Dujto lil kaj le korintushicka

Fejezetek:

… 6 7 8 9 10 …   ⇤ ← 8 → ⇥

1. vers

Zhanaras tumenca, phralale, le Devleski gracija, so le Makedonicka eklezhiji line,

2. vers

ke mashkar la chorrimata butardyilas amari lossh, haj anda zurales baro chorripe arakhadyilas amare lasheilesko barvalipe.

3. vers

Ke chacharav pa kodo, ke kathar pengi zor, ba vi opralutnes denas,

4. vers

haj mangaisardes mangenas amen, ke rig te avel amen ando lashipe haj pe suntongi rig kerdisardo slugipe.

5. vers

Haj vi opral pe amaro sperantipe pen dine kothe majanglal le Rajeske, pala kodo amenge, sar o Del kamlas kodo.

6. vers

Anda kado pe kodo manglam le Tituses, ke sar aba vi kerdas, te agorisarel andre tumende kadi lashimatipe.

7. vers

Anda kado, sar vi ande sakofaloste avri vazdadyon: ando patyape, ande vorba, ando pinzharipe, ande sako zuradyipe haj amendar lino kamipe, kade vazdadyon avri vi ande kado lashipe.

8. vers

Na sar vladipe phenav kado, ba sar pe kaverengo zurardyipe perdal tumaro kamipesko uzhipe te zumavav avri.

9. vers

Haj apol pinzharen amare Rajeski, le Jezush Kristoski gracija, ke anda tumende chorreske kerdyilas, ba barvalo sas, ke perdal pa lesko chorripe tume barvale te aven.

10. vers

Ba vorba apol dav ande kadi butyi, ke kado pe tumaro mishtyipe si, kon kathar bershakanak line te butyaren tumen, anda tumaro kamipe.

11. vers

Akanak apol vi o kerdyipe keren, ke sosko zuralo si o kamipe, kasavo te avel vi o kerdyipe anda kodo, so si tumen.

12. vers

Ke kana o kamipe muklanoj, kade skunpoj kodo, so variso varikas si, na kade, sar so naj.

13. vers

Na kade, ke varikas ushoripe te avelle, tumenge pale chorripe, ba kathar so o jekhipe si:

14. vers

akanak tumaro butipe ushorisarel kodalengo najipe, ke vi lengo butardyipe te ushorisarel tumaro najipe: Ke jekhipe te avel, sar iskirime si:

15. vers

„Kon but kidas kethane, chi butardyilas, haj kon cerra, chi cerrosardyilas”.

16. vers

Najis le Devleske, kon zhikado zurardyipe das anda tumende ande Titusesko ilo,

17. vers

ke las tumendar o opremangajipe, haj ke lesko lashipe baro sas, pestar gelastar tumende.

18. vers

Lesa bishaldam vi kodale phrales, kon anda evangeliumesko viacaripe ande sako eklezhia asharipe lel,

19. vers

haj inke, haj kas le eklezhiji vi pashareske das ande kado lashipe, so pe Rajesko luvudyipe haj pe amare patyapesko sikadyipe slugisaras.

20. vers

Kade kamas te krujisaras kodo, ke varikon te shaj dosharel amen anda kado but dimatipe, so pe amende mukline,

21. vers

ke grizha si amen po patyivipe na feri angla o Raj, ba vi angla e manusha.

22. vers

Lenca kethanes bishaldam vi kodale phrales, kasko zurardyipe aba ande but sakofaloste butivar avri zumadam, akanak pale inke maj kerdyimaskoj, anda tumende hatyardine patyavjipesa.

23. vers

O Titus pale muro amal si haj zhutorij mashkar tumende, le phral pale la eklezhiake bishaldej, haj le Kristoske luvudyimataj.

24. vers

Sikaven avri apol angla eklezhiji, ke kamen amen haj patumende so phendam asharipe chachipe si.

Fejezetek:

1 2 3 4 5 6 7 8 9 10 11 12 13