Angluno lil le Timoteusheske

Chapters:

1 2 3 4 5 6

verse #1

Majanglunes apol pe kodo mangav tumen, inkren udyimata, haj phenen najisipe anda manush:

verse #2

anda Kraja haj anda sakone maj opralutne, ke pachako haj bi bidako trajo te shaj trajisaras, pherdyardes deldaramnipesa haj patyivipesa.

verse #3

Kado lasho haj skunpo si angla amaro muntosari Del,

verse #4

kon kodo kamel, ke sako manush te muntosardyol haj te resel pe chachipesko pinzharipe.

verse #5

Ke jekh si o Del, haj jekh si vi o legatari mashkar o Del haj manusha: o manush Jezush Kristo,

verse #6

kon kothe das pes parudines anda sakoneste, chachardyipe kerdines sakoneske ande peski vrama.

verse #7

Anda kado vladisardas man viacareske haj aposhtoleske – chachipe phenav, chi xoxavav –, le bi patyamnenge sityareske ando patyamnipe haj chachipe.

verse #8

Kodo kamav apol, ke le mursh kaj sako than uzhes te vazden opre penge vast po rudyipe, bi xolyako haj bi kecimasko.

verse #9

Zhikade mangav vi kodo, ke le romnya ande patyivale gada, lazhamnikanes haj patyivales te shukaraven pen, na andre krecisarde balenca, somnakajesa, bisorenca haj kuchune gadenca,

verse #10

ba sar perelpe kaj kodal romnya, kon daran le Devles: lashe kerdyimatanca.

verse #11

E romnyi ande pacha te sityol, sagutne muklipesa.

verse #12

Chi mukav, ke e romnyi te sityarel, haj opraluni te kerdyol po mursh: te ashol feri ande pacha.

verse #13

Ke le Adamos kerdine majanglal, la Eva pala kodo,

verse #14

haj na le Adamos xoxadine; ba la romnya xoxadine, haj ando bi muklipe pelas.

verse #15

Shavoren anel pe luma, kathar kodo muntusardyola, te ashola ando patyape, ando suntope haj trazipe.

Chapters:

1 2 3 4 5 6