Dujto lil kaj le korintushicka
5. fejezet
Le aposhtolesko sperantipe
1. vers
Zhanas, ke kana amari phuvaki cerha tele te rumosardyola, kathar o Del lasa kher, na kathar vast kerdo, ba sagutno kher ando cheri.
2. vers
Vi anda kado dukharas ande kado trupo, ke dorosaras opre te las pe leste amaro cheruno kher,
3. vers
ke kana tele trubuja te nandyaras amen, nangeske tena dichuvas.
4. vers
Ke zhikaj ande kadi cerha sam, khinyardes dukharas, ke na kodo kamas, tele te nandyaren amen, ba opre te uraven amen, haj kade kodo, so merimasko si, te nakhavelles, o trajo.
5. vers
Kon pale oprezurardas pe kado amen, o Del si kodo, kon le duhoski dimata das amenge.
6. vers
Anda kado sagutnes patyas, haj zhanas, ke zhikaj ando trupo trajisaras, dur phiras kathar o Raj,
7. vers
ke ando patyape phiras, haj na ando dikhlipe.
8. vers
Ba patyas, haj majfeder fajas amen avri te avas anda trupo, haj te resas kaj o Raj.
9. vers
Anda kado vi zuraras amen, ke po fajlipe te avas leske, zhi leste te sam, zhi dur te trajisaras lestar.
10. vers
Ke savorazhenenge trubuj te tordyuvas angla Kristosko krisako ikamin, ke sakon te lel pesko potyinipe, kade, sar lasho bake nasul kerdas ande pesko trupo.
Le avripacharimasko slugipe
11. vers
Ke pinzharas le Rajeski dar, le manushen kamas te patyavas, ba angla o Del uzhes tordyuvas. Sperantisarav apol, ke vi angla tumaro duhosko hatyaripe uzhes tordyuvas.
12. vers
Chi inbisaras tumenge pale amen, ba das tumenge o shajipe, ke amenca te asharen tumen kodalenge, kon avralutnes asharenpe, haj na kathar o ilo.
13. vers
Ke kana avral sam pamende, kodo anda Del pecilpe; kana pe godyate sam, kodo pale anda tumende si.
14. vers
Le Kristosko kamipe sidyaravel amen, ke kodo gindisaras, ke kana jekh mulas anda butende, atunchi savorazhene muline;
15. vers
haj anda kodo mulas anda sakoneste, ke kon trajin, aba na penge te trajin, ba kodaleske, kon mulas anda lende haj opretrajisardyilas.
16. vers
Kathar kado apol, ame khanyikas chi pinzharas kathar o trupo. Haj kana le Kristos vi kathar o trupo te pinzhardam, abakanak na kade pinzharas les.
17. vers
Anda kado, kon ando Kristo si, nyevo kerdyipe si: le dulmutane nachilinetar, haj aketa, nyeve kerdyiline.
18. vers
Sa kado pale kathar o Del si, kon perdal pa Kristo avripachardas amen pesa, haj amenge das le avripacharimasko slugipe.
19. vers
Ke o Del sas, kon ando Kristo avri pachardas pesa la luma, kade, ke chi las andre amare bezexa, haj pe amende muklas le avripacharimasko alav.
20. vers
Ame apol ande Kristosko bishalipe phiras, haj o Del zurarel perdal pamende. Anda Kristo mangas apol tumen, pachardyon avri le Devlesa!
21. vers
Voj si kodo, kon chi pinzharelas bezex, bezexeske kerdasles anda amende, ke ame le Devlesko chachipe te avas perdal pa leste.
Könyvek
