Lil le galatange

Fejezetek:

1 2 3 4 5 6

1. vers

O Pal, kon na kathar le manusha, na perdal pa manusha si aposhtolo, ba perdal pa Jezush Kristo haj o Dad, kon opretrajardas les anda meripe,

2. vers

haj kon manca si phral savorazhene. La Galacicka eklezhiange.

3. vers

Gracija tumenge haj pachipe kathar o Del, kathar amaro Dad, haj kathar o Raj Jezush Kristo,

4. vers

kon pesko trajo das anda amare bezexa, ke avri te lel amen anda kadala lumako akanimasko nasulipe, kathar le Devlesko amare Dadesko kamipe,

5. vers

haj kaske luvudyipej sagutno-sagutnes! Amen.

6. vers

Chudisarav, ke kathar kodo, kon tumen perdal pa Kristoski gracija akhardas, kasavo sigo kaj jekh kaver evangeliumo pashardyon,

7. vers

haj apol naj kaver, numa kasave si, kon kethane bolden tumen, haj kamen te bandyaren le Kristoske evangeliumos.

8. vers

Ba kana ame, bake anda o cheri jekh andyelo te viacarelas tumenge jekh kaver evangeliumo, so ame viacardam tumenge, te evel armajaslo!

9. vers

Sar vi angla kodo phenasas, akanak pale phenavles: Kana varikon kaver evangeliumo viacarel tumenge, so aba perdal line, te avel armajaslo!

10. vers

Dore manushen kamav akanak te patyavarav, bake Devles? Dore le manushenge kamav po fajlipe te avav? Ba le manushenge te kamos po fajlipe te avav, atunchi chi avos le Kristoski sluga!

11. vers

Ke avri zhanarav tumenge, phralale, ke o evangeliumo, so me viacardom, na kathar o manush si:

12. vers

ke me na kathar o manush lom haj sityilom kodo, ba anda Jezush Kristosko avrisikadyipe.

13. vers

Ashundine vi tume, ke soske trabi keros, dulmut mashkar le bibolde, ke zurales nashavos le Devleski eklezhija, haj mudaros kodi.

14. vers

Maj butardo somas mashkar le bibolde vi kathar mure but amala, ke majfeder andre inkros mure popularoski tradicija.

15. vers

Ba kana kade fajlas le Devleske, kon man zhikathar mura dejaki utera avrialosardas, haj kathar peski gracija akhardas,

16. vers

ke avri te sikavel ande mande peske Shaves, ke te viacarav les mashkar le bibolde, haj chi bunusaros man truposa haj ratesa,

17. vers

haj chi ando Jeruzhalemo chi gelom opre kaj mure aposhtolikana-anglalara, ba gelomtar ande Arabia, haj pala kodo pale palpale avilom ando Damaskuso.

18. vers

Pala trin bersh apol opre gelom ando Jeruzhalemo, ke te dikhav le Kefashes, haj leste ashilom deshupanzh dyes.

19. vers

Kaveres apol mashkar le aposhtolura chi dikhlom, numa le Jakabos, le Rajeske phrales.

20. vers

So pale iskirisarav tumenge, aketa, angla o Del phenav, ke chi xoxavav.

21. vers

Pala kodo pe Siriake haj Kilkiake phuva gelom.

22. vers

Pe Judeake eklezhiangi rig, save ando Kristo sile, man china chi pinzharenas.

23. vers

Feri kodo ashundine pa mande: „Kodoj, kon varikana amen nashavelas, akanak viacarel o patyape, so varikana mudarelas”,

24. vers

haj luvudyisarenas anda mande le Devles.

Fejezetek:

1 2 3 4 5 6