Angluno lil le Timoteusheske

Chapters:

1 2 3 4 5 6

verse #1

Le phures na azba, ba de duma pe leste, sar pe tyo dad; le majternes sar tye phralen,

verse #2

le phure romnyan, sar tya da, le majterne zhulyan, sar tye phenyan, intregone uzhipesa.

verse #3

Le phivlya romnyan, kana chachikanes phivlyaj, patyivisar.

verse #4

Kana pale varisava phivlya shave bake falipe sila, majanglal te sityon pengo kher te lasharen mishto haj te slugisaren penge dadeske bake dejake, ke kado skunpo trabaj angla o Del.

verse #5

E phivlyi pale, kon chachikanes korkoro si, te patyal ando Del haj te inkrel avri vi dyese vi ratyi ando rudyipe,

verse #6

ke kodo, kon hatyarimaskoj, zhuvindo mulo si.

verse #7

Kado vladisar apol lenge, ke bi doshake te aven.

verse #8

Apol kodo, kon peskirenge, majfeder kodalenge, kon ande lesko kher beshen chi grizhol len, asvikardas o patyape, haj majnasul si vi kathar o bi patyamno.

verse #9

Mashkar le phivlya numa kasava slobodoj te alosaren, kon aba reslas le shovardesh bersh, kon numa jekhe romeski romnyi sas,

verse #10

haj kaske chacharen pa lake lashe kerdyimata: kon shavores barardas, patyivali sas, le suntonge punre thodas, haj zhutisardas le chorrenge: savi sakono lasho kerdyipe kerelas.

verse #11

Le terne phivlyan nashtisaren palpale, ke na muklosardes le Kristoske romeste te kamen te zhan,

verse #12

atunchi dosharipe vazden pe pende, ke o angluno patyivipe opre phagline,

verse #13

haj kavrunutnes vi krujin e butyi, sityon kodo, ke pa jekh kher pa kaver te phiren, haj na feri la butya krujindes, ba vi but vorbindes, kasave phenindes, so chi avlas slobodo.

verse #14

Anda kodo apol kodo kamav, ke le majterne te zhan feri romeste, te anen pe luma shavoren, te lasharen le kheres, haj tena den shajipe le dushmanon po marhisaripe.

verse #15

Unyizhene aba palpale cirdadyiline kaj o shatano!

verse #16

Kana varisava patyamna romnya phivlya te sila, te grizhosarel len, tena phararel vi kodo la eklezhia, ke kodi chachikanes le phivlyan te zhutil.

verse #17

Save prezhbitera patyivales keren pengi butyi, vi dujtorutnes te inkren len ande patyivate, majfeder kodalen, kon o alav viacaripe haj o sityaripe keren,

verse #18

ke kodo phenel o Iskiripe: „Le cirdare guruveske na phande andre lesko muj”, haj „Perelpe le butyareske lesko potyinipe”.

verse #19

Po prezhbitero na le dosharipe, numa atunchi kana duj bake trin zhene chacharen kodo.

verse #20

Le doshalen angla sakoneste lazhavar tele, ke vi le majbut te darajven.

verse #21

Manglines mangav tut po Del, po Kristo Jezush, pe alosardine andyela, inker andre kado chachipesa, haj anda rigate cirdipe na ker khanchi.

verse #22

Tye vast sigardes na shu opre pe khanyikaste, ke tena avel tut rig ande strene bezexa. Inker tut uzhes.

verse #23

Pala kado na numa paji pi, ba trajin jekh cerra vi mojasa anda tya rinzako haj truposko slabipe.

verse #24

Si save manushenge bezexa zhanimaskej vi angla o krisaripe, kaverengo numa pala kodo:

verse #25

zhikade vi le lashe kerdyimata zhanimaskej: kadalenca kaver si e traba, kadal nashtig ashon garades.

Chapters:

1 2 3 4 5 6