Evangeliumo kathar o Janosh
16. fejezet
1. vers
Anda kodo phenav tumenge, tena xolyajven.
2. vers
Avriphandavna tumen anda zhinagogi, haj avla vi kodo chaso, ke sa kodola, kon mudarela tumen, kodo gindila, ke le Devleske slugisardas kodalesa.
3. vers
Anda kodo kerena kado, ke chi pinzhardine chi le Dades haj chi man.
4. vers
Sa kado pale anda kodo phenav tumenge, ke kana avelatar kadalenge chaso, seron pe lende, ke me phendomles tumenge. Anglalutnes anda kodo chi phendom kadala, ke tumenca somas.
Le Sunto Duhoske trabi
5. vers
Akanak zhavtar kaj kodo kon bishaldas man, haj khonyik mashkar tumende chi pushel mandar: »Kaj zhas?«
6. vers
Ba ke kadala phendo, brigasa pherdyilas tumaro ilo.
7. vers
Ba me o chachipe phenav tumenge: Maj mishtoj tumenge te zhotar. Ke tena zhotar, o Ushori chi avelatar tumende, ba te zhotar, bishalo les tumende.
8. vers
Voj kana avelatar, chacharel la luma pa bezex, pa chachipe, pa krisaripe:
9. vers
apol pa bezex, ke chi patyan ande mande:
10. vers
Pa chachipe, ke kaj o Dad zhav, haj majbut chi dikhena man:
11. vers
haj pa krisaripe, ke kadala lumako kraj krisardo si.
12. vers
Inke but sakofalo trubujas te phenav tumenge, ba inke akanak chi zhanenas te hatyarenles.
13. vers
Kana pale avelatar le chachipesko Duho, voj ingrela tumen po intrego chachipe, ke na pestar vorbila, ke kodo phenela so ashunel, haj le avlune trabi viacarela tumenge.
14. vers
Voj maj luvudyisarela man, ke anda muro lela, haj avri phenel kodo tumenge.
15. vers
Sa kodo so le Dadeskoj, muroj: anda kodo phendom, ke anda muro lel, haj avriphenel kodo tumenge.
Le shindyipeski dukh, haj le pale dikhlimaski lossh
16. vers
Inke jekh cerra vrama haj chi dikhen aba man, pala kodo pale jekh cerra vrama, haj dikhena man.”
17. vers
Atunchi mashkar le sityarde unyizhene kade dine duma: „Soj kodo, so phenel amenge: »Jekh cerra vrama haj chi dikhen man, pala kodo pale cerra vrama, haj dikhena man«? haj: »Kaj o Dad zhav«?”
18. vers
Pala kodo kado phendine inke: „Soj kodo so phenel: »Jekh cerra vrama«? Chi hatyaras so phenel!”
19. vers
O Jezush sama las, ke kamen te pushen les, anda kado kade das duma: „Pa kodo vorbin tume mashkar jekhavreste, ke kodo phendom: »Jekh cerra vrama haj chi dikhen man, pala kodo pale jekh cerra vrama, haj dikhena man«?
20. vers
Amen, amen phenav tumenge, ke rovena haj cipina, e luma pale losshala. Tume maj brigasle avna, ba tumari briga pe lossh boldelape.
21. vers
Vi e romnyi, kana shavores anel pe luma, brigilpe, ke avilastar lako chaso: ba kana pe luma andas peske shavores, aba chi seroj pe briga anda lossh, ke manush arakhadyilas pe luma.
22. vers
Vi akanak brigin tume, ba pale dikho maj tumen, tumaro ilo vojilape, haj tumari lossh chi lel tumendar khonyik.
23. vers
Haj kodo dyes aba khanchi chi pushena mandar.
Amen, amen phenav tumenge: So feri mangen kathar o Dad ande muro anav, del kodo tumenge.
24. vers
Zhikaj kado, khanchi chi mangline ande muro anav. Mangen, haj lenales, ke tumari lossh intrego te avel.
Kikidyimata haj pacha
25. vers
Kadal ande paraboli vorbisardom tumenge. Ba avelatar kodo chaso, kana aba na ande paraboli vorbisaro tumenge, ba uzhes vorbisarav pa Dad.
26. vers
Pe kodo dyes mangena maj ande muro anav, haj me chi pheno tumenge, ke me mango le Dades anda tumende,
27. vers
ke pestar o Dad kamel tumen, ke tume kamenas man, haj patyanas, ke kathar o Del avilom.
28. vers
Avilomtar kathar o Dad haj kathe avilom ande luma: akanak pale mukav la luma, haj zhavtar kaj o Dad.”
29. vers
Leske sityarde pe kado kodo phendine: „Aketa, akanak uzhes vorbis, haj na parabola phenes.
30. vers
Akanak zhanas, ke sakofalo zhanes, haj chi trubul tuke, ke varikon te pushel tut. Anda kado patyas, ke kathar o Del avilan.”
31. vers
O Jezush kodo phendas lenge: „Akanak patyan?
32. vers
Aketa, avelatar kodo chaso, haj aba vi kathe si, kana zhahaltar, sakon ande pesko kher, man pale korkoro mukena. Ba me chi som korkoro, ke o Dad manca si.
33. vers
Kadal anda kodo phendom tumenge, ke pachipe te avel ande mande tumen. Ande luma pharimata avla tumen, ba patyan, me tele viktornosardom la luma.”
Könyvek
