Lil le galatange
6. fejezet
Le Kristoski kris
1. vers
Phralale, kana varikas ande varisoski bezex vi te xutyilena, tume, kon duhoske sanle, sityaren le kasaves po blindope: ba le sama pe tute, ke tena peres vitu ando zumavjipe.
2. vers
Phiraven jekhavresko pharipe, haj kade kerena le Kristoski kris.
3. vers
Ke kana varikon varisoske te inkrel pes, kana pale khanchij, xoxavel pes.
4. vers
Sakon peske kerdyimata te dikhel perdal, haj atunchi feri pe peste avla les asharipe, haj na pe kavereste.
5. vers
Ke sakon pesko pharipe ingrela.
6. vers
Kon pale ando alav sityaripe resel, te resarel peske sityares ande sakofalo lashimaste.
7. vers
Na xoxaven tumen: le Devles nashtig khelen avri. Ke so o manush beshavel, vi kodo kosila:
8. vers
ke kon peske truposke beshavel, vi anda trupo kosila rumusardyipe, kon pale le Duhoske beshavel, anda Duho kosila sagutno trajo.
9. vers
Tena khinyardyuvas andre ande lashe kerdyimata, ke tena khinyardyuvasa, kana avla e vrama vi kosisarasa.
10. vers
Apol zhikaj si amen vrama, keras lasho sakonesa, haj majfeder pale amare patyapeske phralenca.
Agorimaski vorba haj ashtyilipe
11. vers
Dikhen feri soske bare iskiripesa iskirisarav tumenge mure vastesa!
12. vers
Kon kathar o trupo kamen fajlipe te resen, kodal zuralrena tumen po krujalshinipe, numa anda kodo, ke anda Kristosko dukharipe tena dukhardyon nashavjipe.
13. vers
Ke chi le krujalshinde chi inkren andre la krisa: feri anda kodo kamen te shinaven tumen krujal, ke tumare truponca te asharen pen.
14. vers
Ba mandar apol dur te avel ande kavereste te asharav man, sar ande amaro Raj, ande Jezush Kristosko trushul, pa kaste perdal e luma si po trushul tannardo pe muri rig, haj me la lumake.
15. vers
Ke chi o krujalshinipe chi mol khanchi, haj chi o bi krujalshinipe, feri o nyevo kerdyipe.
16. vers
Haj sa pe kodal, kon kado vladipe patyan, pachipe haj muklipe te resen, haj vi le Devlesko Izraelo!
17. vers
Pala kado khonyik tene kerel mange na fajlipe, ke le Jezusheske somnura phiravav pe muro trupo.
18. vers
Amare Rajeski le Jezush Kristoski gracija te avel tumare duhosa, phralale! Amen.
Könyvek
