Dujto lil kaj le korintushicka

Capítulos:

… 6 7 8 9 10 …   ⇤ ← 8 → ⇥

verso 1

Zhanaras tumenca, phralale, le Devleski gracija, so le Makedonicka eklezhiji line,

verso 2

ke mashkar la chorrimata butardyilas amari lossh, haj anda zurales baro chorripe arakhadyilas amare lasheilesko barvalipe.

verso 3

Ke chacharav pa kodo, ke kathar pengi zor, ba vi opralutnes denas,

verso 4

haj mangaisardes mangenas amen, ke rig te avel amen ando lashipe haj pe suntongi rig kerdisardo slugipe.

verso 5

Haj vi opral pe amaro sperantipe pen dine kothe majanglal le Rajeske, pala kodo amenge, sar o Del kamlas kodo.

verso 6

Anda kado pe kodo manglam le Tituses, ke sar aba vi kerdas, te agorisarel andre tumende kadi lashimatipe.

verso 7

Anda kado, sar vi ande sakofaloste avri vazdadyon: ando patyape, ande vorba, ando pinzharipe, ande sako zuradyipe haj amendar lino kamipe, kade vazdadyon avri vi ande kado lashipe.

verso 8

Na sar vladipe phenav kado, ba sar pe kaverengo zurardyipe perdal tumaro kamipesko uzhipe te zumavav avri.

verso 9

Haj apol pinzharen amare Rajeski, le Jezush Kristoski gracija, ke anda tumende chorreske kerdyilas, ba barvalo sas, ke perdal pa lesko chorripe tume barvale te aven.

verso 10

Ba vorba apol dav ande kadi butyi, ke kado pe tumaro mishtyipe si, kon kathar bershakanak line te butyaren tumen, anda tumaro kamipe.

verso 11

Akanak apol vi o kerdyipe keren, ke sosko zuralo si o kamipe, kasavo te avel vi o kerdyipe anda kodo, so si tumen.

verso 12

Ke kana o kamipe muklanoj, kade skunpoj kodo, so variso varikas si, na kade, sar so naj.

verso 13

Na kade, ke varikas ushoripe te avelle, tumenge pale chorripe, ba kathar so o jekhipe si:

verso 14

akanak tumaro butipe ushorisarel kodalengo najipe, ke vi lengo butardyipe te ushorisarel tumaro najipe: Ke jekhipe te avel, sar iskirime si:

verso 15

„Kon but kidas kethane, chi butardyilas, haj kon cerra, chi cerrosardyilas”.

verso 16

Najis le Devleske, kon zhikado zurardyipe das anda tumende ande Titusesko ilo,

verso 17

ke las tumendar o opremangajipe, haj ke lesko lashipe baro sas, pestar gelastar tumende.

verso 18

Lesa bishaldam vi kodale phrales, kon anda evangeliumesko viacaripe ande sako eklezhia asharipe lel,

verso 19

haj inke, haj kas le eklezhiji vi pashareske das ande kado lashipe, so pe Rajesko luvudyipe haj pe amare patyapesko sikadyipe slugisaras.

verso 20

Kade kamas te krujisaras kodo, ke varikon te shaj dosharel amen anda kado but dimatipe, so pe amende mukline,

verso 21

ke grizha si amen po patyivipe na feri angla o Raj, ba vi angla e manusha.

verso 22

Lenca kethanes bishaldam vi kodale phrales, kasko zurardyipe aba ande but sakofaloste butivar avri zumadam, akanak pale inke maj kerdyimaskoj, anda tumende hatyardine patyavjipesa.

verso 23

O Titus pale muro amal si haj zhutorij mashkar tumende, le phral pale la eklezhiake bishaldej, haj le Kristoske luvudyimataj.

verso 24

Sikaven avri apol angla eklezhiji, ke kamen amen haj patumende so phendam asharipe chachipe si.

Capítulos:

1 2 3 4 5 6 7 8 9 10 11 12 13