Dujto lil le Timoteusheske

Fejezetek:

1 2 3 4

1. vers

O Pal, anda Devlesko kamipe, ando Kristo Jezush dini vorba le Kristo Jezushesko aposhtolo

2. vers

le Timoteusheske, peske kamade shaveske. Gracija, jertipe haj pacha kathar o Dadunodel, haj kathar o Kristo Jezush, kathar amaro Raj!

3. vers

Najisipe phenav le Devleske – kaske, sar mure nyamura, uzhe duhosa slugisarav –, sagutnes, vi dyese vi ratyi kana serosardyuvav pa tute ande mure rudyimata.

4. vers

Atunchi – pe tye asva gindisardes – kade fajas man te dikhav tut, te shaj pherdyuvavtar losshasa,

5. vers

ke ande muri godyi avel tyo patyape ande soste naj paxandipe, so majanglal ande tyi mami, ande Lois, pala kodo ande tyi dej, ande Eunike trajilas, haj zhanav, ke vi ande tute trajil.

6. vers

Zhi anda kado phenav tuke, trajar opre ande tute le Devleski gracija, so ande tute si zhikathar kodo, ke pe tute shutom muro vast.

7. vers

Ke o Del na le darimasko duho das amenge, ba la zorako, le kamipesko haj le trazimasko.

8. vers

Na lazha tut anda le Rajesa inkerdino chachardyipe, haj chi anda mande, kon anda leste sastra phiravav, ba dukhar manca anda evangeliumo le Devleska zorake zhutipesa kethanes.

9. vers

Voj muntusardas haj suntone akharipesa akhardas amen, na anda amare kerdyimata, ba anda pesko pestarutno gindipe haj gracija, so angla sagutne vrami das amenge ando Kristo Jezush.

10. vers

Kado akanak sakonestar pinzhardo kerdyilas kathar amaro Muntosari, kathar le Jezush Kristosko sikadyipe, kon tele viktornisardas le meripes, le trajos haj le bi mulipes pale opre ablyosardas perdal pa evangeliumo.

11. vers

Kadaleske kerdyilom me viacari, aposhtolo haj sityari.

12. vers

Vi kado anda kado dukharav, ba chi lazhav man, ke zhanav, ke kaske patyos, haj zhanav kodo, ke voj zhanel sama te lel pe mure avuciji, so pe leste muklom zhikaj kodo dyes.

13. vers

Inker apol tut kaj kodal saste alava so mandar ashundan, te aven kodal tuke le patyavjipe haj kamipe ando Jezush Kristo!

14. vers

Le sama pe tute mukline kuch avuciji perdal pa Sunto Duho, kon ande amende beshel!

15. vers

Haj apol zhanes, ke mukline man savorazhene le azhiicka, mashkar lende vi o Figelos haj vi o Hermogenes.

16. vers

Te jertisardyol o Raj pe Oneziforosko kher: butivar zhutisardas pe mande, haj anda mure sastra chi lazhalaspe,

17. vers

ba kana ande Roma avilas, zurales rodelas man, haj vi rakhlas man.

18. vers

Te del leske o Raj, ke te resel jertipe angla o Raj pe kodo dyes! Ke soske slugimata kerdas ando Efezush, kodo tu zhanes majfeder.

Fejezetek:

1 2 3 4