Dujto lil kaj le korintushicka
capítulo 5
Le aposhtolesko sperantipe
verso 1
Zhanas, ke kana amari phuvaki cerha tele te rumosardyola, kathar o Del lasa kher, na kathar vast kerdo, ba sagutno kher ando cheri.
verso 2
Vi anda kado dukharas ande kado trupo, ke dorosaras opre te las pe leste amaro cheruno kher,
verso 3
ke kana tele trubuja te nandyaras amen, nangeske tena dichuvas.
verso 4
Ke zhikaj ande kadi cerha sam, khinyardes dukharas, ke na kodo kamas, tele te nandyaren amen, ba opre te uraven amen, haj kade kodo, so merimasko si, te nakhavelles, o trajo.
verso 5
Kon pale oprezurardas pe kado amen, o Del si kodo, kon le duhoski dimata das amenge.
verso 6
Anda kado sagutnes patyas, haj zhanas, ke zhikaj ando trupo trajisaras, dur phiras kathar o Raj,
verso 7
ke ando patyape phiras, haj na ando dikhlipe.
verso 8
Ba patyas, haj majfeder fajas amen avri te avas anda trupo, haj te resas kaj o Raj.
verso 9
Anda kado vi zuraras amen, ke po fajlipe te avas leske, zhi leste te sam, zhi dur te trajisaras lestar.
verso 10
Ke savorazhenenge trubuj te tordyuvas angla Kristosko krisako ikamin, ke sakon te lel pesko potyinipe, kade, sar lasho bake nasul kerdas ande pesko trupo.
Le avripacharimasko slugipe
verso 11
Ke pinzharas le Rajeski dar, le manushen kamas te patyavas, ba angla o Del uzhes tordyuvas. Sperantisarav apol, ke vi angla tumaro duhosko hatyaripe uzhes tordyuvas.
verso 12
Chi inbisaras tumenge pale amen, ba das tumenge o shajipe, ke amenca te asharen tumen kodalenge, kon avralutnes asharenpe, haj na kathar o ilo.
verso 13
Ke kana avral sam pamende, kodo anda Del pecilpe; kana pe godyate sam, kodo pale anda tumende si.
verso 14
Le Kristosko kamipe sidyaravel amen, ke kodo gindisaras, ke kana jekh mulas anda butende, atunchi savorazhene muline;
verso 15
haj anda kodo mulas anda sakoneste, ke kon trajin, aba na penge te trajin, ba kodaleske, kon mulas anda lende haj opretrajisardyilas.
verso 16
Kathar kado apol, ame khanyikas chi pinzharas kathar o trupo. Haj kana le Kristos vi kathar o trupo te pinzhardam, abakanak na kade pinzharas les.
verso 17
Anda kado, kon ando Kristo si, nyevo kerdyipe si: le dulmutane nachilinetar, haj aketa, nyeve kerdyiline.
verso 18
Sa kado pale kathar o Del si, kon perdal pa Kristo avripachardas amen pesa, haj amenge das le avripacharimasko slugipe.
verso 19
Ke o Del sas, kon ando Kristo avri pachardas pesa la luma, kade, ke chi las andre amare bezexa, haj pe amende muklas le avripacharimasko alav.
verso 20
Ame apol ande Kristosko bishalipe phiras, haj o Del zurarel perdal pamende. Anda Kristo mangas apol tumen, pachardyon avri le Devlesa!
verso 21
Voj si kodo, kon chi pinzharelas bezex, bezexeske kerdasles anda amende, ke ame le Devlesko chachipe te avas perdal pa leste.
Libros
