Angluno lil le Timoteusheske

chapter 1


Chapters:

1 2 3 4 5 6


Adresipe haj drobovjipe


verse #1

O Pal, le Devlesko, amare Muntosaresko haj le Kristo Jezushesko, amare speratimasko vladipe le Jezush Kristosko aposhtolo


verse #2

le Timoteusheske, peske skunpone shaveske ando patyape. Gracija, lashipe haj pacha kathar o Dadunodel haj kathar o Kristo Jezush, kathar amaro Raj!


Le patyapes chachikanes trubuj te sityaren


verse #3

Kana dromardomtar ande Makedonia, pe kodo manglom tut, ke te ashos ando Efezush, haj vladisar unyizhenenge, ke tena sityaren kaver falos,


verse #4

tena grizhonpe paramichanca haj sagutne falipesa, save numa pe kecimata inkren, na kaj le Devleski pacha, so kathar o patyape fundosardyol.


verse #5

Le vladimasko dajno anda uzho ilo, anda lasho hatyaripe haj bi xoxamno patyapesko kamipe inkerdyol.


verse #6

Kodal rigatisajline sakofalostar, haj pe shushe vorbimata dine pengo shero.


verse #7

La krisake sityara fajas te aven, ba china chi hatyaren, so phenen haj chacharen.


La krisa chachikanes trubuj te hasnin


verse #8

Ba ame zhanas, ke e kris lashij, kana kade hasnila sar trubuj:


verse #9

zhanindes, ke po chacho chi inkerdyol kris, feri po nasul, pe bi mukle, pe bi devlengire, pe bezexasle, pe bi suntosardende, pe dad mudara, pe dej mudara, pe mudara,


verse #10

pe marhime, pe murshenca marhime, pe manush chor, pe xoxamne, pe xoxamnes colaxara, haj pe kodo, so avralutnes kaver falo si kathar o sasto sityaripe,


verse #11

kathar o ananpo Devlesko pe mande muklino evangeliumo.


Najisipe phenipe anda aposhtolesko akharipe


verse #12

Najisipe phenav kodaleske, kon zor das man, le Kristo Jezusheske, amare Rajeske, ke chacheske gindisardas man, haj pe kado slugipe vladisrdas man,


verse #13

kon angla kodo kushlimasko, nashavari haj marhimasko somas, ba jertipe reslom, ke ande muro bipatyape bizhanipesko keros le trabi.


verse #14

Haj vi shordas man amare Rajeski gracija, ando Kristo Jezush patyapesa haj kamipesa kethanes.


verse #15

Chachi vorbaj kadi, haj patyamnipe perimaski: anda kodo avilastar o Kristo Jezush pe kadi luma, ke te muntosarel le bezexaslen. Mashkar kadal o anglono me som.


verse #16

Ba zhi anda kodo reslom jertipe, ke o Kristo Jezush pe mande, po angluno te sikavel pesko lungo toleranshipe, pe sityimaste kodalenge, kon patyana ande leste ando sagutno trajo.


verse #17

Patyivipe haj luvudyipe anda leste le sagutnimaske bi mulimaske, haj bi dikhlimaske Krajeske, le jekhtune Devleske, sagutno-sagutnes! Amen!


Le Timoteushesko grizhosaripe


verse #18

Kadal vladimata phandav pe tyo duho, muro shavo Timoteush, pe kodol profecimata palpale akharindes, so pa tute vorbisaren, ke ande kodal patyamnes mar o lasho maripe,


verse #19

haj inker tyo patyape haj lashe duhoskohatyaripe, so unyizhene shudinetar, haj kade berosko kethane phagerdyilipe dukhardine ando patyape.


verse #20

Mashkar kadal inkerdyon o Himeneus haj o Alexander, kas perdal dom le shatanoske, muk te sityonles, ke tena kushen majbut.

Chapters:


Books