Dujto lil le Timoteusheske

Fejezetek:

1 2 3 4

1. vers

Muro shavo, av apol zuralo kathar e gracija, so kathar o Jezush Kristo si,

2. vers

haj so mandar angla but manusha ashundan, muk kodo pe chache, vi kavere manushen sityara manusha.

3. vers

Khinyardyu, sar le Kristo Jezusheski lashi ketana.

4. vers

Kon anda Del marelpe, chi grizholpe lumake butyanca, ba pe kodalesko fajlipe kamel te avel, kaste pashardyilas.

5. vers

Ba vi kodo manush, kon zumavel pesko vojnikipe, numa atunchi lel luludyi, kana patyivales khelelpe.

6. vers

Anda upaj majanglunes le butyares perelpe rigipe.

7. vers

Hatyar so phenav, atunchi o Raj dela tuke, ke sakofalo te hatyares!

8. vers

Gindisar po Jezush Kristo, pe Davidesko falo, kon opretrajisardyilas anda meripe, sar vi viacarel kado muro evangeliumo,

9. vers

anda soste vi le satra andre hatyardines kade dukhardyuvav, sar jekh nasul manush. Ba le Devlesko alav naj ande sastra marde.

10. vers

Sakofalo perdal trajisarav anda alosardine, ke vi von te resen ando Kristo Jezush o muntosardyipe, le sagutne luvudyipesa kethanes.

11. vers

Chachi vorbaj kadi, kana lesa kethanes meras, atunchi vi lesa kethanes trajisarasa:

12. vers

kana lesa kethanes dukhardyuvas, atunchi vi lesa kethanes rajisarasa. Te asvikaras les, vi voj asvikarel amen,

13. vers

ba chache te avasa, voj chacho ashola, ke pes nashtig asvikarel.

14. vers

Pe kado phen feripe, shukares mang sakones po Del. Na xatu khanyikasa: naj kodo lasho pe khancheste, numa pe ashunarengo rumuvjipe.

15. vers

Av pe kodo apol, ke patyivalo manush te aves angla o Raj, av kasavo butyari, kon chi lazhavardyol tele, haj kon mishto butyarel le chachipeske alava.

16. vers

Ba la lumake shushe vorbimata krujisar, ke kodal numa po bi devlipe ingern.

17. vers

Kasave manushenge vorbimata kade butardyol, sar o marhipe. Mashkar kadal si vi o Himeneos haj vi o Filetos,

18. vers

kon durutnisardyilinetar kathar o chachipe, kodo phendines, ke o opretrajisardyipe aba andre pecisardyilas – haj kade bute manushengo patyape opreburdosardine.

19. vers

Ba o zuralo fundo, so o Del tele pashjardas, zurales tordyol, haj kadoj lesko somno: „Pinzharel o Del peskiren”, majdur: „Te mukel opre le nasulipesa sa kodo, kon le Rajesko anav akharel po zhutisaripe!”

20. vers

Ba ande jekh baro kher na feri somnakune – haj rupune vasura si, ba vi kashtune haj vi mitticka si: le anglalutne pe patyivale, le palune pale pe sagutnimaske trabi.

21. vers

Kon pes kathar le palutne uzhes inkrel, kodo pe patyivale trabi si inkerdino, suntoj, pe le Rajiski rig lasho, pe sakone trabate mishto shaj hasnisardo vaso avla.

22. vers

Krujin le ternimaske doromata! Po chachipe, patyape, sperantipe, kamipe haj pe pacha grizhontu kodalenca, kon uzhe ilesa akharen po zhutipe le Rajes.

23. vers

Le chalade kecitoren krujisar, zhanindes, ke bida keren numa.

24. vers

Apol le Rajeske slugaske na te xalpe trubuj, ba sakoneste lasheske, sityareske haj pachimasko trubuj te avel.

25. vers

Kodal pale, kon chi mukenpe leske, blindopesa trubuj te lazhavarel les, shajke jekhar shajipe del vi len o Del pe chachipesko pinzharipe,

26. vers

haj pe godyi avna anda bengesko phanglipe, kon pangleske inkrel len pe peski voja.

Fejezetek:

1 2 3 4