Dujto lil kaj le korintushicka
1. fejezet
Adresipe haj drobovjipe
1. vers
O Pal, anda Devlesko kamipe, le Jezush Kristosko aposhtoloj, haj o Timoteush phral, le Devleski korintushikani eklezhiake, haj le intregone suntonge, kon ande intrego Achaj si.
2. vers
Gracija tumenge haj pachipe kathar o Del, kathar amaro Dad, haj kathar o Raj Jezush Kristo!
Le aposhtoleske dukha haj ushorimata
3. vers
Ashtyilime te avel o Del, amare Rajesko, le Jezush Kristosko Dad, le lashimasko Dad haj sakone ushurimasko Dad,
4. vers
kon ushorarel amen ande sakono kikidyipe, ke vi ame te shaj ushorisaras kodalen, kon ande zhisoske kikidyimata si, kodale ushorimasa, sosa o Del vi amen ushorisardas.
5. vers
Ke sar bari rig si amen ande Kristoske dukha, kade vi bari rig si amen perdal pa Kristo vi po ushoripe.
6. vers
Kana kikidyimata dukardyuvas, kodo anda tumaro ushoripe haj muntuipe si, haj kana ushoripe resas, vi kodo anda tumaro ushordyipe si, savo zor del zhikodale dukhange toleralipe, so vi ame dukharas.
7. vers
Zuralo si amaro sperantipe ande tumende, ke zhanas, ke sar amala san ande dukha, kade vi ande ushordyimata amala avena amenge.
8. vers
Ke chi kamas, ke tena zhanen, phralale, pa amaro kikidyipe, so ande Azhia reslas amen. Zurales avri zumadas amen, kade ke vi amaro trajo ande bida sas.
9. vers
Ande amende, aba vi o mulikano krisipe perdal hatyardam, ke na ande amende te patyas, ba ando Del, kon opretrajarel le mulen.
10. vers
Voj muntusardas haj muntul amen anda kasave mulikane pecimata, haj ande leste patyas, ke vi pala kado slobodisarela amen,
11. vers
kana vi tume pe amaro zhutipe avna, kodale rudyimatanca, so anda amende phenen, haj anda gracijake dimata, so but zhene mangline pe amari rig, but zhene te den najisipe anda amende.
Le aposhtolesko grizhosaripe
12. vers
Ke kado amaro asharipe si: amare duhoske hatyarimaske kodoj lesko chacharipe, ke jekhtunes haj deldaramne uzhipesa, na ande truposko platnikipe, ba le Devleske gracijasa phiras pe luma, majfeder tumende.
13. vers
Ke chi iskirisaras tumenge kaver, so ginaven haj vi hatyaren – sperantisarav, ke intregones hatyarenales,
14. vers
ke sar aba varisar vi hatyardine amen –, ke vi ame tumaro asharipe sam, zhikade, sar vi tume amaro, pe amare Rajesko dyes.
O Pal po kaver drom zhal
15. vers
Kadale patyapesa kamlom te zhav tumende na dulmut, ke po dujto te avel tumen rig ande gracija,
16. vers
haj pala kodo tumendar perdal te zhav ande Makedonia, haj anda Makedonia pale palpale te avav tumende, ke tume te aven manca ande Judea.
17. vers
Apol kana kado kamlom, dore ushorimasko somas? Ba so avrigindisarav, kodo kathar o trupo gindisarav, kade ke mande o „ova, ovaj” haj jekhtunes o „na, na” si?
18. vers
Pe Devlesko patyape phenav, ande amaro vorbipe, so tumenge phendam: naj vi „ova” haj vi „na”.
19. vers
Ke le Devlesko Shavo, o Jezush Kristo, kas mashkar tumende viacaras, me o Silvianus haj o Timoteush, nas vi „ova” haj vi „na”, ba o „ova” kerdyilas ande leste.
20. vers
Ke sode vorba dinipe si le Devles, sa „ova” kerdyilas ande leste. Anda kado vi o „bater” perdal pa leste ashundyol opre amendar pe Devlesko luvudyipe.
21. vers
Kon pale zurarel amen tumenca kethanes ando Kristo, haj kon opremakhlas amen, o Del,
22. vers
haj voj si kodo, kon peske stemplosa somnosardas amen, haj le duhosko inkripe das ande amaro ilo.
23. vers
Le Devles akharav chachareske pashamande, ke anda tumaro feripe chi gelomtar ando Korintusho. Ke na te krajisaras kamas pe tumaro patyape, ba tumara losshake zhutisara sam, ke ando patyape zurales tordyon.
Könyvek
