Dujto lil le Timoteusheske

chapter 2


Chapters:

1 2 3 4


Le kristosko chacho slugipe


verse #1

Muro shavo, av apol zuralo kathar e gracija, so kathar o Jezush Kristo si,


verse #2

haj so mandar angla but manusha ashundan, muk kodo pe chache, vi kavere manushen sityara manusha.


verse #3

Khinyardyu, sar le Kristo Jezusheski lashi ketana.


verse #4

Kon anda Del marelpe, chi grizholpe lumake butyanca, ba pe kodalesko fajlipe kamel te avel, kaste pashardyilas.


verse #5

Ba vi kodo manush, kon zumavel pesko vojnikipe, numa atunchi lel luludyi, kana patyivales khelelpe.


verse #6

Anda upaj majanglunes le butyares perelpe rigipe.


verse #7

Hatyar so phenav, atunchi o Raj dela tuke, ke sakofalo te hatyares!


verse #8

Gindisar po Jezush Kristo, pe Davidesko falo, kon opretrajisardyilas anda meripe, sar vi viacarel kado muro evangeliumo,


verse #9

anda soste vi le satra andre hatyardines kade dukhardyuvav, sar jekh nasul manush. Ba le Devlesko alav naj ande sastra marde.


verse #10

Sakofalo perdal trajisarav anda alosardine, ke vi von te resen ando Kristo Jezush o muntosardyipe, le sagutne luvudyipesa kethanes.


verse #11

Chachi vorbaj kadi, kana lesa kethanes meras, atunchi vi lesa kethanes trajisarasa:


verse #12

kana lesa kethanes dukhardyuvas, atunchi vi lesa kethanes rajisarasa. Te asvikaras les, vi voj asvikarel amen,


verse #13

ba chache te avasa, voj chacho ashola, ke pes nashtig asvikarel.


O lasho kerdyipe le xoxamne sityarenca


verse #14

Pe kado phen feripe, shukares mang sakones po Del. Na xatu khanyikasa: naj kodo lasho pe khancheste, numa pe ashunarengo rumuvjipe.


verse #15

Av pe kodo apol, ke patyivalo manush te aves angla o Raj, av kasavo butyari, kon chi lazhavardyol tele, haj kon mishto butyarel le chachipeske alava.


verse #16

Ba la lumake shushe vorbimata krujisar, ke kodal numa po bi devlipe ingern.


verse #17

Kasave manushenge vorbimata kade butardyol, sar o marhipe. Mashkar kadal si vi o Himeneos haj vi o Filetos,


verse #18

kon durutnisardyilinetar kathar o chachipe, kodo phendines, ke o opretrajisardyipe aba andre pecisardyilas – haj kade bute manushengo patyape opreburdosardine.


verse #19

Ba o zuralo fundo, so o Del tele pashjardas, zurales tordyol, haj kadoj lesko somno: „Pinzharel o Del peskiren”, majdur: „Te mukel opre le nasulipesa sa kodo, kon le Rajesko anav akharel po zhutisaripe!”


verse #20

Ba ande jekh baro kher na feri somnakune – haj rupune vasura si, ba vi kashtune haj vi mitticka si: le anglalutne pe patyivale, le palune pale pe sagutnimaske trabi.


verse #21

Kon pes kathar le palutne uzhes inkrel, kodo pe patyivale trabi si inkerdino, suntoj, pe le Rajiski rig lasho, pe sakone trabate mishto shaj hasnisardo vaso avla.


verse #22

Krujin le ternimaske doromata! Po chachipe, patyape, sperantipe, kamipe haj pe pacha grizhontu kodalenca, kon uzhe ilesa akharen po zhutipe le Rajes.


verse #23

Le chalade kecitoren krujisar, zhanindes, ke bida keren numa.


verse #24

Apol le Rajeske slugaske na te xalpe trubuj, ba sakoneste lasheske, sityareske haj pachimasko trubuj te avel.


verse #25

Kodal pale, kon chi mukenpe leske, blindopesa trubuj te lazhavarel les, shajke jekhar shajipe del vi len o Del pe chachipesko pinzharipe,


verse #26

haj pe godyi avna anda bengesko phanglipe, kon pangleske inkrel len pe peski voja.

Chapters:


Books