Angluno lil le Timoteusheske

Chapters:

1 2 3 4 5 6

verse #1

Ba o Duho kodo phenel, ke pe palune vrami unyizhene shindyonatar kathar o patyape, pe xoxamnimaske dichimata haj po beng ashunena,

verse #2

pe kodal, kon paxandines, ba ande pengo duho somnosardines xoxavjimata viacaren.

verse #3

Kon kodo phenen, ke nashtipe si o ansuripe, ke trubuj te ferin tumen unye xabenendar, haj apolal kodal anda kodo kerdas o Del, ke najisipe phendines te hasnisarenle mishto le patyamne, kodal, kon pinzhardine le chachipes.

verse #4

Ke le Devlesko sakono kerdyipe lashoj, haj khanchi naj shudimasko, so najisipesa lel peste o manush,

verse #5

ke sunto avla kathar le Devlesko alav haj kathar o rudyipe.

verse #6

Kado te sikaves le phralenge, le Kristoski lashi sluga avesa. Le patyapesa haj kodale chache sityarimaske alav xasa, ande soste patyas.

verse #7

Muk le bi hatyarde haj phure romnyarde paramichi, ando blindope zurar tut.

verse #8

Ke le truposko zuraripe pe cerra butyi si lasho: ba o blindope pe sakofaloste lashoj, ke phiravel le sipeski haj avlipe-trajoski vorba.

verse #9

Chachi vorbaj kadi, haj shaj patyamni!

verse #10

Ke anda kodo khinyardyuvas haj anda kodo kushen amen, ke sperantisaras ando trajisardo Del, kon muntori si sakone manusheske, majfeder le patyamnenge.

verse #11

Kado vladisarel, kado sityar!

verse #12

Konyik tena dikhel tut tele, ke terno san, ba av vi platniko ande vorba, ando kerdyipe, ando kamipe, ando patyape, ando uzhipe.

verse #13

Zhikaj kothe zhav, grizhontu pa opre ginavjipe, pa feripe haj sityaripe.

verse #14

Na khanchisar e gracija so ande tute si, so kathar anglal phenimata lan kathar le prezhbitera kade, ke oprevazdine penge vast.

verse #15

Pe kadal butya te aven tut grizha, kadal butya ker, ke tyo angle zhalipe te avel pinzhardo angla sakoneste.

verse #16

Le sama pe tute haj po sityaripe! Av zuralo ande kadal, ke kado te keresa, muntus vi tut, haj vi kodalen, kon ashunen tut.

Chapters:

1 2 3 4 5 6