Angluno lil le Timoteusheske

Capítulos:

1 2 3 4 5 6

verso 1

Le phures na azba, ba de duma pe leste, sar pe tyo dad; le majternes sar tye phralen,

verso 2

le phure romnyan, sar tya da, le majterne zhulyan, sar tye phenyan, intregone uzhipesa.

verso 3

Le phivlya romnyan, kana chachikanes phivlyaj, patyivisar.

verso 4

Kana pale varisava phivlya shave bake falipe sila, majanglal te sityon pengo kher te lasharen mishto haj te slugisaren penge dadeske bake dejake, ke kado skunpo trabaj angla o Del.

verso 5

E phivlyi pale, kon chachikanes korkoro si, te patyal ando Del haj te inkrel avri vi dyese vi ratyi ando rudyipe,

verso 6

ke kodo, kon hatyarimaskoj, zhuvindo mulo si.

verso 7

Kado vladisar apol lenge, ke bi doshake te aven.

verso 8

Apol kodo, kon peskirenge, majfeder kodalenge, kon ande lesko kher beshen chi grizhol len, asvikardas o patyape, haj majnasul si vi kathar o bi patyamno.

verso 9

Mashkar le phivlya numa kasava slobodoj te alosaren, kon aba reslas le shovardesh bersh, kon numa jekhe romeski romnyi sas,

verso 10

haj kaske chacharen pa lake lashe kerdyimata: kon shavores barardas, patyivali sas, le suntonge punre thodas, haj zhutisardas le chorrenge: savi sakono lasho kerdyipe kerelas.

verso 11

Le terne phivlyan nashtisaren palpale, ke na muklosardes le Kristoske romeste te kamen te zhan,

verso 12

atunchi dosharipe vazden pe pende, ke o angluno patyivipe opre phagline,

verso 13

haj kavrunutnes vi krujin e butyi, sityon kodo, ke pa jekh kher pa kaver te phiren, haj na feri la butya krujindes, ba vi but vorbindes, kasave phenindes, so chi avlas slobodo.

verso 14

Anda kodo apol kodo kamav, ke le majterne te zhan feri romeste, te anen pe luma shavoren, te lasharen le kheres, haj tena den shajipe le dushmanon po marhisaripe.

verso 15

Unyizhene aba palpale cirdadyiline kaj o shatano!

verso 16

Kana varisava patyamna romnya phivlya te sila, te grizhosarel len, tena phararel vi kodo la eklezhia, ke kodi chachikanes le phivlyan te zhutil.

verso 17

Save prezhbitera patyivales keren pengi butyi, vi dujtorutnes te inkren len ande patyivate, majfeder kodalen, kon o alav viacaripe haj o sityaripe keren,

verso 18

ke kodo phenel o Iskiripe: „Le cirdare guruveske na phande andre lesko muj”, haj „Perelpe le butyareske lesko potyinipe”.

verso 19

Po prezhbitero na le dosharipe, numa atunchi kana duj bake trin zhene chacharen kodo.

verso 20

Le doshalen angla sakoneste lazhavar tele, ke vi le majbut te darajven.

verso 21

Manglines mangav tut po Del, po Kristo Jezush, pe alosardine andyela, inker andre kado chachipesa, haj anda rigate cirdipe na ker khanchi.

verso 22

Tye vast sigardes na shu opre pe khanyikaste, ke tena avel tut rig ande strene bezexa. Inker tut uzhes.

verso 23

Pala kado na numa paji pi, ba trajin jekh cerra vi mojasa anda tya rinzako haj truposko slabipe.

verso 24

Si save manushenge bezexa zhanimaskej vi angla o krisaripe, kaverengo numa pala kodo:

verso 25

zhikade vi le lashe kerdyimata zhanimaskej: kadalenca kaver si e traba, kadal nashtig ashon garades.

Capítulos:

1 2 3 4 5 6