Angluno lil le Timoteusheske
5. fejezet
1. vers
Le phures na azba, ba de duma pe leste, sar pe tyo dad; le majternes sar tye phralen,
2. vers
le phure romnyan, sar tya da, le majterne zhulyan, sar tye phenyan, intregone uzhipesa.
Le phivlyango trajo haj butyi
3. vers
Le phivlya romnyan, kana chachikanes phivlyaj, patyivisar.
4. vers
Kana pale varisava phivlya shave bake falipe sila, majanglal te sityon pengo kher te lasharen mishto haj te slugisaren penge dadeske bake dejake, ke kado skunpo trabaj angla o Del.
5. vers
E phivlyi pale, kon chachikanes korkoro si, te patyal ando Del haj te inkrel avri vi dyese vi ratyi ando rudyipe,
6. vers
ke kodo, kon hatyarimaskoj, zhuvindo mulo si.
7. vers
Kado vladisar apol lenge, ke bi doshake te aven.
8. vers
Apol kodo, kon peskirenge, majfeder kodalenge, kon ande lesko kher beshen chi grizhol len, asvikardas o patyape, haj majnasul si vi kathar o bi patyamno.
9. vers
Mashkar le phivlya numa kasava slobodoj te alosaren, kon aba reslas le shovardesh bersh, kon numa jekhe romeski romnyi sas,
10. vers
haj kaske chacharen pa lake lashe kerdyimata: kon shavores barardas, patyivali sas, le suntonge punre thodas, haj zhutisardas le chorrenge: savi sakono lasho kerdyipe kerelas.
11. vers
Le terne phivlyan nashtisaren palpale, ke na muklosardes le Kristoske romeste te kamen te zhan,
12. vers
atunchi dosharipe vazden pe pende, ke o angluno patyivipe opre phagline,
13. vers
haj kavrunutnes vi krujin e butyi, sityon kodo, ke pa jekh kher pa kaver te phiren, haj na feri la butya krujindes, ba vi but vorbindes, kasave phenindes, so chi avlas slobodo.
14. vers
Anda kodo apol kodo kamav, ke le majterne te zhan feri romeste, te anen pe luma shavoren, te lasharen le kheres, haj tena den shajipe le dushmanon po marhisaripe.
15. vers
Unyizhene aba palpale cirdadyiline kaj o shatano!
16. vers
Kana varisava patyamna romnya phivlya te sila, te grizhosarel len, tena phararel vi kodo la eklezhia, ke kodi chachikanes le phivlyan te zhutil.
Le prezhbitera
17. vers
Save prezhbitera patyivales keren pengi butyi, vi dujtorutnes te inkren len ande patyivate, majfeder kodalen, kon o alav viacaripe haj o sityaripe keren,
18. vers
ke kodo phenel o Iskiripe: „Le cirdare guruveske na phande andre lesko muj”, haj „Perelpe le butyareske lesko potyinipe”.
19. vers
Po prezhbitero na le dosharipe, numa atunchi kana duj bake trin zhene chacharen kodo.
20. vers
Le doshalen angla sakoneste lazhavar tele, ke vi le majbut te darajven.
21. vers
Manglines mangav tut po Del, po Kristo Jezush, pe alosardine andyela, inker andre kado chachipesa, haj anda rigate cirdipe na ker khanchi.
22. vers
Tye vast sigardes na shu opre pe khanyikaste, ke tena avel tut rig ande strene bezexa. Inker tut uzhes.
Kaverfalicka ferimata
23. vers
Pala kado na numa paji pi, ba trajin jekh cerra vi mojasa anda tya rinzako haj truposko slabipe.
24. vers
Si save manushenge bezexa zhanimaskej vi angla o krisaripe, kaverengo numa pala kodo:
25. vers
zhikade vi le lashe kerdyimata zhanimaskej: kadalenca kaver si e traba, kadal nashtig ashon garades.
Könyvek
