Dujto lil kaj le korintushicka
3. fejezet
O aposhtolo le kethanipes slugisarel
1. vers
Haj akanak las pale te inbisaras amen? Dore vi amenge trubujas, sar unyizhenen, tumende vorbisardo bake tumendar aviline imbisarde lila?
2. vers
Amare lila tume san, andre iskirisardines ande amaro ilo, pinzharel haj ginavelles sakono manush.
3. vers
Ke zhanimaski butyij pa tumende, ke le Kristoske lila sanle, so anda amaro slugipe kerdyilas, na tintasa, ba le zhuvinde Devleske duhosa iskirisardines, na pe barrune skundura iskirisardines, ba anda ileske maseske skundura.
Slugipe kathar o iskiripe haj kathar o Duho
4. vers
Amaro ando Del patyape perdal pa Kristo si.
5. vers
Na anda kodo sar amendar, sar anda amari zor zhanasas vi variso avri te gindisaras, boldines: amaro zhanipe kathar o Del si.
6. vers
Voj kerdas amen lasheske pe kodo, ke le Nyeve Teshtamentoske slugi te avas, na le iskirimaske, ba le Duhoske: ke o iskiripe mudarel, o Duho pale trajarel.
7. vers
Kana apol le meripesko pe barr iskirisardo slugipe luvudyisardo sas, kade ke le Izraeleske shave nashtig dikhenas pe Mozesheski mosura anda leski mosurako nachilimasko luvudyipe,
8. vers
sartena avlas inke maj luvudyisardo le Duhosko slugipe?
9. vers
Ke le mulipesko slugipe luvudyisardoj, majbutesa maj luvudyisardoj le chachipesko slugipe.
10. vers
Haj so kothe luvudyisardo sas, anda kado butardo luvudyipe aba china naj luvudyisardo.
11. vers
Ke kana o nachilipesko luvudyisardo te si, butesa maj luvudyisardoj, le ashilipesko.
12. vers
Ke apol kasavo sperantipe si amen, bare tromasa vorbisaras,
13. vers
na pale kade, sar o Mozesh, kon colo shardas pe peski mosura, ke le Izraeleske shave tena dikhen kodalesko agor, so nachilipesko si.
14. vers
Ba lengo hatyaripe muglyosardyilastar. Ke zhikaj kado dyes, kana le Dulmutane Teshtamentos ginaven, kothej zhikodo colo, naj tele lino, ke kodo numa ando Kristo nacholatar.
15. vers
Haj inke zhikaj kado dyes, kana le Mozeshes ginaven, colo sharavel lengo ilo.
16. vers
Ba kana pashardyona kaj o Raj, lavadyola o colo.
17. vers
Ke o Raj Duhoj, haj kaj le Rajesko Duho si, kothej o slobodipe.
18. vers
Ame pale savorazhene, so mashkaral bi sharade mosurasa dikhas le Rajesko luvudyiipe, zhi pe kodo mosuripe kerdyuvas perdal pa luvudyipe po luvudyisaripe, perdal pa Rajesko Duho.
Könyvek
