Angluno lil le Timoteusheske
capítulo 4
Feripe kathar le xoxamne sityara
verso 1
Ba o Duho kodo phenel, ke pe palune vrami unyizhene shindyonatar kathar o patyape, pe xoxamnimaske dichimata haj po beng ashunena,
verso 2
pe kodal, kon paxandines, ba ande pengo duho somnosardines xoxavjimata viacaren.
verso 3
Kon kodo phenen, ke nashtipe si o ansuripe, ke trubuj te ferin tumen unye xabenendar, haj apolal kodal anda kodo kerdas o Del, ke najisipe phendines te hasnisarenle mishto le patyamne, kodal, kon pinzhardine le chachipes.
verso 4
Ke le Devlesko sakono kerdyipe lashoj, haj khanchi naj shudimasko, so najisipesa lel peste o manush,
verso 5
ke sunto avla kathar le Devlesko alav haj kathar o rudyipe.
O mishto hatyaripe
verso 6
Kado te sikaves le phralenge, le Kristoski lashi sluga avesa. Le patyapesa haj kodale chache sityarimaske alav xasa, ande soste patyas.
verso 7
Muk le bi hatyarde haj phure romnyarde paramichi, ando blindope zurar tut.
verso 8
Ke le truposko zuraripe pe cerra butyi si lasho: ba o blindope pe sakofaloste lashoj, ke phiravel le sipeski haj avlipe-trajoski vorba.
verso 9
Chachi vorbaj kadi, haj shaj patyamni!
verso 10
Ke anda kodo khinyardyuvas haj anda kodo kushen amen, ke sperantisaras ando trajisardo Del, kon muntori si sakone manusheske, majfeder le patyamnenge.
Vladipe le Timoteusheske
verso 12
Konyik tena dikhel tut tele, ke terno san, ba av vi platniko ande vorba, ando kerdyipe, ando kamipe, ando patyape, ando uzhipe.
verso 13
Zhikaj kothe zhav, grizhontu pa opre ginavjipe, pa feripe haj sityaripe.
verso 14
Na khanchisar e gracija so ande tute si, so kathar anglal phenimata lan kathar le prezhbitera kade, ke oprevazdine penge vast.
verso 15
Pe kadal butya te aven tut grizha, kadal butya ker, ke tyo angle zhalipe te avel pinzhardo angla sakoneste.
verso 16
Le sama pe tute haj po sityaripe! Av zuralo ande kadal, ke kado te keresa, muntus vi tut, haj vi kodalen, kon ashunen tut.
Libros
