Angluno lil le Timoteusheske

Chapters:

1 2 3 4 5 6

verse #1

Kon andre si xutyildine, le phangle, te inkren ande patyivate penge rajen, ke kodal tena kushen le Rajesko anav haj sityaripe.

verse #2

Kas patyamno raj si, tena lel len ande majcerra, anda kodo, ke kodal phral si, ba zhi anda kado te slugisaren lenge inke majfeder, ke patyaamnej, le kamipeske haj le lashe kerdyimaske rigaslej.

Kadalen sityar!

verse #3

Kon kaver falo sityarel, haj chi inkrel pes kaj amare Rajesko kaj le Jezush Kristoske saste alava haj le deldaramnipesa jekh hatyarde sityaripesa,

verse #4

kodo phutyardoj, chi zhanel khanchi, le but vorbimasko nasvalo si, anda kado pale xanzhvalipe, kecimata, kushlipe, haj nasul kamlo dosharipe kerdyol,

verse #5

le dile manushengo, kathar o chachipe nachilime, haj le deldaramnipe na pinzharde manushengo xapesko kethanipe avla.

verse #6

O deldaramnipe lashi butyij, kana mishtyipe inkerdyol pasha leste.

verse #7

Ke khanchi chi andam amenca pe luma, haj china chi ingras khanchi.

verse #8

Kana apol si amen xaben haj gada, te avel dosta kodo amenge.

verse #9

Ke kon barvale kamen te aven, ando zumavjipe peren, ande but khanchimaske doromata, save ando pustipe haj rumuvjipe peraven le manushes.

verse #10

Ke sakone bidako fundipe o xanzhvalipe si: unyizhene kon pashaleste pashardyiline, durutnisardyilinetar kathar o patyape, haj but dukhipe kerdine penge.

verse #11

Ba tu, Devlesko manush, ferisar tut kathar kadal butya: po chachipe, po patyape, po kamipe, pe pachimasko toleranshipe, haj po blindope zurar tut.

verse #12

Martu anda lashimasko maripe, rode tuke le sagutne trajimasko trajos, pe soste akharipe lan, haj pe soste angla but manusha tele shutan o chacho patyape.

verse #13

Vladisarav tuke angla o Del, kon sakones trajo del, haj angla Kristo Jezush, kon tala o Ponciush Pilatush chacharipe kerdas zhi pa kodo chacho patyape:

verse #14

inker o vladipe uzhes, bi doshales zhikaj amere Rajesko le Jezush Kristosko avlipe,

verse #15

so sikavela atunchi o anando haj jekhtuno Baripe, le krajengo Kraj, le rajengo Raj,

verse #16

kon korkorunes krajil le bi meripes, kon ando bi pashe gelindo fimlalipe beshel, kas khonyik manush nashtig dikhlas haj china nashtig dikhel, kaske luvudyipe haj sagutno saktimo te avel! Amen!

verse #17

Kadala lumake barvalenge phen, ke tena aven phutyarde, tena patyan ando xoxamno barvalipe, ba ando trajisardo Del, kon butindes del amenge sakofalo, so trubuj amange:

verse #18

ke te aven lashe, ande lashe kerdyimata barvale, anda ilo te aven dinara,

verse #19

haj te kiden penge kethane barvalo, lasho fundo po avlipe, ke te resen o chacho trajo.

verse #20

Timoteush! Le sama pe avucija, so pe tute muklyosardyilas, krujin le boldine, nyevipe rodinde vorbimata, haj le nasulimaske „pinzharipe” kecimata,

verse #21

saven unyizhene patyajline, haj kathar o patyape shindyilinetar. Gracija tumenca! Amen.

Chapters:

1 2 3 4 5 6