Evangeliumo kathar o Janosh
4. fejezet
Vorbisaripe la samaricka romnyasa
1. vers
Kana o Jezush avrizhanglas, ke le farizana ashundine, ke o Jezush majbut sityarden lel peste haj bolel, sar o Janosh
2. vers
– ba voj o Jezush chi bolelas, numa leske sityarde –,
3. vers
mukhlas la Judea, haj pale ande Galilea gelas.
4. vers
Perdal trubusardas te zhal pa Samaria.
5. vers
Reslas apol ande Samariako jekh foro, saves Sikareske anavaren, pashe kaj kodi phuv, saves o Jakob peske shaveske, le Jozhefeske das.
6. vers
Kothe sas le Jakobeski xajing. O Jezush atunchi khinyilas kathar o drom, haj tele beshlas kaj e xajing. Dore karing le shov chasura phirelas e vrama.
7. vers
Kothe avilas jekh samaricko romnyi, ke paji te cirdel. O Jezush kado phendas lake: „De man te pav!”
8. vers
Ke leske sityarde gelinetar ando foro, xamasko te kinen.
9. vers
E samaricko romnyi kodo phendas leske: „Kana biboldo san, sar shaj manges mandar te pes, kana me samaricko romnyi sim?” Ke le bibolde chi vorbin le samarickirenca.
10. vers
O Jezush kado phendas: „Te pinzharesas le Devleski tofna, haj ke kon si kodo, kon phenel tuke: »De man te pav«, dore tu manglanas les, haj voj trajimasko paji dinosas tut.”
11. vers
E romnyi kade das duma: „Raja, haj china naj tut khanchi sosa cirdesas, e xajing pale milnoj: kathar lesas apol o trajimasko palyi?
12. vers
Dore chi san majbaro kathar amaro Jakob dad, kon amenge e xajing das, anda soste vi voj, haj vi lesko shavo haj leske pedura piline?
13. vers
O Jezush kado phendas: „Sa kodo kon anda kado paji pel, pale trushajvela,
14. vers
ba kon anda kodo paji pela, so me dav leske, chikana trushajvelatar, ba o paji, so dav les, po sagutno trajo shordyilino ab avla ande leste.”
15. vers
Pe kado e romnyi kade das duma: „Raja, de mange kodo paji, ke tena trushajvav, haj tena phirav kathe te cirdav o paji!”
16. vers
O Jezush kado phendas lake: „Zhatar, haj akhar tye romes, haj av kathe!”
17. vers
E Romnyi pe kado kodo phendas, ke: „Naj man rom.” O Jezush kado phendas lake: „Mishto phendan: »Naj man rom«.
18. vers
Ke panzh rom sas tut, haj kon akanak si tut, kodo naj tyo rom. Kado mishto phendan.”
19. vers
E romnyi atunchi kade das duma: „Raja, dikhav ke profeta san.
20. vers
Amare dada pe kado plaj luvudyinas le Devles, tume pale kodo phenen, ke ando Jeruzhalemo si o than, kaj les trubuj te luvudyisaren.”
21. vers
O Jezush kado phendas lake: „Patya mange romnye, ke avlatar o chaso, kana chi pe kado than, haj chi ando Jeruzhalemo chi luvudyina le Dades.
22. vers
Tume kodo luvudyisaren, so chi pinzharen, ame kodo luvudyisaras, so pinzharas, ke o muntusardyipe kathar le bibolde si.
23. vers
Ba avelatar o chaso, haj aba vi kathe si, kana le chache luvudyisara ando Duho haj chachipe luvudyina le Dades, ke o Dad kasave luvudyisaren rodel peske.
24. vers
O Del duhoj, haj kon les luvudyin, ando Duho haj chachipe trubuj te luvudyisaren les.”
25. vers
E romnyi pe kado kodo phendas: „Zhanav, ke avelatar o Messhiasho, kas Kristoske anavaren, haj kana voj avelatar, avriphenel amenge sakofalo.”
26. vers
O Jezush kado phendas lake: „Me som kodo, kon tusa vorbijma.”
O Jezush haj le samaricka
27. vers
Atunchi kothe resline leske sityarde, haj bari dikhline, ke romnyasa vorbisardas. Ba chi kade chi pushlas mashkar lende khonyik: „So kames, bake so vorbis lasa?”
28. vers
E Romnyi pale kothe mukhlas pesko khoro, gelastar ando foro, haj duma das le manushenge:
29. vers
„Aven, dikhen le manushes, kon phendas mange sakofalo, so kerdem. Dore, na voj si o Kristo?”
30. vers
Kodal pe kado avrigeline anda foro, haj kothe geline leste.
31. vers
Ba tala kadi vrama leske sityarde mangenas les: „Rabbi, xa!”
32. vers
Voj kodo phendas lenge: „Si man xamasko, pa soste tume chi zhanen.”
33. vers
Le sityarde jekhavres pushenas: „Shajke andas leske varikon, te xal?”
34. vers
Ba o Jezush kade vorbilas maj dur: „Muro xamasko kodoj, ke kodalesko kamipe te kerav, kon bishaldas man, te lasharav lesko kerdyipe.
35. vers
Chaches tume phenen: Inke shtar shon, haj resla o kosipe? Aketa, phenav tumenge: Vazden opre tumare jakha, haj dikhen le plugasle phuva, ke reslas aba pe lende o kosipe.
36. vers
O Kosari lela pesko potyinipe, haj upaj kidel po sagutno trajo, ke kethane te losshal o beshavari le kosaresa.
37. vers
Ke ande kodo chachipe si la phenimatake: ke kaver si kodo, kon beshavel, haj kaver kon kosil.
38. vers
Bishaldom tumen, ke tele te kosin so na tume butyardine. Kaver khinyarde pen, haj tume ande lengo than tordyiline andre.”
39. vers
Anda kodo foro, mashkar le samaritana but zhene patyanas ande leste pe romnyaki vorba, kon chacharelas les: „Phendas mange sakofalo so kerdem.”
40. vers
Kana apol le samaritana kothe geline leste, mangenas les, te ashol lende. Duj dyes vi kothe ashilas.
41. vers
Atunchi aba majbut zhene patyanas anda lesko sityaripe.
42. vers
La romnyake pale kodo phendine: „Abakanak aba na anda tyiri vorba patyas, ba anda kodo, ke ame ashundam, haj zhanas, ke voj chachikanes la lumako muntori si.”
Sastyaripe ande Galilea
43. vers
Pala duj dyes gelastar kothar ande Galilea.
44. vers
O Jezush aba pa peste chachardas, ke le profetas naj patyiv ande pesko them,
45. vers
ba vi kade, kana ande Galilea reslas, andre svagardine les le galileicka, ke dikhline sa kodo, so ando Jeruzhalemo kerdas pe bare dyesa, ke vi von opregeline pe baredyesa.
46. vers
Pale gelastar apol ande galileicko Kana, kaj anda paji mol kerdas. Sas jekh krajicko raj, kasko shavo nasvalo sas ando Kafarnaumo.
47. vers
Kana ashundas, ke o Jezush anda Judea ande Galilea avilas, gelastar leste, haj manglas les, ke te aveltar haj te sastyarel leske shaves, ke aba kodo po meripe sas.
48. vers
Pe kado o Jezush kodo phendas leske: „Kana feri somnura haj chudimata chi dikhen, chi patyan!”
49. vers
O krajicko raj pe kado kodo phendas: „Raja, avtar, zhikaj chi merel muro shavoro!”
50. vers
O Jezush kodo phendas leske: „Zha, tyo shavo trajil!” Patyalas o manush la vorbake, so o Jezush phendas leske, haj gelastar.
51. vers
Kana inke khere zhalas numa, aba leske slugi angla leste avenas, haj phendine leske, ke lesko shavo trajil.
52. vers
Avrizhanglas lendar, ke ande savo chaso kerdyilas majfeder. Kodo phendine leske: „Aratyi ando eftato chaso mukhlas les o javrope.”
53. vers
Kade hatyardas o dad, ke kodo ande kodo chaso pelaspe, kana o Jezush kodo phendas leske: „Tyo shavo trajil.” Haj patyalas voj haj sakon ande lesko kher.
54. vers
Kado aba o dujto chudicko somno sas, so o Jezush kerdas, kana anda Judea ande Galilea gelas.
Könyvek
