Dujto lil le Timoteusheske

Capítulos:

1 2 3 4

verso 1

Muro shavo, av apol zuralo kathar e gracija, so kathar o Jezush Kristo si,

verso 2

haj so mandar angla but manusha ashundan, muk kodo pe chache, vi kavere manushen sityara manusha.

verso 3

Khinyardyu, sar le Kristo Jezusheski lashi ketana.

verso 4

Kon anda Del marelpe, chi grizholpe lumake butyanca, ba pe kodalesko fajlipe kamel te avel, kaste pashardyilas.

verso 5

Ba vi kodo manush, kon zumavel pesko vojnikipe, numa atunchi lel luludyi, kana patyivales khelelpe.

verso 6

Anda upaj majanglunes le butyares perelpe rigipe.

verso 7

Hatyar so phenav, atunchi o Raj dela tuke, ke sakofalo te hatyares!

verso 8

Gindisar po Jezush Kristo, pe Davidesko falo, kon opretrajisardyilas anda meripe, sar vi viacarel kado muro evangeliumo,

verso 9

anda soste vi le satra andre hatyardines kade dukhardyuvav, sar jekh nasul manush. Ba le Devlesko alav naj ande sastra marde.

verso 10

Sakofalo perdal trajisarav anda alosardine, ke vi von te resen ando Kristo Jezush o muntosardyipe, le sagutne luvudyipesa kethanes.

verso 11

Chachi vorbaj kadi, kana lesa kethanes meras, atunchi vi lesa kethanes trajisarasa:

verso 12

kana lesa kethanes dukhardyuvas, atunchi vi lesa kethanes rajisarasa. Te asvikaras les, vi voj asvikarel amen,

verso 13

ba chache te avasa, voj chacho ashola, ke pes nashtig asvikarel.

verso 14

Pe kado phen feripe, shukares mang sakones po Del. Na xatu khanyikasa: naj kodo lasho pe khancheste, numa pe ashunarengo rumuvjipe.

verso 15

Av pe kodo apol, ke patyivalo manush te aves angla o Raj, av kasavo butyari, kon chi lazhavardyol tele, haj kon mishto butyarel le chachipeske alava.

verso 16

Ba la lumake shushe vorbimata krujisar, ke kodal numa po bi devlipe ingern.

verso 17

Kasave manushenge vorbimata kade butardyol, sar o marhipe. Mashkar kadal si vi o Himeneos haj vi o Filetos,

verso 18

kon durutnisardyilinetar kathar o chachipe, kodo phendines, ke o opretrajisardyipe aba andre pecisardyilas – haj kade bute manushengo patyape opreburdosardine.

verso 19

Ba o zuralo fundo, so o Del tele pashjardas, zurales tordyol, haj kadoj lesko somno: „Pinzharel o Del peskiren”, majdur: „Te mukel opre le nasulipesa sa kodo, kon le Rajesko anav akharel po zhutisaripe!”

verso 20

Ba ande jekh baro kher na feri somnakune – haj rupune vasura si, ba vi kashtune haj vi mitticka si: le anglalutne pe patyivale, le palune pale pe sagutnimaske trabi.

verso 21

Kon pes kathar le palutne uzhes inkrel, kodo pe patyivale trabi si inkerdino, suntoj, pe le Rajiski rig lasho, pe sakone trabate mishto shaj hasnisardo vaso avla.

verso 22

Krujin le ternimaske doromata! Po chachipe, patyape, sperantipe, kamipe haj pe pacha grizhontu kodalenca, kon uzhe ilesa akharen po zhutipe le Rajes.

verso 23

Le chalade kecitoren krujisar, zhanindes, ke bida keren numa.

verso 24

Apol le Rajeske slugaske na te xalpe trubuj, ba sakoneste lasheske, sityareske haj pachimasko trubuj te avel.

verso 25

Kodal pale, kon chi mukenpe leske, blindopesa trubuj te lazhavarel les, shajke jekhar shajipe del vi len o Del pe chachipesko pinzharipe,

verso 26

haj pe godyi avna anda bengesko phanglipe, kon pangleske inkrel len pe peski voja.

Capítulos:

1 2 3 4