Lil le kolossenge
2. fejezet
Le kethanipesko patyape
1. vers
Kodo kamav, te zhanen avri, sar butyarav anda tumende, anda laodiceaicka, haj sa anda kodal, kon chi dikhline mure trupos peske jakhenca,
2. vers
ke lengo ilo te ushordyol, haj ando kamipe kethane te bilyal haj te resen ande hatyarimasko intrego pinzharipesko barvalipe, pe Kristosko pinzharipe,
3. vers
ande kaste le platnikipeske haj sakone zhanipeske avucija garadyol.
4. vers
Kado anda kodo phenav, ke khonyik tena zhanel te xoxavel tumen shukarne vorbenca.
5. vers
Ke vi dur te som tumendar trupikanes, ba duhosa tumenca som, haj loshshav kana dikhav mashkar tumende e pacha, haj ke zurales patyan ando Kristo.
6. vers
Anda kado, ke sar patyajline le Raj Jezush Kristos, kade vi trajin ande leste,
7. vers
rikitisardyon ande leste, haj barardyon pe leste! Zurardyon ando patyape, sar sityilineles, haj te avel butardo tumaro najisipe!
Feripe kathar le xoxamne sityara
8. vers
Len sama, ke khonyik tena shol tumen phangleske platnikipesa, haj xalya vorbasa, so kaj le manushikane tradiciji haj kaj la lumake trabi pashardyon, haj na karing o Kristo.
9. vers
Ke ande leste beshel le devlikanipesko intregonipe ande truposte,
10. vers
haj ande leste resline po intregonipe, ande leste, kon sakone krajipesko haj saktimosko sheroj.
11. vers
Ande leste vi krujalshindine tumen, na vastesa kerdino krijalshinipesa, ba le hatyarimaske truposke tele shudimatasa, kathar o Kristo kerdo krujalshinipe,
12. vers
kana lesa kethanes praxosardyiline ando bolardyipe, haj lesa kethanes vi opretrajisardyiline, ande kodale Devleski zor patyamnes, kon les opretrajardas anda meripe.
13. vers
Lesa kethanes vi tumen, kana mule sanasle anda tumare bezexa haj truposko bi krujalshinipe, opretrajardas tumen perdal pa kodo, ke jertisardas amare sagda bezexa.
14. vers
Leske vladipenca le kamipeske liles, so dosharelas amen, koslas, shutasles anda drom, haj po trushul karfardas les:
15. vers
tele kolyardas le krajen haj saktimon, angla sakoneste tele lazhavardas len, haj barardyilas pe lende.
16. vers
Apol khonyik tena krisarel tumen anda xamasko bake pimoski traba, chi anda baro dyes, anda nyevo shonitiko bake anda savato.
17. vers
Kadal numa leske tunyarikimata le avlimaske trabenge, ba o sipe le Kristoskoj.
18. vers
Ke chi perelpe tumenge o potyinipe tena phenel tumenge kasavo manush, kon asharel pes ando blindope haj ando andyelongo patyivisaripe, kon phutyardo kerdyol anda peske dikhlimata, anda khanchi baripesko kerdyol ande pesko duho,
19. vers
haj chi pashardyol kaj o shero, kon grizhol haj kethane shol le riga ando trupo, ke te zhutisarel kathar o Del inkerdino bararipe.
20. vers
Kana apol muline le Kristosa kethanes la lumake rigange, sostar len pe tumende krisa, sar ande luma te trajinas:
21. vers
„Na res leste, na zumavles, na unzu leste!”
22. vers
Ke kadal sa anda kodol si, ke te pustisajventar kathar o hasnisaripe. Numa pa manushikane vladimata haj sityarimata si vorba.
23. vers
Platnikenge sikaven pen, anda devlikane patyivisaripe anda blindosaripe, haj ke dukharen pen, ba naj ande lende khanchi baripe: numa le hatyarimaske truposke slugin haj dostaren avri.
Könyvek
