Dujto lil kaj le korintushicka
7. fejezet
1. vers
Apol ke kasave vorba dimata si amen, mure kamade, uzharas amen kathar le duhosko haj truposko sako melajipe, haj keras intregoneske amaro suntosardyipe ande Devleski dar.
2. vers
Svagaren amen andre ande tumaro ilo! Khanyikas chi azbadam, haj khanyikaske chi kerdam rumusardyipe, haj khanyikas chi xoxadam.
3. vers
Na pe tumaro dosharipe phenav kado; ke majanglal phendom, ke ande amaro ilo sanle, kade kethanes meras haj kethanes trajisaras.
4. vers
Baro si muro patyape ande tumende, zurales asharavma tumenca; pherdo som ushoripesa, zurales but si muri lossh vi pasha amaro kikidyipe.
Le Titusesko bishalipe
5. vers
Ke kana ande Makedonia reslam, khanchi pachipe nas amare trupos, ba but kikidyimata dukhardam: avral marimata, andral dar.
6. vers
Ba o Del, kon ushorisarel le telalutnen, ushorisardas amen kodalesa, ke reslas amende o Titus:
7. vers
ba na feri leske reslipesa, haj vi kodale ushoripesa, sosa ushordyilas mashkar tumende, ke phendas amenge tumaro dorope, rovjipe, zurardyipe anda mande, kade inke majfeder loshshajlom.
8. vers
Ke vi te brigardom tumen mure lilesa, chi bunujles; ba vi te bunusardomasles – ke dikhav, ke kodo lil, pekh vrama brigardas tumen –,
9. vers
akanak losshav, na anda kodo, ke brigajlinetar, ba anda kodo, ke pe bezexbunuipe slugisardas tumari briga. Kathar o Del brigajlinetar, kade ande khancheste chi rakhline dosh anda amende.
10. vers
Ke kathar o Del inkerdino brigipe zuralo Devlikano patyape rakhel po muntuipe; ba la lumaki briga meripe rakhel.
11. vers
Haj aketa, zhikado kathar o Del avilisardo brigipe sasko baro zuraripe vazdel ande tumende, haj inke vi muntuisaripe, na fajlipe, dar, dorope, zurardyipe haj bezexaki dosharimata! Ande sakofaloste andre sikadine, ke tume chi san doshale ande butyate.
12. vers
Apolal, vi te iskirisrdom tumenge, na anda azbaimata kerdom, ba avri te sikadyol angla o Del tumaro kamipe, so mange sikadine avri.
13. vers
Anda kado ushordyilam.
Ba anda amaro ushordyipe inke majfeder losshajlam anda Tituseski lossh, ke lesko duho savorazhene shaj losshardine,
14. vers
haj varisosa te asharosma tumenca leske, chi lazhardyilom tele, ke sar tumenge sakofalo kathar o chachipe phendam, kade vi amaro ashardyipe, so le Tituseske phendam chacho sas.
15. vers
Haj voj inke majlashe ilesa si karing tumende, kana serosardyol pa tumaro muklipe, ke bara darasa zhukarenas haj dine e patyiv leske.
16. vers
Losshav kodalake, ke ande sakofaloste tromanes haj uzhes shaj phenav tumenge sakofalo.
Könyvek
