Dujto lil kaj le korintushicka
2. fejezet
1. vers
Kodo gindisardom ande mande, ke chi zhav pale brigasa tumende.
2. vers
Ke me brigakirenge te kero tumen, atunchi kon avla, kon vojisarela man, kodo tena, kas me brigaro?
3. vers
Haj vi pa kodi butyi anda kodo iskirisardom tumenge, ke kana maj kothe zho, tena resel man briga anda kodal, anda kaste trubujas te losshav, ke zhanav pa savorazhenende, ke muri lossh savorengi lossh si.
4. vers
Ke anda mure ilesko baro kikidyipe haj dar iskirisardom tumenge mashkar but asva, na anda kodo, ke briga te kerav tumenge, ba te pinzharen, ke sar kamav tumen.
Feripe po blindope
5. vers
Mange varikon briga te kerdas, na man brigardas, ba ande varisode savorazhenen.
6. vers
Dostaj kasaveske o dosharipe, so kathar o butipe las.
7. vers
Akanak pale boldines, barem jertisaren leske, haj ushoraren les, ke e bari briga tena xalles.
8. vers
Anda kado mangav tumen, kamen les.
9. vers
Ke vi anda kodo iskirisardom, ke avri te zumavav tumen, haj avri te zhanav, ke ande sakofaloste muken tumen apol?
10. vers
Kaske pale tume jertin variso, kodaleske vi me jertisarav: ke vi me kana jertisardom, te sas variso te jertisarav, kodo anda tumende kerdom angla Kristo,
11. vers
ke andre tena xudrosarel amen o shatano, ke naj bi pinzharde angla amende leske butya.
O aposhtolo le Kristosko pinzharipe viacarel
12. vers
Kana ando Troaso reslom pe Kristoske evangeliumesko viacaripe, chaches o vudar puterdo sas angla mande ando Raj,
13. vers
ba nas pacha mure duhoske, ke chi arakhlom kothe mure Titus phrales, anda kado avilomtar lendar, haj ande Makedonia gelom.
14. vers
Ba najis le Devleske, kon sagda po viktornope ingrel amen ando Kristo, haj leske pinzharimaski lashi sung pe sagutne thana butarel perdal pamende!
15. vers
Ke le Kristoske lashe sung sam anda Del mashkar kodal, kon muntosardyon, haj vi mashkar kodal, kon xasajven.
16. vers
Kadalenge le merimaski lashi sung po meripe, kodalenge pale le trajeski lashi sung po trajo. Ba kon si lasho pe kado?
17. vers
Ke ame chi sam kasave, sar but zhene, kon xoxavaren le Devleske alaves, ba chachikanes, sar anda jekh Del vorbisaras, angla Del, ando Kristo.
Könyvek
