Dujto lil kaj le korintushicka
6. fejezet
Le apshtolikane dukhango luvudyipe
1. vers
Sar butyake amala pale ferisaras tumen, na len anda khanchi le Devleski gracija.
2. vers
Ke voj phenel:
„Kana man faj ande kodi vrama ashunav tut,
haj pe muntuimasko dyes zhutisaro tut”.
Aketa, kathej e lashi vrama, akanak si le muntuimasko dyes!
3. vers
Khanyikaske chi keras khanchi xolyi, ke tena kushen amaro slugipe,
4. vers
ke ande sakofaloste sar le Devleske manusha slugisaras: ando but toleralipe, chorripe, trubujipe, kikidyipe,
5. vers
mardyipe, robija, mashkar bida, khinyipe, ratyaripe, postyipe,
6. vers
uzhipe, zhanipe, pacharipe, skunpoipe, ando Sunto Duho, chacho kamipe,
7. vers
ande chachipesko alav, haj Devleski zor; pa chachi haj pa stungo rig ande chachipeske mudvara,
8. vers
ando luvudyipe haj bi patyivipe, ando marhipe haj lashi viaca: sar akharde haj vi kade chachipe phenara;
9. vers
sar bi pinzharde haj vi kade pinzharde: sar po meripe zhukarde haj aketa, vi kade trajisaras: sar mardine ba kas chi mudardine;
10. vers
sar brigasle, haj vi kade sagda vojikane; sar chorre, haj vi kade but barvalarde; sar kas khanchi najle, haj sakofalo sile.
Zuraripe haj ferisaripe
11. vers
Amaro muj puterdyilas tumende, korintushicka, haj amaro ilo avri puterdyilas.
12. vers
Na ande amende si o tang than pe tumari rig, ba ande tumaro ilo si tang o than.
13. vers
Kado pale palpale te zhanen te den, sar mure shavorenge phenav, putren avri vi tume tumaro ilo!
14. vers
Na cirden jekh pharipe le bi patyamnenca! Ke soski grizha si le chachipes le nasulipesa? Bake sosko kethanipe si mashkar o fimlaliipe haj tunyarikipe?
15. vers
Sar hatyarelas jekh o Kristo le Beliallesa? Bake soski grizha si le patyamnes kaj o bi patyamno?
16. vers
Sar resel kethane le Devleski khangeri le fetishonca? Ke tume le zhuvinde Devleske khangera san, sar o Del phenel:
„Mashkar lende besho haj mashkar lende phiro,
lengo Del avo, haj von mure populara avna.
17. vers
Zhantar avri apol mashkar lende,
shindyortar lendar – phenel o Raj –,
haj na resen biuzhimasko!
Atunchi mande lo tumen,
18. vers
haj me tumaro Dad avo,
tume pale mure shave haj sheja avna,
phenel le sagutnipesko Raj”
Könyvek
