Dujto lil kaj le korintushicka

Capítulos:

… 8 9 10 11 12 13   ⇤ ← 12 → ⇥

verso 1

Kana aba trubuj te asharav man – ba khanchi chi zhutil – perdal zhav pe dikhlimata haj vi pe Rajeske avrisikadyimata.

verso 2

Pinzharav jekhe manushes ando Kristo, kon aba deshushatr bersh kadalake – apol ando trupo, chi zhanav, bake avral pa trupo, chi zhanav, o Del zhanel – oprelavadyilas kaj o trito cheri.

verso 3

Haj zhanav, ke zhikado manush – apol ando trupo, bake avral pa trupo, chi zhanav, o Del zhanel –

verso 4

lavadyilastar ando paradajzo, haj tajnicka alava ashundas, saven manushenge naj slobodo avri te phenel.

verso 5

Kadale manushesa asharav man, ba manca chi asharav man, numa mure slabipenca.

verso 6

Ba te kamos te asharav man, chi atunchi chi avos dilo, ke chachipe phenos, ba palpale inkrav man kathar kado, tena varikon pe majbut te patyivil man kathar kodo, so ande mande dikhel bake mandar ashunel

verso 7

anda avrisikadyimatango baripe. Anda kado tena gindisarav but pa mande, kanro lom ande muro trupo, le shatanoske andyelos, ke pa mosura te shinel man.

verso 8

Trivar manglom anda kado le Rajes, ke te zhaltar mandar kodo:

verso 9

ba voj kodo phendas mange: „Dostaj tuke muri gracija, ke e zor ando slabipe avla intrego.” Majfeder apol mure slabipesa asharav man, ke le Kristoski zor te beshel ande mande.

verso 10

Anda kado pherdyol muri voja anda Kristo kerdyilino slabipe, mardyipe, trubujipe, nashavjipe haj kikidyipe, ke kana slabo som, atunchi som zuralo.

verso 11

Dilo kerdyilom, ba tume shutine man kodaleske. Ke tumenge trubusardino te inbisaren man, ke khanchesa chi somas majcino kodalendar, kon opralutnes bare aposhtoluraj – ba khanchi chi som;

verso 12

ba mure aposhtolikane somnura ando sagutno toleranshipe sikadyon mashkar tumende.

verso 13

Ke ande soste line majcerra kathar le majbut eklezhiji, dore tena ande kodo, ke me chi somas pe tumaro pharipe? Jertisaren mange kado bi chachipe!

verso 14

Aketa, akanak po trito kamav tumende te zhav, ba chi avo pe tumaro pharipe. Ke na kodo rodav so tumaro si, ba tumen, ke na le shavorenge trubuj avucija te roden le dadenge haj dejange, ba dadenge haj dejange trubuj le shavorenge.

verso 15

Me pale muklikanes dav sarkafimo, haj vi me sarkafimo kerdyuvav anda tumaro duho. Me kade te kamav tumen, pe majcerra kamipe rakhos tumende?

verso 16

Te avel kade, me chi somas pe tumaro pharipe, ba ke xalo som, kaveresa xutyilav tumen.

verso 17

Andre xudrosardom tumen perdal pa mure vi varisave bishalde?

verso 18

Manglom le Tituses haj lesa bishaldom kodale phrales. Andre xudrosardas tumen o Titus? Apol chi phiras dore zhikathar kodo duho? Haj na zhi pe kodo drom?

verso 19

Aba dulmut kodo gindisaren, ke muntusaras amen angla tumende? Angla o Del, ando Kristo vorbisaras. Sa kado pale, mure kamade, pe tumaro vazdadyipe slugisarel.

verso 20

Darav, ke kana kothe reso, na kasavenge arakho tumen, sar fajas man, haj vi tume kasaveske arakhena man, soske chi fajas tumen. Darav, ke rivalizalipe, xanzhvalipe, xolyi, xoxamnimata, intrikalipe, phutyaripe, haj shindyipe avla mashkar tumende,

verso 21

kade kana kothe reso, muro Del pale tele lazhavarela man tumende, haj trubuja te rovjarav bute zhenen mashkar kodal, kon majdulmut bezexardine haj chi inkerdine bezexbunuimata anda biuzhipe, marhipe haj bi lazhavjipe, so kerdine.

Capítulos:

1 2 3 4 5 6 7 8 9 10 11 12 13