Dujto lil kaj le korintushicka

Fejezetek:

… 8 9 10 11 12 13   ⇤ ← 10 → ⇥

1. vers

Pe Kristosko blindope haj po palpaleinkripe mangav tumen, me o Pal, kon ande jakha palpale inkerdo som mashkar tumende, ba kana dur phirav tromano som tumenca:

2. vers

mangav tumen, ke kana maj tumende avo, tena trubuj tromaneske te avav mashkar tumende, kasava zorasa, sosa kade gindisarav, tromano shaj avav unyizhenenca, kon kade gindinpe pamende, sar ame kathar o trupo te phirasas.

3. vers

Apol vi ando trupo te phiras, na kathar o trupo marasame.

4. vers

Ke amare marimaske mudvara na kathar trupo si, ba kathar o Del si zurale pe zorimaske tele rumusardyimata. Amare maripesa tele rumusaras le avri gindimata,

5. vers

haj sako uchipe, so pe Devlesko pinzharipe opre vazdadyolpe, haj phangleske keras sakone hatyrimata, pe le Kristosko muklipe.

6. vers

Gata sam te krisaras sakono bi muklipes, kana intrego avla tumaro muklipe.

7. vers

Dikhen kodo, so angla tumare jakha si! Kana varikon kodalesa zuralel pes, ke le Kristosko si, te gindisarel ande peste vi kodo, ke sar voj le Kristosko si, kade vi ame kodal sam.

8. vers

Ke vi varisosa maj but te asharavma amare saktimosa, so o Raj pe tumaro vazdadyipe, haj na rumuvjipe das, chi lazhardyuvos.

9. vers

Ba chi kamav kodo dichipe te resav, ke numa daravav tumen le lilenca.

10. vers

Ke „le lila apol – phenen – pharej haj zuralej, ba lenge trupasle dichimata slaburaj, haj lenge vorbi nasulaj.”

11. vers

Te gindil kasavo pe kodo, ke soske sam kana dur sam ande amare lila, vorbenca, kasave avasa vi kana kothe avasa, kerdyimatanca.

12. vers

Ke ame chi tromas amen kaj kodal te ginavas bake te anaras, kon pen inbisaren: ba chaladipe keren, ke pende ginaven haj pende anaren pen.

13. vers

Ba ame chi asharas amen zurales, numa kade, so o Del sikadas avri amenge, ke vi tumende te resas.

14. vers

Ke ame chi butardyuvas avri pe tumende, sar tena reslosardamas tumende, ke vi tumende reslam le Kristoske evangeliumosa.

15. vers

Chi asharas amen kaverenge butyasa, ba inkerdyol inke amaro sperantipe, ke te barardyola tumaro patyape, atunchi ando barvalo patyivipe avla amen rig mashkar tumende ande amara butyate.

16. vers

Atunchi vi tumendar maj durutne thana viacarasa o evangeliumo, bi kodo, ke ande strinemata aba le kerde butyanca te asharasas amen.

17. vers

Kon pale asharelpe, ando Raj te asharelpe:

18. vers

ke na kodaleske perelpe patyivipe, kon pes inbil, ba kas o Raj inbil.

Fejezetek:

1 2 3 4 5 6 7 8 9 10 11 12 13