E Marta opreslugisardas, o Lazar pale mashkar kodal sas, kon lesa beshenas kaj e mesalya.
3. vers
E Marija pale xutyildas jekh fonto chacho, haj kuch nardusicko uloj, makhlas le Jezusheske punre, haj peske balenca khoselas kodal. O kher pherdyilas le makhlimaske lashi sungimatasa.
4. vers
Pe kado mashkar leske sityarde o jekh, o ishkarioticko Judash, kon lesko purritori kerdyilas kade das duma:
5. vers
„Sostar chi bikindine kado makhlipe pe trinshela denaro, haj te dinesasles kothe le chorrenge?”
6. vers
Kado pale na anda kodo phendas, ke pe chorrende te avilino les grizha, ba ke chor sas, haj ke leste sas e trasta, le dimata chorelas.
7. vers
O Jezush pe kado kade das duma: „Dela pacha, ke pe muro praxomasko dyes te kerel kodo.
8. vers
Ke chorre sagutnes avna tumenca, ba me chi avo sagutnes tumenca.”
9. vers
Mashkar le bibolde but zhene avri zhangline, ke kothe si, haj kothe geline, na feri anda o Jezush, ba vi le Lazares te dikhen, kas opretrajardas anda meripe.
10. vers
Le angrashaja pale pa kodo vorbinas, ke vi le Lazares mudaren,
11. vers
ke mashkar le bibolde but zhene geline kothe anda leste, haj patyanas ando Jezush.
Andrezhape ando Jeruzhalemo
12. vers
Kaverdyes, kana e butimata, save pe baredyesa aviline, ashundine, ke o Jezush ando Jeruzhalemo avel,
13. vers
palmenge kranzhi xutyildine, angla leste geline haj kade cipinas:
„Hozhana!
Ashtyilimej, kon ande Rajesko anav avel,
haj le Izraelesko kraj si!”
14. vers
O Jezush pale rakhlas jekh magaraka khurora, oprebeshlas pe late, sar iskirime si:
15. vers
„Na dara Sioneski shej!
Aketa, tyo kraj avel pe magaricko khurori beshindos!”
16. vers
Leske sityarde majanglal chi hatyarenas kado, ba kana o Jezush luvudyisajlas, palpale serosardine pe kodo, ke kodo kerdine lesa so iskirime sas pa leste.
17. vers
Chachardas apol pa leste o butipe, save lesa sas, kana angle akhardas le Lazares anda murmunto, haj opretrajardas les anda meripe.
18. vers
E butimata apol zhianda kodo gelas angla leste, ke ashundas, ke kadi traba kerdas.
19. vers
Le farizana atunchi kade dine duma jekhavreste: „Dikhen, ke pe khancheste chi zhan? Aketa, e intrego luma zhal pala leste!”
Le Jezusheske palune vorbimata angla but manusha: la zhejake chasuri
20. vers
Mashkar kodal, kon opregeline, te rudyin pel baredyesa, sas vi unyizhene hellena.
21. vers
Kadal kothe gelne kaj o Filip, kon anda galileicko Betsaida sas, haj mangenas les: „Raja, fajas amen, te dikhas le Jezushes!”
22. vers
O Filip gelastar haj duma das le Andrasheske, pe soste o Andrash haj o Filip gelinetar, haj duma dine le Jezusheske.
23. vers
O Jezush kado phendas lenge: „Avlatar o chaso, ke le Manushesko Shavo te luvudyisajveltar.
24. vers
Amen, amen phenav tumenge: kana ande phuv pelino dyivesko sumburo chi merel, korkoro ashol, ba te merel, atunchi but upaj kerel.
25. vers
Kon kamel pesko trajo, xasarel kodo, haj kon rucil pesko trajo pe kadi luma, inkrel kodo po sagutno trajo.
26. vers
Kon mange slugil, te avel pala mande, haj kaj me som, kothe avla vi muri sluga. Kodoles, kon slugil man, patyivisarela les o Dad.
27. vers
Akanak mishkisajlas muro duho. So te phenav? Muro Dad, muntusar man kathar kado chaso? Haj apol anda kado avilom, anda kado chaso.
28. vers
Muro Dad, luvudyisar tyo anav!” Pe kado glasipe ashundyilas anda cheri: „Aba luvudyisardomles, haj pale luvudyisaroles.”
29. vers
Kodal manusha, kon kothe tordyonas, haj ashundine kado, kodo phendas, ke le cheresko bashavjipe sas. Kavera kade dine duma: „Andyelo das duma leste.”
30. vers
O Jezush kodo phendas: „Na anda mande ashundyilastar kado glasipe, ba anda tumende.
31. vers
Krisipe sas akanak pe luma, akanak shudena avri kadala lumake krajes.
32. vers
Me pale, kana opreasharena man pa phuv, sakofalo mande cirdav.”
33. vers
Kado anda kodo phendas, ke te sikavel anglal, ke soske meripesa merela.
34. vers
E butimata kodo phendas: „Ame kodo ashundam anda kris, ke o Kristo sagda ashola. Sostar phenes apol: »Le Manusheske Shaves opretrubul te asharen?« Kon si le Manushesko Shavo?”
35. vers
O Jezush kodo phendas lenge: „Aba feri cerra vramate si tumende o fimlalipe. Zhikaj kodo phiren, zhikaj tumaroj o fimlalipe, ke o tunyarikipe andre tena sharavel tumen. Kon ando tunyariko phirel, chi zhanel, ke kaj zhal.
36. vers
Zhikaj tumaro si o fimlalipe, patyan ando fimlalipe, ke le fimlalimaske shave te aven.” Kadala phendas o Jezush, pala kodo gelastar, haj garadyilas angla lende.
Anda soste o bipatyape si
37. vers
Chaches, ke kattyi somnura kerdas angla lenge jakha, ba chi kade chi patyanas ande leste,
38. vers
ke andre te pherdyol le Izajasheski vorba, kon kadala phendas:
„Raja, kon patyalas amare vorbimata,
haj le Rajeski kuj kaske sikadyilas?”
39. vers
Chi zhanen te patyan, ke o Izajash vi kadal phendas:
40. vers
„Korreske kerdas lenge jakha
haj capenyisardas lengo ilo,
tena dikhen penge jakhenca
haj tena hatyaren penge ilenca,
tena boldenpe karing o Del
haj te sastyarav len”.
41. vers
Kadal phendas o Izajash, ke dikhlas lesko luvudyipe haj pa leste vorbisardas.
42. vers
Ba vi kade, inke vi mashkar angmanusha patyanas ande leste but zhene, ba anda farizana, kado chi phendine avri, ke avri tena phandaven len anda zhinagoga.
43. vers
Ke majfeder kamenas le manushengo patyivisaripe, sar le Devleske luvudyimata.
Dumadinipe po alosaripe
44. vers
O Jezush pale oprevazdas pesko glaso haj kade das duma: „Kon patyal ande mande, na ande mande patyal, ba ande kodo, kon bishaldas man.
45. vers
Haj kon man dikhel, kodales dikhel, kon bishaldas man.
46. vers
Anda kodo avilom ande luma, ke fimlalimata te avav, ke sa kodo, kon patyal ande mande, ando tunyariko tena ashol.
47. vers
Kana pale varikon ashunel mure alava, ba chi inkrel kodolen, chi krisarav les. Ke na anda kodo avilom, ke te krisarav la luma, ba te muntusarav la luma.
48. vers
Si kon, te krisarel kodales, kon tele dikhel man, haj chi lel peskireske mure alava: o alav so phendom, kodo krisarel les po paluno dyes.
49. vers
Ke na mandar vorbisardom, ba kon bishaldas man, o Dad, voj vladisardas mange, ke so te phenav haj so te vorbisarav.
50. vers
Zhanav, ke lesko vladipe sagutno trajoj. So apol me vorbisarav, kade phenav, sar o Dad phendas mange.”
Könyvek
