Lil le kolossenge

Capítulos:

1 2 3 4

verso 1

Kodo kamav, te zhanen avri, sar butyarav anda tumende, anda laodiceaicka, haj sa anda kodal, kon chi dikhline mure trupos peske jakhenca,

verso 2

ke lengo ilo te ushordyol, haj ando kamipe kethane te bilyal haj te resen ande hatyarimasko intrego pinzharipesko barvalipe, pe Kristosko pinzharipe,

verso 3

ande kaste le platnikipeske haj sakone zhanipeske avucija garadyol.

verso 4

Kado anda kodo phenav, ke khonyik tena zhanel te xoxavel tumen shukarne vorbenca.

verso 5

Ke vi dur te som tumendar trupikanes, ba duhosa tumenca som, haj loshshav kana dikhav mashkar tumende e pacha, haj ke zurales patyan ando Kristo.

verso 6

Anda kado, ke sar patyajline le Raj Jezush Kristos, kade vi trajin ande leste,

verso 7

rikitisardyon ande leste, haj barardyon pe leste! Zurardyon ando patyape, sar sityilineles, haj te avel butardo tumaro najisipe!

verso 8

Len sama, ke khonyik tena shol tumen phangleske platnikipesa, haj xalya vorbasa, so kaj le manushikane tradiciji haj kaj la lumake trabi pashardyon, haj na karing o Kristo.

verso 9

Ke ande leste beshel le devlikanipesko intregonipe ande truposte,

verso 10

haj ande leste resline po intregonipe, ande leste, kon sakone krajipesko haj saktimosko sheroj.

verso 11

Ande leste vi krujalshindine tumen, na vastesa kerdino krijalshinipesa, ba le hatyarimaske truposke tele shudimatasa, kathar o Kristo kerdo krujalshinipe,

verso 12

kana lesa kethanes praxosardyiline ando bolardyipe, haj lesa kethanes vi opretrajisardyiline, ande kodale Devleski zor patyamnes, kon les opretrajardas anda meripe.

verso 13

Lesa kethanes vi tumen, kana mule sanasle anda tumare bezexa haj truposko bi krujalshinipe, opretrajardas tumen perdal pa kodo, ke jertisardas amare sagda bezexa.

verso 14

Leske vladipenca le kamipeske liles, so dosharelas amen, koslas, shutasles anda drom, haj po trushul karfardas les:

verso 15

tele kolyardas le krajen haj saktimon, angla sakoneste tele lazhavardas len, haj barardyilas pe lende.

verso 16

Apol khonyik tena krisarel tumen anda xamasko bake pimoski traba, chi anda baro dyes, anda nyevo shonitiko bake anda savato.

verso 17

Kadal numa leske tunyarikimata le avlimaske trabenge, ba o sipe le Kristoskoj.

verso 18

Ke chi perelpe tumenge o potyinipe tena phenel tumenge kasavo manush, kon asharel pes ando blindope haj ando andyelongo patyivisaripe, kon phutyardo kerdyol anda peske dikhlimata, anda khanchi baripesko kerdyol ande pesko duho,

verso 19

haj chi pashardyol kaj o shero, kon grizhol haj kethane shol le riga ando trupo, ke te zhutisarel kathar o Del inkerdino bararipe.

verso 20

Kana apol muline le Kristosa kethanes la lumake rigange, sostar len pe tumende krisa, sar ande luma te trajinas:

verso 21

„Na res leste, na zumavles, na unzu leste!”

verso 22

Ke kadal sa anda kodol si, ke te pustisajventar kathar o hasnisaripe. Numa pa manushikane vladimata haj sityarimata si vorba.

verso 23

Platnikenge sikaven pen, anda devlikane patyivisaripe anda blindosaripe, haj ke dukharen pen, ba naj ande lende khanchi baripe: numa le hatyarimaske truposke slugin haj dostaren avri.

Capítulos:

1 2 3 4