Dujto lil kaj le tessalonikicka

Capítulos:

1 2 3

verso 1

O Pal, o Silvanius haj o Timoteush kaj le tessalonikenge eklezhija, savi ando Del, ande amaro Dad, haj ando Raj Jezush trajil.

verso 2

Gracija haj pachipe tumenge kathar o Del, kathar amaro Dad, haj kathar o Jezush Kristo!

verso 3

Sagda najisipe phenas le Devleske anda tumende, phralale, haj si anda soste, ke tumaro patyape mishto zurardyol, haj o kamipe karing jekhavreste ande savorazhenende butardyol,

verso 4

kade, ke vi asharas amen tumenca ande Devleske eklezhiji, tumare pachipesa haj patyamnipesa, savenca sakofalo nashavjipe toleralisaren.

verso 5

Le Devleske chache krisarimatange somnuraj kadal, ke dostange te rakhen tumen pe Devlesko them, kana vi dukhardyon anda leste.

verso 6

Ke kaj o Del apol kodo si o chachipe, ke kikidyimatasa te potyinel kodalenge, kon tumen kikiden,

verso 7

haj pachipesa amenca kethanes tumenge, le kikidisardenge, kana o Raj Jezush sikadyola anda cheri peske saktimoske andyelonca kethanes,

verso 8

ande jagaki para, haj krisaripe inkrela pe kodal, kon chi pinzharen le Devles, haj chi mukenpe amare Raj Jezusheske evangeliumoske.

verso 9

Kadalen ando meripe sagda krisaripesa marela o Raj haj lesko luvudyipe,

verso 10

kana avelatar pe kodo dyes, ke te luvudyisajveltar ande peske sunci, haj te chudisarenles ande sa kodala, kon patyanas: ke tumende than arakhlas lengo chachardyipe.

verso 11

Anda kado rudyisaras sagda anda tumende, ke amaro Del dostaske te inkrel tumen pe pesko akharipe. Te del andre pherdyipe sa kodale hatyarimaske so lasho kamel haj le patyapeske zurale butyake,

verso 12

ke amare Rajesko le Jezush Kristosko anav te luvudyisajvel ande tumende, haj vi tume ande leste, anda amare Devleski haj anda Raj Jezush Kristoski gracija.

Capítulos:

1 2 3