Lil le kolossenge

Fejezetek:

1 2 3 4

1. vers

O Pal, anda Devlesko kamipe le Kristo Jezushesko aposhtolo, haj o Timoteush phral

2. vers

ande Kolosse suntone haj patyamne phralenge ando Kristo. Gracija tumenge haj pachipe kathar o Del, kathar amaro Dad!

3. vers

Najisipe phenas le Devleske, amare Rajeske, le Jezush Kristoske Dadeske, zhisodivar rudyisras,

4. vers

ke ashundam pa tumaro patyape ando Kristo Jezush, haj pa kamipe, sar hatyaren sa karing le suntura,

5. vers

anda kodo sperantipe, so gata tordyol tumenge ando rajo, haj pa soste aba ashundine ande evangeliumosko sunto alav.

6. vers

Kado reslastar tumende, haj sar pe intrego luma frukto kerel haj butajvel, kade vi tumende, zhikathar kodo dyes, kana ande pesko chachipe pinzhardine haj ashundine le Devleski gracija.

7. vers

Kade sityiline kodo kathar o Epafras, kathar amaro kamado slugano amal, kon le Kristoski chachi sluga si anda amende.

8. vers

Voj das amen viaca pa tumaro Duhikano kamipe.

9. vers

Anda kado vi ame, kathar kodo dyes, ke kado ashundam, sagda rudyisaras anda tumende, ke leske kamipesko pinzharipe te avel intrego ande tumende, sakone platnikipesa haj hatyaripesa kethanes,

10. vers

haj trajin kade, sar perelpe kodo karing o Raj, ande sakofaloste kade, sar les faj, ke ande sakone lashe kerdyimata frukto te keren, haj te butajven ande Devlesko pinzharipe.

11. vers

Te zurarel tumen anda pesko luvudyipesko saktimo sagda zorasa, ke zhikaj agor avri te inkren, haj pachake te aven.

12. vers

Losshanes phenen najisipe le Dadeske,
kon dostaske kerdas tumen pe kodo,
ke vi tumen rig te avel le suntonca ando fimlalipe.

13. vers

Avri-cirdas amen anda tunyarikipesko saktimo,
haj perdal shutas amen ande peske kamade Shavesko them.

14. vers

Ande leste si amaro muntosardyipe, le bezexengo jertipe.

15. vers

Voj si le bi dikhline Devlesko mosuripe,
haj sakone kerdyimasko angluno arakhadyipe,

16. vers

ke ande leste kerdadyilas sakofalo ando cheri haj pe phuv,
le dikhline, haj bi dikhline,
le rajkane iskamina haj le rajimata,
le kraja haj le saktimura.
Sakofalo lestar haj anda leste kerdadyilas.

17. vers

Voj majanglunes si sakofalostar,
haj sakofalo ande leste tordyol opre.

18. vers

Voj si le truposko, haj la eklezhiako shero;
voj si o anglipe, o angluno arakhadyilino mashkar le mule,
ke lesko te avel o anglunipe ande sakofaloste.

19. vers

Ke kade fajas le Dadeske,
ke ande leste te beshel o intrego intregonipe,

20. vers

haj perdal pa leste te ushorisarel pesa sakofalo,
so pe phuv haj ando rajo si,
perdal pa kodo, ke pachipe kerdas leske trushuleske ratesa.

21. vers

Vi tumen, kon varikana xolyarnyika haj strene hatyarimaske sanas anda nasul kerdyipe,

22. vers

ushorisardas akanak ande lesko manushikano trupo perdal pa meripe, ke sar sunton, uzhes haj sar bi doshakiren te tordyarel angla peste.

23. vers

Ashon anda kado ando patyape zurales, na durutnisajventar kathar la eklezhiako sperantipe, so ashundine, so sakone zhuvindeske viacardine tala cheri, haj saveske me o Pal, sluga kerdyilom.

24. vers

Akanak pale losshikanes dukhardyuvav anda tumende, haj avri intregonisarav ande muro trupo kodo, so faltil anda Kristosko dukhipe, pe leske truposke, pe eklezhiaki rig,

25. vers

savake me sluga kerdyilom kathar o Del lino anda tumende kerdi butyi, ke intrego patyivipe te rodav le Devleske alaveske,

26. vers

la tajnake, so aba garadi sas but shela bersh haj but generaciovura, ba so akanak avriphendas peske suntonge.

27. vers

Lenca kamlas o Del te pinzharavel la tajnako luvudyisardo barvalipe mashkar le murtikana, kade e tajna pale naj kaver, sar kon ande tumende si o Kristo, le luvudyimasko sperantipe.

28. vers

Ame les viacaras kana sakone manushes ferisaras haj sityaras intregone platnikipesa, ke sakone manushes federeske te keras ando Kristo.

29. vers

Anda kado khinyosardyuvav leska zorake zhutipesa, so mishto butyarel ande mande.

Fejezetek:

1 2 3 4