Dujto lil kaj le korintushicka
12. fejezet
Le aposhtolesko „asharipe” haj slabipe
1. vers
Kana aba trubuj te asharav man – ba khanchi chi zhutil – perdal zhav pe dikhlimata haj vi pe Rajeske avrisikadyimata.
2. vers
Pinzharav jekhe manushes ando Kristo, kon aba deshushatr bersh kadalake – apol ando trupo, chi zhanav, bake avral pa trupo, chi zhanav, o Del zhanel – oprelavadyilas kaj o trito cheri.
3. vers
Haj zhanav, ke zhikado manush – apol ando trupo, bake avral pa trupo, chi zhanav, o Del zhanel –
4. vers
lavadyilastar ando paradajzo, haj tajnicka alava ashundas, saven manushenge naj slobodo avri te phenel.
5. vers
Kadale manushesa asharav man, ba manca chi asharav man, numa mure slabipenca.
6. vers
Ba te kamos te asharav man, chi atunchi chi avos dilo, ke chachipe phenos, ba palpale inkrav man kathar kado, tena varikon pe majbut te patyivil man kathar kodo, so ande mande dikhel bake mandar ashunel
7. vers
anda avrisikadyimatango baripe. Anda kado tena gindisarav but pa mande, kanro lom ande muro trupo, le shatanoske andyelos, ke pa mosura te shinel man.
8. vers
Trivar manglom anda kado le Rajes, ke te zhaltar mandar kodo:
9. vers
ba voj kodo phendas mange: „Dostaj tuke muri gracija, ke e zor ando slabipe avla intrego.” Majfeder apol mure slabipesa asharav man, ke le Kristoski zor te beshel ande mande.
10. vers
Anda kado pherdyol muri voja anda Kristo kerdyilino slabipe, mardyipe, trubujipe, nashavjipe haj kikidyipe, ke kana slabo som, atunchi som zuralo.
11. vers
Dilo kerdyilom, ba tume shutine man kodaleske. Ke tumenge trubusardino te inbisaren man, ke khanchesa chi somas majcino kodalendar, kon opralutnes bare aposhtoluraj – ba khanchi chi som;
12. vers
ba mure aposhtolikane somnura ando sagutno toleranshipe sikadyon mashkar tumende.
13. vers
Ke ande soste line majcerra kathar le majbut eklezhiji, dore tena ande kodo, ke me chi somas pe tumaro pharipe? Jertisaren mange kado bi chachipe!
Le aposhtoleske gindura haj dajno
14. vers
Aketa, akanak po trito kamav tumende te zhav, ba chi avo pe tumaro pharipe. Ke na kodo rodav so tumaro si, ba tumen, ke na le shavorenge trubuj avucija te roden le dadenge haj dejange, ba dadenge haj dejange trubuj le shavorenge.
15. vers
Me pale muklikanes dav sarkafimo, haj vi me sarkafimo kerdyuvav anda tumaro duho. Me kade te kamav tumen, pe majcerra kamipe rakhos tumende?
16. vers
Te avel kade, me chi somas pe tumaro pharipe, ba ke xalo som, kaveresa xutyilav tumen.
17. vers
Andre xudrosardom tumen perdal pa mure vi varisave bishalde?
18. vers
Manglom le Tituses haj lesa bishaldom kodale phrales. Andre xudrosardas tumen o Titus? Apol chi phiras dore zhikathar kodo duho? Haj na zhi pe kodo drom?
Darimataske hatyarimata
19. vers
Aba dulmut kodo gindisaren, ke muntusaras amen angla tumende? Angla o Del, ando Kristo vorbisaras. Sa kado pale, mure kamade, pe tumaro vazdadyipe slugisarel.
20. vers
Darav, ke kana kothe reso, na kasavenge arakho tumen, sar fajas man, haj vi tume kasaveske arakhena man, soske chi fajas tumen. Darav, ke rivalizalipe, xanzhvalipe, xolyi, xoxamnimata, intrikalipe, phutyaripe, haj shindyipe avla mashkar tumende,
21. vers
kade kana kothe reso, muro Del pale tele lazhavarela man tumende, haj trubuja te rovjarav bute zhenen mashkar kodal, kon majdulmut bezexardine haj chi inkerdine bezexbunuimata anda biuzhipe, marhipe haj bi lazhavjipe, so kerdine.
Könyvek
