Dujto lil le Timoteusheske

chapter 1


Chapters:

1 2 3 4


Adresipe haj drobovjipe


verse #1

O Pal, anda Devlesko kamipe, ando Kristo Jezush dini vorba le Kristo Jezushesko aposhtolo


verse #2

le Timoteusheske, peske kamade shaveske. Gracija, jertipe haj pacha kathar o Dadunodel, haj kathar o Kristo Jezush, kathar amaro Raj!


Le aposhtolesko najisipe phenipe


verse #3

Najisipe phenav le Devleske – kaske, sar mure nyamura, uzhe duhosa slugisarav –, sagutnes, vi dyese vi ratyi kana serosardyuvav pa tute ande mure rudyimata.


verse #4

Atunchi – pe tye asva gindisardes – kade fajas man te dikhav tut, te shaj pherdyuvavtar losshasa,


verse #5

ke ande muri godyi avel tyo patyape ande soste naj paxandipe, so majanglal ande tyi mami, ande Lois, pala kodo ande tyi dej, ande Eunike trajilas, haj zhanav, ke vi ande tute trajil.


Kaj o Timoteush phendi vorba


verse #6

Zhi anda kado phenav tuke, trajar opre ande tute le Devleski gracija, so ande tute si zhikathar kodo, ke pe tute shutom muro vast.


verse #7

Ke o Del na le darimasko duho das amenge, ba la zorako, le kamipesko haj le trazimasko.


verse #8

Na lazha tut anda le Rajesa inkerdino chachardyipe, haj chi anda mande, kon anda leste sastra phiravav, ba dukhar manca anda evangeliumo le Devleska zorake zhutipesa kethanes.


verse #9

Voj muntusardas haj suntone akharipesa akhardas amen, na anda amare kerdyimata, ba anda pesko pestarutno gindipe haj gracija, so angla sagutne vrami das amenge ando Kristo Jezush.


verse #10

Kado akanak sakonestar pinzhardo kerdyilas kathar amaro Muntosari, kathar le Jezush Kristosko sikadyipe, kon tele viktornisardas le meripes, le trajos haj le bi mulipes pale opre ablyosardas perdal pa evangeliumo.


verse #11

Kadaleske kerdyilom me viacari, aposhtolo haj sityari.


verse #12

Vi kado anda kado dukharav, ba chi lazhav man, ke zhanav, ke kaske patyos, haj zhanav kodo, ke voj zhanel sama te lel pe mure avuciji, so pe leste muklom zhikaj kodo dyes.


verse #13

Inker apol tut kaj kodal saste alava so mandar ashundan, te aven kodal tuke le patyavjipe haj kamipe ando Jezush Kristo!


verse #14

Le sama pe tute mukline kuch avuciji perdal pa Sunto Duho, kon ande amende beshel!


Le dushmanonge trabi haj le aposhtoleski lossh


verse #15

Haj apol zhanes, ke mukline man savorazhene le azhiicka, mashkar lende vi o Figelos haj vi o Hermogenes.


verse #16

Te jertisardyol o Raj pe Oneziforosko kher: butivar zhutisardas pe mande, haj anda mure sastra chi lazhalaspe,


verse #17

ba kana ande Roma avilas, zurales rodelas man, haj vi rakhlas man.


verse #18

Te del leske o Raj, ke te resel jertipe angla o Raj pe kodo dyes! Ke soske slugimata kerdas ando Efezush, kodo tu zhanes majfeder.

Chapters:


Books