Evangeliumo kathar o Janosh
2. fejezet
Chudicko somno pe kanaicko colaxaripe
1. vers
Po trito dyes colaxaripe sas ande galileicko Kana. Kothe sas le Jezusheski dej,
2. vers
haj vi le Jezushes akhardine po abav peske sityardenca kethane.
3. vers
Kana cerra sas aba e mol, le Jezusheski dej kade das leste duma: „Najle mol!”
4. vers
O Jezush kodo phendas lake: „Soski grizha si amen kaj kado, romnye? Inke chi avilastar muro chaso!”
5. vers
Leski dej atunchi kodo phendas le slugange: „Keren sakofalo, so phenel!”
6. vers
Pe biboldengo uzharipe, sas kothe shov barrune vasura, jekhtunes duj trin cirdinale.
7. vers
O Jezush kodo phendas lenge: „Pherdyaren le vasura pajesa!” Pherdo shordinele san.
8. vers
Atunchi kade das duma lende: „Akanak bolen anda lende, haj ingren anda leste le xanamikaske!” Kodal ingerdine leske.
9. vers
Kana o xanamik zumadas la mojake kerdyilino paji, ke chi zhanelas, ke katharutni si – ba le slugi, kon o paji cirdine, zhanenas –, kothe akhardas le piramnes,
10. vers
haj kodo phendas leske: „Sakono manush e lashi mol del maj anglal, haj kana aba matyarde kerdyiline, atunchi e kaver so naj kasavi lashi. Tu zhikaj kadi vrama inkerdan e lashi mol!”
11. vers
O Jezush kadalesa anglalardas peske chudicka somnura ande galileicko Kana. Avrisikadas pesko luvudyipe, haj leske sityarde patyanas ande leste.
12. vers
Pala kodo tele gelas ando Kafarnaumo, voj haj leski dej, leske phral haj sityarde, haj kothe ashiline unyi dyesa.
Le biznisarengo avrinashavjipe anda khangeri
13. vers
Pashe sas le biboldengi Paska, haj o Jezush opregelas ando Jeruzhalemo.
14. vers
Ande khangeri, guruvenge, bakrenge, haj gulunbonge biznisaren arakhlas, haj le kothe beshline lovenge opreparuvalen.
15. vers
Atunchi anda shelo chunyi xudas, haj savorazhenen avrinashadas anda khangeri le bakrenca haj guruvenca kethanes, le love opreparuvalenge love pale avririspisardas, haj lenge mesalyi opreboldas.
16. vers
Le gulumbonge biznisarenge pale kodo phendas: „Ingren kathar kadalen, na keren anda mure Dadesko kher biznisarenge boltake!”
17. vers
Atunchi leske sityarde palpale serosardine pe kodo, ke iskirime si: „Dukharel man o kerdyimatipe anda tyo kher”.
18. vers
Ba le bibolde duma dine leste, haj kado pushline lestar: „Sosko chudicko somno sikaves amenge, ke kadal keres?”
19. vers
O Jezush kado phendas lenge: „Putren tele kadi khangeri, haj me tala trin dyes opre vazdavla!”
20. vers
Le bibolde pe kado kodo phendine: „Shtarvardesh thaj shov bersh kerdine kadala khangera, haj tu tala trin dyes oprevazdesasla?”
21. vers
Ba voj pa peske truposki khangeri phendas kado.
22. vers
Kana opretrajisardyilas anda meripe, leske sityarde palpale serosardine, ke kado phendas, haj patyanas la Iskirimatake, haj e vorbake, so o Jezush phendas.
O Jezush ande patradyake dyesa ando Jeruzhalemo
23. vers
Kana ando Jeruzhalemo sas ande Patradyake baredyesa, but zhene patyanas ande lesko anav, ke dikhenas leske chudicka somnura, so kerelas.
24. vers
Ba o Jezush chi mukhlas pes pe lende, ke pinzharelas len savorazhenen, haj ke
25. vers
chi reslas pe kodo, ke varikon chacharipe te kerel pa manush: ke mishto zhanelas, ke so beshel ando manush.
Könyvek
